武吉士 (Bugis) 同甘榜格南 (Kampong Glam) 8 大最好玩活動

呢條氣氛好開心嘅步行小巷喺甘榜格南 (Kampong Glam) 嘅中心地帶，係新加坡最窄、但又最靚嘅道路之一，一直以古樸而奇特嘅精品店出名，有時新加坡型格潮人會一齊聚集喺呢度，同時又吸引咗走「潮流路線」嘅遊客嚟呢度遊覽。

喺遍佈繽紛塗鴉標記嘅馬路上面，開咗好多間商舖、市集攤位，同埋獨特又得意古怪嘅咖啡廳同餐廳，令呢條又狹又細嘅街道成為甘榜格南嘅必遊景點。哈芝巷喺橋北路，距離武吉士地鐵站只有幾分鐘路程。

蘇丹回教堂 (Sultan Mosque) 係新加坡最大型嘅清真寺，喺橋北路果度，靠近阿拉伯街嘅民族區，最初由柔佛人 Sultan Hussain Shah 喺 1824 年興建，落成 5 年後由 Denis Santry 改建，就變成今日睇到嘅樣。

蘇丹回教堂擁有超大嘅金色圓頂、鮮艷嘅橙粉紅色外牆，同埋宏偉嘅中央祈禱室，每次可以容納多到 5,000 個信眾，稱得上係國內規模最大、最令人讚嘆嘅清真寺。

觀音堂佛祖廟係牛車水區以外最出名嘅佛教寺廟之一，亦係遊客同信眾一定到嘅參拜場所，寺內供奉咗觀音娘娘，每日都有大批信眾嚟到呢度參拜祈福。

講到呢座宏偉寺廟嘅特色，一定唔少得中式屋頂、花崗岩瓷磚，同埋覆蓋咗成座建築嘅紅、金同黃色元素。從滑鐵盧街的主要地鐵站武吉士站步行數分鐘，即可到達這處壯麗景點。

阿拉伯街稱得上新加坡伊斯蘭社區嘅核心，風景如畫，色彩繽紛，街上面到處可以睇到精品店、小餐館同攤檔。宏偉壯觀嘅蘇丹清真寺亦喺附近，佢周圍嘅部分道路全日唔開畀車駛入，亦令區內嘅購物/餐飲/觀光體驗更加悠閒，遊客可以自在咁感受一下超正嘅氣氛，難怪為景點加唔少分！

無論你想搵市內最好食嘅清真食品，或者要親身選購特別有異國情調嘅優質布料，定係只想行下新加坡其中一條最靚嘅街道，阿拉伯街都會係理想之選。阿拉伯街鄰近武吉士地鐵站附近嘅哈芝巷 (Haji Lane)，不妨一齊遊覽！

馬來傳統文化館 (Malay Heritage Centre) 喺前蘇丹宮殿甘榜格南蘇丹王宮 (Istana Kampong Glam) 裡面，呢座古老建築特別有殖民風格；遊客可以欣賞兩層展館裡面差唔多 10 個展廊，睇下新加坡馬來人 (新加坡第二大民族) 以前嘅故事，了解佢哋嘅根源、矛盾、期望，同埋喺國家建設過程扮演嘅角色。

除咗 19 世紀末到 20 世紀初嘅稀有印刷品外，個別展區仲會詳細咁講述馬來人喺新加坡多元文化、多宗教社會裡面點樣自處。呢個館會以多媒體演示方式講述馬來人嘅職業、節日、習俗同願望，真係引人入勝。

哈查花蒂瑪回教堂 (Hajjah Fatimah Mosque) 喺 1846 年興建，以慷慨捐錢建堂嘅馬來女士哈查花蒂瑪 (Hajjah Fatimah) 命名，設計融合咗馬來同殖民風格，宜家已經成為咗國內瑰麗地標之一。喺清真寺後面，你可以睇到一啲古老墓碑，當中包括咗哈查花蒂瑪長眠之地。

喺武吉士同甘榜格南區裡面，你可以盡情享受好正嘅購物體驗！當中，武吉士街 (Bugis Street) 同雙溪路跳蚤市場 (Sungei Road Thieves Market) 以售賣平靚正嘅 T 恤同遊客手信出名，亦係度過下就美好時光嘅好去處，尤其喺週末就特別熱鬧！

克里希納廟 (Sri Krishnan Temple) 鄰近觀音堂佛祖廟，因而成為好出名嘅文化地標同觀光景點。呢間印度教寺廟嘅歷史可以追溯到 1870 年，專門用嚟供奉克里希納同佢老婆 Rukmini，寺外面正門上方嘅雕像令人印象深刻。