眾所周知卡塔爾習俗保守,但你仍可以喺市內發現爭議性十足嘅藝術品。卡塔爾係一個藝術之都。事實上,卡塔爾係全球最大嘅當代藝術品買家。卡塔爾嘅阿拉伯語書法、旋轉繪畫同大型青銅雕塑等藝術品,都深受傳統同外國文化影響。

    卡塔爾嘅目標係要成為中東嘅藝術同文化之都。埃米爾 (卡達爾嘅君主) 嘅妹妹為咗實現呢個目標,決心透過現代藝術去顛覆當地傳統觀念。近年來,卡塔爾藝術場地數目不斷增加,令藝術產業變得蓬勃起來。以下嘅一流藝廊展示出卡塔爾文化同歷史。

    1

    美夏雷博物館

    4 座古屋訴說多哈捕魚歷史

    美夏雷博物館 (Msheireb Museums) 介紹多哈昔日作為樸實小漁村嘅歷史。呢間博物館向位於市內古區嘅 4 座歷史建築致敬,佢哋分別係本耶爾穆德樓 (Bin Jelmood House)企業樓 (Company House)穆罕默德本賈西姆樓 (Mohammed Bin Jassim House)拉德瓦尼樓 (Radwani House)

    每座建築都介紹卡塔爾唔同嘅歷史,分別有古代奴隸制、石油同天然氣嘅發現、傳統文化,同埋阿拉伯灣各國發展。參觀完博物館之後,你仲可以去埋館內嘅禮品店同餐廳。你可以去阿爾法餐廳 (Al-Fai Restaurant)帝國咖啡廳 (Empire Café),品嚐卡塔爾現代美食。

    地點: 卡塔爾多哈美夏雷市中心

    開放時間: 營業時間:星期一至星期四 09:00 至 17:00;星期五 15:00 至 21:00;星期六 09:00 至 17:00 (逢星期日休息)。

    電話: +974 4006 5555

    地圖
    • 歷史文化`
    • 拍照
    2

    卡塔爾國立博物館

    親身了解卡塔爾歷史

    卡塔爾國立博物館 (National Museum of Qatar) 資訊豐富,等你可以深入了解卡塔爾嘅歷史。博物館位於多哈海濱大道 (Doha Corniche) 旁,建築設計宏偉又充滿活力,更坐擁海灣嘅壯麗景色。

    全館分為三個部分去講述卡塔爾嘅獨特故事:昔日卡塔爾、卡塔爾日常生活,同埋卡塔爾現代史。巴羅達珍珠地氈 (Pearl Carpet of Baroda) 帶有 150 萬顆手工刺繡珍珠、藍寶石同鑽石,係全館最著名嘅展品。順道去埋博物館風景優美嘅公園,欣賞一下卡塔爾本土植物。參觀完博物館之後,可以去咖啡廳品嚐傳統美食。

    地點: Museum Park St, Doha, Qatar

    開放時間: 營業時間:星期日至星期三 09:00 至 19:00;星期四及星期六 09:00 至 21:00;星期五 13:30 至 21:00。

    電話: +974 4452 5555

    地圖
    • 歷史文化`
    • 拍照
    3

    伊斯蘭藝術博物館

    探索 1,400 年伊斯蘭文化

    卡塔爾嘅伊斯蘭藝術博物館 (Museum of Islamic Art, MIA) 古今交融。呢間石灰砌博物館係多哈海濱嘅標誌性建築,入到博物館即使未睇宗教物件,你都可以感受到藝術同伊斯蘭嘅聯繫。

    博物館收藏咗源自三個大陸有 1,400 多年歷史嘅伊斯蘭工藝品。每件作品揉合咗中東同亞洲各地嘅傳統風格同技術,各自都承載唔同嘅故事,等遊客可以用視覺了解卡塔爾多個世紀嘅發展。博物館仲設有一個圖書館,館內收藏來自世界各地 15,000 多份稀有手稿和文本,當中包括 7 世紀嘅可蘭經。

    地點: Doha Port, Doha, Qatar

    開放時間: 營業時間:星期日至星期四 09:00 至 19:00;星期五 13:30 至 19:00。

    電話: +974 4422 4444

    地圖
    • 歷史文化`
    • 拍照
    4

    馬太夫伊斯蘭藝術博物館

    觀賞世界一流嘅現代同當代阿拉伯藝術收藏品

    馬太夫伊斯蘭藝術博物館 (Mathaf:Arab Museum of Modern Art) 位於多哈嘅教育城 (Education City) 內,由舊校舍改建而成。 博物館 25 年來收藏咗 9,000 件珍品,件件印證著卡塔爾社會嘅變化,館內收藏品嘅數目更係該區最多。

    霍魯菲亞 (Horoufiyah) (阿拉伯字母書法藝術),係博物館最著名嘅展覽。你可以參加免費導賞團,由導賞員為你介紹每件收藏品背後嘅故事。唔知點去博物館?好彩可以搭免費穿梭巴士直達博物館,真係好方便!

    地點: Education City, Doha, Qatar

    開放時間: 營業時間:星期五 13:30 至 19:00;星期六至星期四 09:00 至 19:00。

    電話: +974 4402 8855

    地圖
    • 歷史文化`
    • 拍照
    5

    卡塔拉藝術中心

    前往熱鬧村莊,欣賞新穎藝術。

    卡塔拉藝術中心 (Katara Art Centre) 係一個文化中心,等你可以探索非傳統藝術。呢間藝術中心位於卡塔拉文化村 (Katara Cultural Village),展出唔同現代同新穎藝術,而且村內嘅藝術空間正在不斷發展中。雖然每件藝術品用上嘅媒介都各有不同,但大多數都採用咗跨媒界嘅方法去表達。

    同場仲會舉辦藝術活動和展覽,協助阿拉伯地區嘅新晉藝術家建立本地同國際網絡。藝術中心定期舉辦講座、課程和工作坊。活動主題眾多,由基本嘅毛筆書法同再生藝術到漫畫泥塑都應有盡有。

    地點: Katara Cultural Village, Building 5, Doha, Qatar

    開放時間: 營業時間:星期日至星期四 10:00 至 21:00;星期五至星期六 16:00 至 21:00。

    電話: +974 4408 0244

    地圖
    • 歷史文化`
    • 拍照
    6

    謝赫費薩爾博物館

    體驗謝赫費薩爾對卡塔爾藝術嘅熱愛之情

    謝赫費薩爾博物館 (Sheikh Faisal Bin Qassim Al Thani Museum, FBQ Museum) 收藏咗卡塔爾一名成功商人嘅私人藝術珍藏。博物館位於亞薩姆里亞農場 (Al Samriya Farm) 入面,外牆採用本地石頭製成,設有傳統砲塔,望上去好特別。

    館內展出咗 50 多年來喺四大洲收集嘅藝術品,每件作品都展示出由侏羅紀時代到今時今日嘅伊斯蘭同卡塔爾風俗。館內設有 15 個展廳,收藏咗 15,000 件文物,並分為四個主題:伊斯蘭藝術、車輛、硬幣同貨幣,同埋卡塔爾文物。你可以喺博物館睇到珍寶古物、化石、稀有硬幣、手稿同紡織品。

    地點: Al Samriya, Qatar

    開放時間: 營業時間:星期一至星期四 09:00 至 16:30;星期五 14:00 至 19:00;星期六 10:00 至 18:00;星期日 09:00 至 16:00。

    電話: +974 4486 1444

    地圖
    • 歷史文化`
    • 拍照
    7

    維珍尼亞聯邦大學卡塔爾藝術館

    用學術角度探索卡塔爾藝術

    維珍尼亞聯邦大學卡塔爾藝術學園 (VCUarts Qatar) 係著名藝術學校維珍尼亞聯邦大學 (Virginia Commonwealth University) 位於中東嘅分校。呢間藝術學園位於教育城入面,佔地 12 平方公里,設有多間教育機構。校園於舉行展覽嘅時候對外開放。

    VCUarts 集研究和教育於一身,係卡塔爾最好嘅圖形同室內設計場地,而且擁有為人津津樂道嘅藝術歷史。校園內嘅藝術品出自國際藝術家,同埋學生同教職人員。有唔少作品涉及探討學術。如果你無揸車就比較難去到卡塔爾藝術學園,有心去就記得要提早計劃行程。

    地點: Al Luqta St, Education City, Doha, Qatar

    開放時間: 營業時間:星期日至星期四 09:00 至 17:00 (星期五及星期六關閉)

    電話: +974 4402 0555

    地圖
    • 歷史文化`
    • 拍照

    相片由 VCUarts Qatar 提供 (CC BY-SA 4.0) 經修改

    8

    多哈公共藝術

    大街小巷嘅世界一流藝術品

    當你喺多哈遊覽嘅時候,一定會睇到由一班本地同國際藝術家創作而成嘅精彩現代藝術品。活動由卡塔爾博物館公共藝術部 (Qatar Museums Public Art Department) 策劃,有份參與嘅雕塑有達米恩赫斯特 (Damien Hirst) 嘅奇蹟之旅 (The Miraculous Journey),同埋路易絲布爾喬亞 (Louise Bourgeois) 嘅馬曼蜘蛛 (Maman)。多哈其他著名公共藝術作品仲有出自艾爾賽德 (El Seed) 嘅塗鴉,同埋安妮戈德斯 (Anne Geddes) 嘅攝影作品。

    • 拍照
    • 經濟實惠
    9

    舊消防局藝術博物館

    欣賞新晉本地藝術天才嘅作品

    舊消防局藝術博物館 (Fire Station Artist in Residence) 前身係卡塔爾嘅消防隊建築,現時搖身一變成為多哈主要藝術中心之一。呢個經活化改用嘅藝術空間獲卡塔爾嘅埃米爾 (Emir) 大力支持。

    博物館燈火通明,館內嘅美術館收藏咗唔同前衛作品,仲設有同社會相關嘅展覽。博物館亦有開設為期 9 個月嘅藝術家進駐計劃。館內嘅 Cafe #999 咖啡廳提供各種有機同無麩質食物同飲料。你可以一邊品嚐著名嘅駱駝肉漢堡,一邊欣賞西岸寧靜嘅景色。

    地點: Mohammed Bin Thani St, Doha, Qatar

    開放時間: 營業時間:星期六至星期四 09:00 至 19:00;星期五 13:30 至 19:00

    電話: +974 4422 4222

    地圖
    • 歷史文化`
    • 拍照
    10

    東翼

    細看攝影作品

    多哈嘅東翼 (East Wing) 係卡塔爾藝術界廣為人知嘅國際現代攝影平台。東翼並無一個固定場地去展示作品,但每次舉行活動同展示時都吸引好多人去出席。

    東翼嘅作品涵蓋攝影、錄像同其他獨特出版物。作品嘅主題同社會有關,而且發人深省。東翼致力支持本地同國際新晉同已出道藝術家。

    地點: 卡塔爾多哈 (不同場地)

    • 歷史文化`
    • 拍照
    11

    阿尼瑪藝廊

    投入卡塔爾現代藝術世界

    阿尼瑪藝廊 (Anima Gallery) 每年會舉辦 5 場現代藝術展覽。藝廊坐落喺多哈沿岸嗁人工島上,收藏咗各式風格同媒介嘅繪畫、雕塑同版畫等。藝廊除咗展出本地、當區同埋國際藝術品之外,仲有專為專業人士、學生同訪客而設嘅演講同講座。

    阿尼瑪藝廊設有網上畫廊,即使你唔喺現場都可以身如其境欣賞藝術品。參觀藝廊嘅國際藝術品後,不妨去深受歡迎嘅阿尼瑪餐廳 (Anima Lounge) 品嚐美食。

    地點: 30 La Croisette, Porto Arabia, The Pearl, Qatar

    開放時間: 營業時間:每日 10:00 至 23:00

    電話: +974 4002 7437

    地圖
    • 歷史文化`
    • 拍照
    Geri Mileva | 特約撰稿人

    開始計劃行程

    Maps