嚟到佛羅倫斯，就好似時光倒流返去文藝復興時期嘅輝煌年代，令人樂而忘返。呢個全球保存得最完好嘅歷史中心被列為聯合國教科文組織世界文化遺產。抬頭一望市內天際線，最先映入眼簾嘅係聖母百花大教堂 (Florence Cathedral) 嘅泥紅色圓頂，同埋高聳入雲嘅哥德式鐘樓；而烏菲茲美術館 (Uffizi Gallery) 等等嘅博物館雲集米高安哲羅 (Michelangelo) 同達文西 (Leonardo da Vinci) 等當地傳奇人物嘅無價傑作。
與此同時，佛羅倫斯嘅鵝卵石廣場兩邊林立溫馨 Cafe 同精品店，專賣當地嘅型格時裝同手工藝品。唔使講都知—佛羅倫斯係美食天堂，鄉村餐廳主打多汁鮮嫩嘅佛羅倫斯牛扒、野豬肉醬即製寬條扁意粉，仲有數之不盡嘅地道美食，見到實會流口水！
