那不勒斯

那不勒斯 (Naples) 令人心醉，皆因佢擁有列入聯合國教科文組織世界文化遺產嘅歷史中心，城內遍佈華麗嘅巴洛克式教堂、中世紀修道院，以至「搖搖欲墜」嘅羅馬遺址，有如縱橫交錯嘅迷宮。如果你熱愛文化，肯定對那不勒斯更加神往！其中，卡波迪蒙蒂博物館 (Museo di Capodimonte) 設於華麗宮殿裡面，珍藏咗卡拉瓦喬 (Caravaggio)、拉斐爾 (Raphael) 同提齊安諾維伽略 (Titian) 等藝術家嘅曠世傑作。

另一方面，那不勒斯嘅市集充滿活力，貨色琳瑯滿目，既有手工聖誕裝飾品，亦都有別緻嘅地道時裝。嚟到那不勒斯，又點可以錯過鼎鼎大名嘅那不勒斯菜？你可以去樸實又「貼地」嘅餐廳食超好味嘅薄脆 Pizza，亦都會食到魅力席捲全球嘅海鮮意粉，係咪流哂口水呢~？