慕尼黑

今時今日，慕尼黑最出名嘅特色，可能就係發源市內嘅慕尼黑啤酒節 (Oktoberfest)！呢場盛大嘅民俗節慶吸引嚟自世界各地嘅遊客，一齊著住巴伐利亞傳統皮褲 (lederhosen) 同短裙 (dirndl)，連日跳舞、飲酒狂歡。之但係，縱情享樂只係呢個富裕城市嘅其中一面—

轉個角度睇，輝煌嘅慕尼黑皇宮 (Munich Residence) 係德國最宏偉嘅城市宮殿，而附近鬱鬱蔥蔥嘅英式城市庭園面積冠絕全球；備受推崇嘅老繪畫陳列館 (Alte Pinakothek) 收藏咗早期繪畫大師嘅無價之作；佢嘅姊妹畫廊現代藝術陳列館 (Pinakothek der Moderne) 就主力提倡高質素當代藝術。

慕尼黑玩樂推介

精選指南及趣聞

慕尼黑係全世界數一數二嘅啤酒之都，亦係歐洲嘅釀酒中樞！識飲嘅你，一定要去一年一度嘅慕尼黑啤酒節 (Oktoberfest)，喺人山人海嘅啤酒帳篷入面飲返夠本；每年暑假，當地人都鍾意去啤酒花園暢飲，一樣咁爽。除咗「隊啤」，你仲可以參觀巴洛克同文藝復興時期嘅大教堂，同埋建於 12 至 18 世紀嘅豪華皇宮—呢啲建築物大部分都位於市中心，有好多行人路同單車徑經過，交通方便。 慕尼黑市中心四周圍遍佈公共廣場同花園，觀光行足成日，可以坐低品嚐惹味嘅德國美食、糕點，嘆返杯咖啡，好寫意架！不妨參考我哋嘅指南，睇吓慕尼黑有咩最佳景點、好玩活動、嶄新嘗試，把握數之不盡嘅影相「打卡」機遇啦。 慕尼黑最好玩嘅活動係乜嘢？閱讀更多資訊