柏林

突破性嘅藝術氛圍、前衛嘅街頭時尚同誘人嘅悠閒氣氛，正正係柏林吸引遊客嘅過人之處！呢度嘅夜生活令全世界艷羨，各種刺激嘅 Techno club、波希米亞風格酒吧同喧鬧嘅現場音樂表演場地，都等緊你去探索。不過，隨心所欲嘅享樂主義並唔係呢座城市嘅全部—

毫無疑問，柏林係歐洲文化都會之一，坐擁佔據領先地位嘅美術館、時尚型格嘅獨立戲院，同埋莊嚴嘅歷史博物館，例如恐怖地形圖博物館 (Topography of Terror) 等等。鍾意美食嘅遊客，仲可以喺度「擦餐勁」，品嚐德國炆鹹豬手之類嘅豐盛主食，之後再「捐窿捐罅」搜羅純素高級佳餚，又或者品嚐河畔街頭小食。

柏林玩樂推介

精選指南及趣聞

貴為德國首都，柏林係歐洲最具標誌性嘅城市之一，始建於 12 世紀，歷史源遠流長，亦經歷過動盪，而家已經發展成融合創意、技術同文化嘅世界城市。柏林於 1990 年重新統一，保留自身歷史遺產，同時又有多姿多彩嘅景點，扣人心弦，亦值得國民引以為傲。 由見證德意志民主共同國時期嘅亞歷山大廣場 (Alexanderplatz)，到 19 世紀德意志帝國嘅德國國會大廈 (Reichstag Building) 古蹟建築，柏林帶你漫步往昔。歷年以嚟，柏林亦都不斷進步，晉身歐洲最熱門度假勝地之列，不妨參考下面嘅指南，睇睇應該由邊度起步，遊覽呢個迷人都會啦！ 柏林最好玩嘅活動係乜嘢？閱讀更多資訊