科隆

科隆 (Cologne) 嘅天際線由宏偉教堂嘅高聳雙尖塔所雄據，而呢座教堂正正係哥德式建築嘅標誌典範，亦係德國最受歡迎嘅景點之一。科隆歷史悠久，位處河畔，昔日以富裕聞名，引人入勝之處又點止咁少？

今時今日嘅科隆出晒名好客，玩得夠 Free，每年都會舉辦全國最大型嘅春季嘉年華，而呢度嘅 LGBT 同志社群一啲都唔避忌，昂然挺立。科隆夜生活豐富多彩，既有傳統啤酒館，亦有地下 Techno club；熱情好客嘅餐廳為你奉上豐盛嘅地道美食，例如酥脆嘅德國鹹豬手、多汁嘅炸肉扒 (schnitzel)，絕對令人食指大動！