北村韓屋村 (Bukchon Hanok Village)

想認識韓國傳統文化，不妨用 KRW10,000 買一張「北村博物館通行證」，參觀嘉會博物館、韓尚洙刺繡博物館同韓國美術博物館。

嘉會博物館喺 2002 年開幕，展出超過 250 幅民間繪畫、750 個護身符、150 本典籍同超過 200 件傳統屏風；古代人利用護身符驅走疾病同邪靈，防止惡靈侵擾，又祈求身體健康，心想事成，家人平順。

韓尚洙刺繡博物館珍藏咗著名工匠韓尚洙巧奪天工嘅刺繡作品、韓國帝王同高官曾佩戴嘅刺繡文物，同埋民間刺繡藝術收藏品。

韓國美術博物館就收藏咗 6,000 多件佛教繪畫、雕塑、工藝品同祭祀用具，仲會舉辦多個工作坊，介紹韓國民間繪畫藝術同傳統食品烹調方法。

北村韓屋村無入場費，但係部分韓屋係私人住宅，參觀時就要保持安靜。去果度最簡單嘅方法係乘搭地鐵 3 號線到安國站，由 3 號出口行一陣，就可以行到韓屋村。