首爾玩樂活動眾多,引嚟全球各地好奇心爆燈嘅旅客蜂擁而至。呢個韓國首都既有時尚前衛嘅高樓大廈同購物商場,亦有保存完好嘅皇宮同佛廟,可以話係兼備咗獨特嘅文化氣息同現代化嘅舒適生活。

    首爾擁有覆蓋完善嘅地鐵系統,著名嘅地標通常都只係幾站之隔,相當方便。呢度仲有多個熱鬧嘅購物區,為所有年齡層嘅旅客提供多種餐飲、購物同夜生活選擇。初次探索呢座大城市,你可能唔知要從何入手,所以我哋已經為你整理好首爾最具人氣嘅景點,方便你輕鬆安排行程!

    首爾最佳玩樂之選

    • 經濟實惠
    • 歷史文化
    • 拍照

    景福宮 (Gyeongbokgung Palace) 由太祖於 1395 年建造,係朝鮮王朝時期建造嘅 5 座大皇宮中規模最大同最宏偉嘅一座。宮殿由超過 300 棟建築組成,入面設有國家民俗博物館 (National Folk Museum) 同埋國立古宮博物館 (National Palace Museum),鍾意歷史嘅你絕對不容錯過。

    宮內嘅慶會樓 (Gyeonghoe-ru)、香遠亭 (Hyangwonjeong)、以至勤政殿 (Geunjeongjeon) 雕塑等,眾多朝鮮王朝嘅遺跡都保存得相對完好,處處揚溢古代風情。景福宮喺10:00 至 15:30 期間提供英文、日文同中文嘅免費導賞團。

    閱讀更多資訊

    位置: 161, Sajik-ro, Jongno-gu, Seoul, South Korea

    電話: +82 (0)2-3700-3900

    地圖
    • 伴侶
    • 家庭
    • 拍照

    N 首爾塔 (N Seoul Tower) 係屹立於首爾市中心南山 (Namsan Mountain) 上嘅現代化建築,樓高 237 米嘅塔頂上設有觀景台,俾你飽覽首爾嘅遼闊全景。塔內設有數碼觀景台、多間紀念品店、餐廳同埋 Cafe。

    一樓陽台係情侶必遊聖地,旅客會掛上鎖頭同埋示愛字條,象徵甜蜜愛情,而室外舞台就一年四季都會舉辦傳統表演同展覽。觀景台入場費為成人約 KRW10,000,兒童及長者約 KRW8,000。

    閱讀更多資訊

    位置: 105 Namsangongwon-gil, Yongsan 2(i)ga-dong, Yongsan-gu, Seoul, South Korea

    開放時間: 星期一至星期五和星期日 10:00 至 23:00;星期六 10:00 至 00:00

    電話: +82 (0)2-3455-9277

    地圖
    • 家庭
    • 遊歷

    樂天世界 (Lotte World) 位於首爾市中心,係全球最大型嘅室內主題公園之一。園內設有大量刺激好玩嘅機動設施,仲有戲院、溜冰場、繽紛嘅巡遊同埋激光匯演,適合不同年齡層人士暢玩。你亦可以參觀樂園裡嘅民俗博物館,細賞迷你村莊同埋超過 5,000 年歷史嘅文物。

    樂天世界嘅入場費根據入場時間而有所不同,你可以憑門票免費進入樂天世界嘅民俗博物館、探險世界 (Adventure) 同魔幻島 (Magic Island)。

    閱讀更多資訊

    位置: 240 Olympic-ro, Songpa-gu, Seoul, South Korea

    開放時間: 每日 09:30 至 22:00

    電話: +82 (0)2-1661-2000

    相片由 SJ Yang 提供 (CC BY-SA 2.0) (經修改)

    如果你打算喺逗留首爾期間盡情購物,咁就唔可以錯過明洞市場 (Myeongdong Market) 喇!明洞係韓國嘅主要購物區之一,有幾十間百貨公司、購物商場同街鋪。人氣商品包羅萬有,無論係本地品牌定係國際品牌嘅衣服、鞋具、飾品、珠寶同手袋,價錢都相當平,銷售韓國化妝品同護膚品嘅商店更有超過 1,000 間!

    同首爾其他購物區唔同,明洞市場亦有觀光景點:標誌性地標包括明洞天主教大教堂 (Myeongdong Catholic Cathedral) 同哥德風格嘅明洞劇場 (Myeongdong Theatre)。

    閱讀更多資訊

    位置: 83-9 Myeong-dong, Jung-gu, Seoul, South Korea

    開放時間: 每日 10:00 至 22:30 (營業時間因應商店而異)

    • 歷史文化
    • 拍照

    昌德宮 (Changdeokgung Palace) 係韓國僅存嘅 5 座皇宮中保存最完好嘅一座,位處白岳山 (Mount Baegaksan) 鷹峰 (Ungbong) 山腳處,喺 1997 年獲列為聯合國教科文組織世界文化遺產。皇宮由公眾宮殿區、鋪設完善嘅庭院、開放式走廊同埋皇室御所組成。

    昌德宮嘅後苑 (Huwon) 係宮內最熱門嘅拍攝勝地之一,內有百合花池,同埋為五彩繽紛花卉環繞嘅典雅涼亭,非常優美。宮殿嘅一般入場費為成人約 KRW3,000,小童 (7 至 8 歲) 約 KRW1,500。宮內提供英文、中文同日文導賞團。

    閱讀更多資訊

    位置: 99, Yulgok-ro, Jongno-gu, Seoul, South Korea

    開放時間: 每日 09:00 至 18:30

    電話: +82 (0)2-1661-2000

    地圖
    • 經濟實惠
    • 歷史文化
    • 拍照

    想了解韓國傳統佛教習俗嘅話,奉恩寺 (Bongeunsa Temple) 提供嘅文化活動就最適合你。寺廟四周綠樹成蔭,氣氛閒靜祥同,內有唔少珍藏文物,例如佛經木刻,同埋全韓國最高嘅彌勒菩薩雕像等。

    奉恩寺另推出寺廟住宿計劃,俾旅客體驗佛僧生活。參觀期間,你更可以參加多種活動,包括導賞團 (提供英文、日文同中文選擇)、清晨靜修、蓮花燈製作同茶道等。

    閱讀更多資訊

    位置: 531, Bongeunsa-ro, Gangnam-gu, Seoul, South Korea

    開放時間: 每日 03:00 至 22:00

    電話: +82 (0)2-3218-4895

    地圖
    7

    韓國戰爭紀念館

    • 經濟實惠
    • 歷史文化
    • 拍照

    韓國戰爭紀念館 (War Memorial of Korea) 係為紀念韓戰 (1950 年至 1953 年) 而建造。博物館位於梨泰院 (Itaewon),設有虛擬戰鬥體驗室同埋 6 個室內展廳,陳列歷史文物同埋戰鬥記錄。

    而室外展覽中心就展示 13,000 件戰爭紀念品、軍事裝備同埋紀念雕像。韓國戰爭紀念館不設入場費。

    位置: 29, Itaewon-ro, Yongsan-gu, Seoul, South Korea

    開放時間: 星期二至星期日 09:30 至 18:00 (星期一休息)

    電話: +82 (0)2-709-3139

    地圖
    8

    宗廟

    • 歷史文化
    • 拍照

    宗廟 (Jongmyo Shrine) 係朝鮮王朝進行祭禮嘅儒家皇家祠堂,獲列入聯合國教科文組織世界文化遺產,內有昔日朝鮮王朝國王同埋皇后嘅神主牌,當地人每年都會喺宗廟舉辦韓國皇宮文化節 (Korean Royal Palace Culture Festival) 等傳統文化節慶。

    旅客必須由導遊帶領,先可以進入宗廟嘅文化遺產區 (入場費介乎 KRW400 至 KRW1,000),而神社本身為嚴禁進入。宗廟距離鐘路 3 街 (Jongno-sam-ga) 地鐵站只有 5 分鐘步程。

    位置: 157 Jong-ro, Jongno-gu, Seoul, South Korea

    開放時間: 星期三至星期一 09:00 至 18:30 (星期二休息)

    電話: +82 (0)2-762-8263

    地圖

    東大門市場 (Dongdaemun Market) 係韓國最大嘅批發同零售購物區之一。區內有大約 26 間購物商場、30,000 間專賣店同 50,000 間製造商。商品範圍由紡織品、衣服、鞋具、珠寶首飾,以至皮具、玩具、電子產品同辦公室用品,都一應俱全。

    東大門市場嘅吃巷子 (Mukja Golmok) 美食街係專賣韓國街頭美食同小食嘅巷子,吸引大量美食達人去潮聖。購物區到深夜都一直非常熱鬧,入夜後仲會舉行慶祝活動、Fashion Show、音樂同舞蹈表演等。

    閱讀更多資訊

    位置: Euljiro 6(yuk)-ga, Jung-gu, Seoul, South Korea

    電話: +82 (0)32-1344-4888

    • 歷史文化
    • 拍照

    北村韓屋村 (Bukchon Hanok Village) 內有幾百間韓屋 (韓國傳統民房),經歷時間洗禮,由朝鮮王朝屹立至今。呢度獲譽為首爾最靚嘅歷史城區。村內好多建築物都已經改建成文化中心、旅館、餐廳同埋茶館。

    雖然北村韓屋村本身不設入場費,但你可以俾 KRW10,000 買「北村博物館自由通行證」(Bukchon Museum Freedom Pass),參觀村內嘅博物館,特別係嘉會博物館 (Gahoe Museum)、韓尚洙刺繡博物館 (Han Sangsu Embroidery Museum) 同埋韓國藝術博物館 (Museum of Korean Art) 都極受好奇心旺盛嘅旅客歡迎。

    閱讀更多資訊

    位置: 37, Gyedong-gil, Jongno-gu, Seoul, South Korea

    電話: +82 (0)2-2148-4160

    地圖
    11

    韓國民俗村

    • 家庭
    • 歷史文化
    • 拍照

    走入韓國民俗村 (Korean Folk Village),旅客就可以重溫首爾喺城市化之前嘅舊日風采。呢個古色古香嘅小鎮除咗有民間藝術表演外,亦有提供文化工作坊供旅客參加,仲有俾小朋友盡情暢玩嘅現代主題公園。

    韓國民俗村內嘅熱門景點包括世界民俗博物館、陶器展覽館同韓國民俗博物館。記得要去村內表演區,觀賞鋼索雜技表演、馬術表演、農民音樂會同埋舞蹈音樂會等精彩節目!

    位置: #90 Minsokchon-ro, Giheung-gu, Yongin-si, Gyeonggi-do, Seoul, South Korea

    開放時間: 星期一至星期五 09:30 至 17:30;星期六至星期日 09:30 至 18:00 (春夏兩季延長開放時間)

    電話: +82-31-288-0000

    地圖
    12

    北岳山

    • 經濟實惠
    • 拍照
    • 遊歷

    北岳山係首爾最高嘅山之一,又稱為白岳山 (Baekaksan)。山上有風景秀麗嘅小徑,帶你穿越市內嘅 15 世紀大門同埋古老堡壘城牆。登頂大約需要 2 個鐘頭,立足頂峰你就可以飽覽到城市各處、景福宮 (Gyeongbokgung Palace) 以至 N 首爾塔 (N Seoul Tower) 嘅美景。

    沿途你會穿過多個歷史地標,例如首爾城牆 (Seoul Fortress Wall)、北岳亭 (Bugak Pavilion) 同埋三清公園 (Samcheong Park) 等。進入小徑前你需要向當局人員展示護照,所以出發前記得做好準備!

    地圖

    相片由 Simon Williams-Im 提供 (CC BY 2.0) (經修改)

    13

    乘坐巴士遊覽城市

    • 拍照

    只要買一日通行證,你就可以喺當日隨意乘坐城市觀光巴士。觀光巴士共有 4 條路線可供選擇:全景路線 (Panorama course) 會喺 16 個地標停車,當中包括 N 首爾塔 (N Seoul Tower)、南山公園 (Namsan Park) 同漢江 (Han River)。你亦可以沿途參觀明洞 (Myeong-dong) 同弘大 (Hongdae) 區 。

    想到景點觀光嘅話,不妨選擇市中心皇宮南山路線 (Downtown Palace Namsan Course),巴士會停經首爾 5 座大皇宮同國立民俗博物館 (National Folk Museum of Korea)。對於唔熟悉市內地鐵系統嘅家庭同旅客嚟講,乘坐觀光巴士就最方便不過!

    位置: 東和免稅店 (Dongwha Duty Free Shop) (地鐵 5 號線光化門站 (Gwanghwamun) 6 號出口)

    開放時間: 每日 08:30 至 21:00

    電話: +82-2-777-6090

    14

    63 大廈

    63 大廈 (63 SQUARE) 樓高 264 米,係首爾最高嘅摩天大樓之一,位於最高層嘅 63 美術館 (63 Art Gallery) 值得一去!美術館設有瞭望台,可以俯瞰首爾市中心、漢江 (Han River)、北岳山 (Bugaksan)、南山 (Namsan) 同埋冠岳山 (Gwanaksan) 嘅群山美景。

    肚餓嘅話,不妨到 63 大廈嘅頂層,嗰層開設咗幾間高檔餐廳同優閒餐廳,供應歐洲、日本、中國同韓國等各地菜式。

    位置: 50, 63-ro, Yeongdeungpo-gu, Seoul, South Korea

    開放時間: 每日 10:00 至 22:00 (營業時間因應商店而異)

    電話: +82 (0)2-789-5663

    地圖
    15

    仁寺洞

    仁寺洞 (Insa-dong) 係個活力四射嘅地區,沿巷有幾十間古董店、傳統茶館同書店。區內亦有大約 100 間畫廊,吸引好多對韓國傳統美術感興趣嘅人慕名而至。

    當中熱門景點包括展示民間藝術嘅學古齋美術館 (Hakgojae Gallery),仲有陳列全國各地新晉藝術家作品嘅 Gana Art Gallery 藝術中心。每逢週末,仁寺洞嘅主要大街都會劃作行人專用區。喺你遊覽仁寺洞期間,記得欣賞一下古典音樂會同藝術展覽,同埋盡情享受韓國街頭美食。

    地圖
    16

    南山公園

    • 經濟實惠
    • 伴侶
    • 家庭
    • 拍照
    • 遊歷

    南山公園 (Namsan Park) 位於首爾市中心南山 (Mount Namsan),係個休閒好去處。喺園內,你可以選擇乘搭纜車,或者沿住石階往上行前往八角形嘅八角亭 (Palgakjeong Pavilion),細賞城市美景。

    公園內仲有好多其他觀光景點,包括安重根義士紀念館 (An Jung-geun Memorial Hall)、南山圖書館 (Namsan Library) 同埋 N 首爾塔 (N Seoul Tower)。喺清晨前嚟南山公園嘅話,就可以不時見到當地人沿住小路慢跑或喺空地上面耍太極,俾你充分感受當地生活風情。

    位置: 231, Samil-daero, Jung-gu, Seoul, South Korea

    電話: +82 (0)2-3783-5900

    地圖
    17

    奧林匹克公園 + 主競技場

    • 伴侶
    • 家庭
    • 拍照
    • 遊歷

    奧林匹克公園同主競技場 (Olympic Park and Stadium) 係個休閒中心,熱愛運動嘅旅客去首爾時就不容錯過!呢個場館係為咗舉辦 1988 年首爾奧運會而建造,而家一年四季都會用嚟舉行體育比賽、音樂會同埋大型活動。

    唔止咁,館內仲有奧林匹克博物館 (Olympic Museum)、夢村土城 (Mongchon Fortress) 同埋世界同平門 (World Peace Gate) 等景點。奧林匹克公園內有鋪設完善嘅小徑,引領遊客前往雕塑公園,細賞入面裡約 200 個裝置藝術品。館內嘅網球場、健身室、劍擊場同埋室內奧林匹克泳池都對外開放。

    位置: 424, Olympic-ro, Songpa-gu, Seoul, South Korea

    開放時間: 每日 05:00 至 22:00

    電話: +82 (0)2-410-1114

    地圖

    相片由 Hhk1201 提供 (CC BY-SA 4.0) (經修改)

    18

    韓國國立中央博物館

    • 歷史文化
    • 拍照

    韓國國立中央博物館 (National Museum of Korea) 收藏咗超過 15,000 件佛教雕塑、金屬製品同陶瓷製品,場內亦設有美術館,展出嚟自印尼、中亞、日本同埋中國嘅畫作。

    一樓展出史前時代至朝鮮王朝嘅文物遺跡,而二樓就陳列出書法、繪畫同埋木製工藝品。一家同遊嘅話,不妨順便去埋龍山家庭公園 (Yongsan Family Park)。公園內有草地、池塘同埋自然教育中心,仲有好多白鴿野雞等各種鳥類。

    位置: 137, Seobinggo-ro, Yongsan-gu, Seoul, South Korea

    開放時間: 星期一至星期二和星期四至星期五 10:00 至 18:00;星期三至星期六 10:00 至 21:00;星期日 10:00 至 19:00

    電話: +82 (0)2-2077-9000

    地圖

    相片由 sarahkim 提供 (CC BY-SA 2.0) (經修改)

    19

    南怡島一日遊

    • 伴侶
    • 家庭
    • 拍照

    南怡島 (Nami Island) 係位於春川 (Chuncheon) 嘅半月形島嶼,坐擁自然地標同埋娛樂活動場地,適合不同年齡層嘅旅客遊覽。要去南怡島,你可以先揸大約 2 個鐘頭車,然後轉搭渡輪,5 分鐘就可以抵達。渡輪每 30 分鐘一班,尾班船於 21:00 開出。

    南怡島上嘅設施包羅萬有,包括設有旋轉木馬嘅主題公園、射擊場、溜冰場、度假別墅同埋單棟平房等。此外,你仲可以見到喺島上自由漫遊嘅野生動物,包括鹿、兔仔、火雞、鼴鼠同埋黑啄木鳥等等。

    位置: 1 Namisum-gil, Namsan-myeon, Chuncheon, Gangwon-do, South Korea

    地圖
    20

    享受汗蒸幕過夜體驗

    • 經濟實惠

    汗蒸幕 (Jjimjilbang) 係首爾嘅傳統澡堂。你唔單止可以喺別緻嘅桑拿房裡放鬆身心,仲可以以實惠嘅價格住宿一晚。汗蒸幕為 24 小時營業,好多都配有熱水浴缸、小食店、泳池、健身俱樂部、高爾夫球場、練歌房 (noraebang,即卡拉 OK 房) 等設施,亦附設配備睡墊或雙層床嘅睡眠室。入場費一般介乎 KRW6,000 至 KRW8,000,所以係背包客及窮遊旅客嘅熱門住宿選擇。

    21

    「練歌房」高歌

    想體驗首爾最熱門嘅夜生活,不妨到「練歌房」(noraebang,即卡拉 OK)通宵唱盡首首「飲歌」!「練歌房」喺市內幾乎隨處可見,通常配備大電視、多支咪高峰、手鼓,同埋大量英語、日語、韓語同埋華語流行音樂任君選擇!平均每個鐘頭收費為 KRW2,000 至 KRW20,000 之間,啤酒、汽水同埋小食費用另計。

    開始計劃行程

    返回頁首

    Maps