慶州 3 大購物好去處

要數慶州特色食品，皇南包 (Hwang Nam Bbang) 肯定榜上有名！呢款紅豆餡手工麪包早於 1939 年由慶州人崔永和首創，而家喺全國各地都有得買，

又以崔氏家族經營嘅「皇南包店 (Hwang Nam Bbang)」出品最佳，店家位於皇吾十字路口，距離慶州高速巴士總站東北大約 1 公里。

慶州民俗工藝村由 40 間韓屋 (hanok；韓國木屋) 組成，屋內有當地工匠製作傳統藝術同民間工藝品，仲可以俾你親眼見證韓國傳統手作嘅誕生過程添！民俗村裡面部分商舖亦都有開辦實踐工作坊，學費合理。

身處慶州民俗工藝村，你一定會滿載而歸，可以盡情搜羅陶器、木工藝品、珠寶同刺繡—同大邱好多地方相比，呢度商品嘅價錢通常會平啲。不過，如果你已經有心水，不妨行多幾度「格價」，「講價」到價錢合意先買都唔遲！

慶州城東市場 (Gyeongju Seongdong Market) 係市內最大型嘅傳統市集之一，建於 1971 年，設有 300 幾間供應商同店舖，出售各種商品，絕對係慶州嘅 Shopping 好去處！

當地人成日一大朝就嚟到呢度，搜羅源自慶州同周邊地區嘅新鮮農產品、生果、海鮮。慶州城東市場位於慶州站對面。