東京十大合家歡休閒活動

坐船或火車，或者步行走過彩虹橋都可以到達呢個專供玩樂嘅人工島。你可以喺沙灘上放鬆身心，或者喺東京 Joypolis 同其他電玩迷決一死戰，亦可以喺日本科學未來館 (又名「未來博物館」) 同著名機器人 ASIMO 見面。

人見人愛嘅雌雄大熊貓「真真」和「力力」現居於日本最古老動物園之一嘅上野動物園。除咗探望大熊貓之外，你亦可以乘坐設計得意嘅單軌火車去其他動物區，觀賞白犀牛、蘇門答臘虎同西部低地區大猩猩。

呢座展覽館係由動畫大師宮崎駿設計，靈感嚟自深受粉絲追捧嘅「吉卜力工作室」電影，「龍貓」就係其中之一，設計出嚟嘅結果就係好似美術館裡面嘅一個遊樂園。

Kiddy Land 原宿店係呢個玩具品牌嘅旗艦店，必定可以令心境年輕嘅你玩個痛快！呢座樓高 6 層嘅商場裝潢華麗，裡面有多姿多采嘅互動陳列品，仲有大量各式各樣嘅玩具、遊戲同埋公仔，再加上深受全球兒童愛戴嘅通俗卡通人物商品，例如 Hello Kitty 精品。Kiddy Land 位於地鐵千代田線嘅明治神宮前站旁邊。

東京嘅白金台自然教育園係一個廣闊嘅自然保護區，由野林同埋沼澤組成。此處任何時間都好安靜，亦從來唔會擠迫，每日限制訪客唔超過 300 人；你想離開周圍城市煩囂，大可以來呢處暫避，享受咁寧靜嘅氣氛。

博品館 Toy Park 樓高 5 層，裡面有數之不盡嘅玩具同遊戲，對於無論小朋友或係大細路，呢處簡直就係天堂！博品館玩具店喺 1899 年開幕，係全日本歷史最長嘅玩具店之一，博品館 Toy Park 出售各種各樣嘅玩具，包括電腦遊戲、棋盤遊戲、拼圖遊戲、街機、魔術道具、木製玩具、日本人偶、傳統商品、音樂盒、毛公仔，以至專門「整盅」人哋嘅禮物。博品館 Toy Park 仲設有玩具診所、免稅櫃枱，同埋親子餐廳。如果你乘搭公共交通工具，可以經 JR 山手線到新橋站落車。

修復後嘅建築物野外博物館已搬到小金井公園，當你喺呢個昔日嘅東京漫步，周圍係木建樓房，感覺就好似去咗時光隧道！去完 17 同 18 世紀旅遊後，不妨返回現代，喺草地上嘆杯雪糕。

品川水族館有一個水底隧道水族箱，你可以一邊喺海浪下面漫步，一邊欣賞發光嘅海洋生物喺頭頂上方盤旋。喺鯊魚廳同露出尖齒嘅鯊魚鼻對鼻對望之後，你可能需要輕鬆一下，不妨去欣賞海豚同海獅表演。

想體驗真正嘅「御宅族」生活方式？咁你一定要去秋葉原嘅扭蛋天堂。呢度擺放咗超過 400 部扭蛋機，你可望奪得嘅戰利品真係包羅萬有，主題包括《哥斯拉》、《咸蛋超人》，甚至《龍珠 Z》！除咗購買扭蛋公仔外，單係參觀秋葉原扭蛋會館嘅體驗已經值回票價。對於店內充滿 Punk 風格嘅員工，同埋超勁嘅搖滾音樂，客人都似乎非常受落。

呢個佔地廣闊嘅主題公園係由東京迪士尼樂園®公園同埋東京迪士尼海洋®公園結合而成，亦包括毗鄰嘅伊克斯皮兒莉購物中心 (Ikspiari)。購買多日通行證你就可以輕輕鬆鬆咁喺每個部分玩足全日，保證玩齊所有地方。