東京 44 大最佳購物體驗

赤坂 Sacas 係一個由 5 座獨立大樓組成嘅巨型發展項目，而當中嘅赤坂 Bix 大樓 (赤坂 Bix タワー) 將會為你提供區內最好嘅購物體驗，內裡商店包羅萬有，諸如服裝配飾店、美髮美肌中心等任你遊逛。其中，SMAP 專門店有趣好玩，店內每每充斥著崇拜日本流行男子樂隊「SMAP」的女孩。赤坂 Sacas 同赤坂地鐵站相連。

友都八喜係日本最大型嘅電子產品連鎖店之一，而秋葉原門市規模冠絕全國，喺全球亦屬數一數二—這裡樓高 9 層，佔地 23,000 平方米，有售你想像得到的各式電子產品，例如電腦、數碼相機、音樂配件、電視、電子遊戲和妙趣小工具等等。唔只咁，呢間商店仲有玩具、單車同埋動漫商品，貨色花多眼亂。

Cospa Gee Store (コスパジーストア) 係一間夢幻服裝同 Cosplay 服飾專賣店。正因為日本青少年鐘意著戲服，所以呢度幾乎間間商店都主打 Cosplay 角色扮演；而呢間店舖嘅服裝貨色層出不窮，由可愛蘿莉造型到性感火辣裝束都有。

想體驗真正嘅「御宅族」生活方式？咁你一定要去秋葉原嘅扭蛋天堂。呢度擺放咗超過 400 部扭蛋機，你可望奪得嘅戰利品真係包羅萬有，主題包括《哥斯拉》、《咸蛋超人》，甚至《龍珠 Z》！除咗購買扭蛋公仔外，單係參觀秋葉原扭蛋會館嘅體驗已經值回票價。對於店內充滿 Punk 風格嘅員工，同埋超勁嘅搖滾音樂，客人都似乎非常受落。

Prada 大廈是東京最具代表性的建築之一，由榮獲普利茲克大獎 (Pritzker) 的瑞士建築師 Jacques Herzog 和 Pierre de Meuron 團隊設計，外牆飾滿獨特的氣泡窗戶，拼湊出一張閃亮的絎縫毯子；在白底白花的時尚室內裝潢下，則放眼滿是 Prada 名牌男女裝全系列產品—你甚至有機會找到其他大部分 Prada 專門店已斷市的限量版商品！

青山是東京首屈一指的高端地帶之一，吸引許多國際頂級設計師品牌進駐；而只要到表參道街走一圈，建築與時裝發燒友定必欣喜若狂！舉例來說，川久保玲的 Commes de Garcon 品牌旗艦店非常出色，飾有數之不盡的藍色玻璃輪轂，看著就覺賞心悅目；而 Izzy Miyake、Gucci、Michael Kors 和 Costume National 在青山表參道亦設有門市，規模龐大。

螺旋大樓是由華歌爾 (Wacoal) 創立的綜合文化設施，旨在將藝術融入生活；而位於二樓的螺旋市場以「雋永設計」原則為基礎，專售簡約優質的家居裝飾，全店劃分成 6 個主題專區，分別為「休閒」、「用餐」、「療癒」、「工作」、「服飾」及「包裝」，亦會定期推出「螺旋市場精選」，陳列店家親自挑選新晉設計師製作的陶土、玻璃及織布藝術品。

竹之祝福精品店 (竹のめぐみ) 是東京唯一專售竹製品的店舖，貨色包括各種各樣的地道日式商品，旨在頌揚象徵日本的天然植物—竹子。店內陳列的商品合乎季節時令，既輕巧便攜，又洋溢「和風」特色，絕對值得你親臨選購—其中，有趣得意的筷子極受歡迎；另亦有煮食用的蒸籠以至洗衣籃等等，定必讓你滿載而歸！

Loveless 是一家概念店，雲集日本過百個新晉品牌及時尚巨頭的出品，全店共分 3 個樓層，滿載創意狂想—地下室名為 Darkside，看似洞穴，陳列音樂和書籍，並為顧客供應免費飲品；頂層則是 Sunny Side，與其他各層不同，放滿一排又一排顏色鮮豔的衣裙；中央樓層主要售賣配飾，包括鞋履、手袋及行李箱。Loveless 與表參道站只相隔數步之遙。

銀座 Apple Store 是第一家在美國境外開設的 Apple 門市，意義非凡—全棟建築物樓高 7 層，為你送上 Apple 最創新科技體驗，還有大螢幕定期播放 Apple 產品教學課程，你就算在此度過整個下午，都不會悶！從銀座站出發，步行即可直達 Apple Store。

和光大廈採用新文藝復興風格而建，飾有鐘樓地標，位處中央通及晴海通交界，方便易達。和光百貨商店由精工手錶幕後團隊創建，獨一無二，且商品價格不菲—店內有售精工多個系列的手錶、奢華時裝及配飾；而遊人亦可在內品嚐到美味的日式料理。

三越的歷史可以追溯至 17 世紀，是日本最悠久、最豪華的連鎖百貨公司；而銀座店被譽為「東京哈羅茲 (Harrods)」，建於 1930 年，吸引 Tiffany & Co. 等頂級品牌進駐其中，店內的和服部更是滿載驚喜。

松屋係銀座區內歷史較悠久嘅百貨公司之一，建於 1925 年，並在頂層設有高爾夫球學院及寵物店，與一般百貨商店大相逕庭。店內七樓相反係行街購物嘅好去處，另設畫廊，展出精美究極嘅當代及經典器皿，全部皆由日本設計委員會嘅評委精心挑選。

竹下通周街都係特色小店同精品店，各店之間實喺難分高下，舉凡服裝、鞋履、配飾、珠寶、型格產品、流行偶像周邊商品等等，青少年喜愛的貨色應有盡有。如果你真嘅想 Shopping，最好平日前來，因為呢條大道逢到週末即人山人海，尤以星期日特別擠擁。

東鄉神社每月第一、第四及第五個星期日都會架設古董市場，同原宿街道嘅前衛時尚形成強烈對比。由 05:00 至 15:00 之間，呢座古老神社嘅幽靜大院化身舉辦元祖級跳蚤市場嘅完美場所，專售日式古董傢俱、工藝品和紀念品，款式多樣，引人入勝。

表參道之丘極盡時尚，係一座頂級購物中心，場內放眼盡係國際時尚名牌店，在樓高超過 12 層的閃亮流線型建築內，有 Dolce & Gabbana、Jimmy Choo、Yves Saint Laurent、Harry Winston 進駐其中；而日本本土代表則有山本耀司和橋本潤開設的流行時裝精品店。逛得累了，想充一充電？呢度仲有多間咖啡館同餐館，任你大快朵頤！

LaForet 原宿購物商場非常好逛，貨色包羅萬有，專售各式各樣嘅青少年前衛流行時裝，店舖遍佈 7 層樓，打造出一片時尚購物聖地。環顧數以百計嘅獨立商店，你話唔定會頓覺迷失，難辨方向；不過，即使隨心逛逛，亦足以俾你深入一覽日本時尚潮流嘅迷人之處。LaForet 頂層另設有妙趣博物館及文化活動廳。

東方集市正正就係買手信嘅好地方，其位於原宿附近的表參道，樓高 4 層，專售典型和風產品，包括全新及古著和服、搖扇、文具、家居用品、以至價格相宜的鑰匙圈，送給遠房親友最為適合。一年之中，這棟集市時而會擠滿觀光客，卻仍是極受日本當地人歡迎的購物熱點。呢間店距離表參道站同埋明治神宮前站只係幾步之遙。

如果你正喺度搵緊日本之旅別具價值嘅紀念品，咁川野畫廊就係購買古董日式布料、手繪刺繡和服、羽織及腰帶嘅好地方！店內還有出售名為「暖簾」的日式布質室內屏風，同為人手精工巧製，款式多樣。川野畫廊內有英文標誌，為大部分產品提供解說—呢項設施實用貼心，而且喺日本非常少見！

Kiddy Land 原宿店係呢個玩具品牌嘅旗艦店，必定可以令心境年輕嘅你玩個痛快！呢座樓高 6 層嘅商場裝潢華麗，裡面有多姿多采嘅互動陳列品，仲有大量各式各樣嘅玩具、遊戲同埋公仔，再加上深受全球兒童愛戴嘅通俗卡通人物商品，例如 Hello Kitty 精品。Kiddy Land 位於地鐵千代田線嘅明治神宮前站旁邊。

Decks 東京 Beach 係一座大型購物中心，圍繞船為主題設計，開放式走道睇起嚟就好似遠洋客輪嘅甲板，內裡設有 Little Hong Kong 美食主題樂園同 Sega Joypolis 主題公園，仲有眾多商店，出售玩具、寵物用品、家居裝飾品以至時裝等，貨色花多眼亂。

Aquacity 購物中心主打中產市場，坐擁眾多流行時尚品牌名店及特許經營餐廳。如果你預算充足，可以在這裡盡情享受購物樂趣！除了各式連鎖店外，你還可以在 Aquacity 找到精品店、設計師品牌店，以及家居裝飾用品專賣店。這座購物中心位處海邊，在萬里晴空之下，景色非常壯觀。Aquacity 另設配備 13 個大銀幕嘅綜合影城，與一眾商店並駕齊驅，為你送上娛樂體驗。

維納斯城堡位處色彩繽紛嘅調色盤城娛樂公園內，絕對不止係典型嘅霓虹燈購物中心！走進店內，你彷彿置身威尼斯浪漫一隅，室內設計在商店外牆、街角甚至天花板上都重現威尼斯街頭風情。Venus Fort 被稱為女士遊樂園，擁有 100 多間時裝精品店同商店，主要針對女性市場。

Venus Fort Family 位於 Venus Fort 購物中心下面，設有較少數量嘅商店，但更寬敞，面向更廣闊嘅市場。售賣室內裝飾品、體育用品、兒童服裝、玩具、寵物同埋相關配件，以至書籍等等，應有盡有。

簡而言之，六本木新城係一個大型發展項目，內有購物高場，開滿日本以至國際頂級品牌名店，放眼還有數之不盡的小型精品店、咖啡廳、餐館和各種商店，恰如豪華迷宮。如果你想由購物行程中稍息一下，六本木新城另設一流電影院同森美術館，同樣好行。

貴為東京市內最高嘅建築之一，東京中城可謂必到地標！這棟摩天大廈是大型重建項目的一部分，坐擁 130 間高檔商店、辦公室、博物館，而較高樓層正是麗思卡爾頓東京酒店所在之處。購物熱點大多集中於 4 層樓高的 Galleria 拱廊區，為你送上空間寬敞的高檔購物體驗，任你逛盡出自日本最受推崇設計師手筆嘅眾多時尚精品店，並喺精美家居用品店之中選購引人注目嘅藝術鉅作，佈置屋企。

Bic Camera 澀谷八公口店樓高 7 層，專售平價數碼相機、影片、電腦同各式家用電器，你可以四處閒逛，發掘前所未想的小工具。這個「國家級」電子產品連鎖商城除了坐擁令人眼花繚亂的電子產品，還設玩具店和珠寶店等等，定必讓你滿載而歸！Bic Camera 澀谷八公口店同地鐵站相連，無論晴雨，你都可以輕鬆前往。

Mandarake (まんだらけ) 澀谷店是一家極受東京年輕人歡迎的二手商店，其規模龐大，專售各種復古漫畫、動漫手機、玩具、立體聲音響、書籍等，還設有 Cosplay 角色扮演舞台和卡拉 OK 房，與店內整體御宅族主題貫徹一致。Mandarake (まんだらけ) 的貨色出乎意料，而這亦正是遊逛其中的樂趣之一！

澀谷 109 既是購物商場，亦是澀谷地標，可謂走在日本時尚潮流尖端，洋溢風格各異的前衛文化，讓人大開眼界！小商店狹窄，所以佢唔係最放鬆嘅購物點，但仍然相當受歡迎。

澀谷 109 比百貨商店便宜，幾乎所有時間都非常擁擠，所以最好喺工作日參觀。順道到頂樓嘅瞭望台一遊，以最佳角度盡覽澀谷著名嘅 6 路相交點全景。

西武澀谷店係一間大型百貨公司，佔地橫跨兩棟唔同嘅建築物，有 Tiffany&co. 珠寶店，以至 Loft 及 Muji 等日用品店舖進駐其中，雲集至潮時裝、配飾、化妝品、電器於一身，並設有眾多餐廳，絕對可以滿足全家需要。講到高級名店，Vivienne Westwood、Hermes、Marc Jacobs 及 Issey Miyake 等牌子都係西武澀谷店嘅重要租戶。

丸井 Jam 百貨公司主打女性市場，雲集數之不盡嘅時裝、配飾、鞋履同手袋，另亦有售體育用品、瑜伽用品同泳衣，頂樓更設著名美髮和美甲店。丸井 Jam 位於澀谷 109 購物中心後面，距離地鐵站僅數步之遙。

友都八喜新宿西口本店深受專業攝影師以至業餘愛好者愛戴，而無論你想搵邊類電子商品或攝影用品，都大有機會喺呢度買到！友都八喜喺新宿站東西兩側均設有分店，主打電腦相關產品、數碼影音、相機同配件，以及家用電子產品。

堂吉訶德新宿店通宵營業，提供別開生面的商品，絕對令你瘋狂！這家 24 小時無休的特賣店別具特色，被日本人暱稱為「激安殿堂」，貨色價格相宜、滿載噱頭，讓你無法抗拒—從禮品、手信，以至旅遊和汽車用品等等，一應俱全；且更有出售價格相宜嘅食物，難怪成為當地人喺新宿酒吧暢飲幾瓶啤酒後必到嘅人氣歇腳點。

伊勢丹係大受歡迎嘅日本傳統百貨公司，而新宿伊勢丹相反係品牌旗艦店，樓高 10 層，結集日本以至西方頂級設計師名店、高檔雜貨店，以及數之不盡的食肆。嚟到 8 樓嘅伊勢丹藝術博物館，你就可以喺購物行程之中休息一下。

Lumine Est 係新宿 JR 站內 3 間 Lumine 購物中心之一，規模最大，高級精品店最齊全，雲集 Gucci、Izzy Miyake 同 Prada 等等嘅頂級品牌名店；而 B1 樓嘅 Beams 大型分店則格外受歡迎。其他 2 間 Lumine 分別位於新宿站南部同埋東南部出口，主打年齡層同消費階級更廣泛嘅顧客群。

戰爭年間，阿美橫丁商店街曾係酒品、朱古力同煙草等美國黑市商品嘅交易樞紐，歷史悠久，如今搖身一變，成為東京最大型嘅露天市場，設有超過 500 間商店，貨色數之不盡，由外國名牌服裝、運動用品、電子產品，以至水果蔬菜都有，而且幾乎全都以優惠價格出售，難怪往往人聲鼎沸，洋溢亞洲市集獨有氛圍，同東京市內整潔時尚嘅區域形成鮮明對比。

日本餐館嘅櫥窗大多數會擺放迷你美食模型，吸引途經店外嘅食客；而合羽橋通正係以出品呢種精美模型聞名—很多時，這些模型甚至比其所模仿的食物「本尊」更加昂貴！這條街道另亦設有專售各式廚房用具和餐具的商店，相當好逛；街道地圖可以喺淺草旅客資訊中心取閱。

呢間玩具店樓高 7 層，專售動畫、漫畫及迪士尼商品。眾所周知，漫畫在日本極受歡迎，內容橫跨政治、棒球、武術以至浪漫愛情故事等等，老少咸宜。無論你正在尋找懷舊刊物，還是米奇老鼠毛公仔，呢片玩具聖地都值得一遊，必定俾你滿載而歸！

黑田屋工藝品店位於淺草寺內，自 1856 年開始營業，專售精緻手工和紙，而店內員工更被公認為木版畫專家—木板印畫是日本最受推崇的藝術形式之一，傳統主題涵括婀娜美女、歌舞伎演員、風景和超自然現象，如今則融入較現代的圖案，惟仍沿用古老方法製作。黑田屋另亦有售各種傳統面具、泥娃娃、風箏和書法用具，貨色花多眼亂。

博品館玩具店係滿載玩具、啤啤熊和創意巧思嘅樂園！這家 8 層樓高的超大型商店距離銀座僅數步之遙，分為不同的區域，內設好玩公園和玩具博物館，各層都有不同主題。你大可以略過毛公仔專區，直往電腦遊戲、卡通角色及動作人偶天地進發，隨心逛逛，釋放內心童真一面。呢個童趣夢幻園地就喺新橋站同埋銀座站之間。

稻荷町區雲集東京宗教和喪禮用品批發商，出產商品包括神道教家用神龕、佛像、紙燈籠，以及家中參拜所需的各種聖物，型號齊全，任君選擇。要前往呢片奇妙街區，沿上野站往西南方前行即可。