印尼
出發前須知
印尼係世界上最大嘅群島，橫跨 18,110 個島嶼。雖然只有 6,000 個島有人居住，但都一樣成為世界上人口最多嘅國家之一。其中最出名嘅島嶼就係熱帶天堂峇里，一直以嚟都係個熱門嘅度假勝地，以異國文化同美食聞名，更加唔少得當地迷人嘅海灘啦！
不過印尼當然唔只得陽光與海灘，佢同時亦係科摩多龍、蘇門答臘森林、吉利群島同世界上最大嘅佛教寺廟婆羅浮屠嘅家園。如果你想投入極致嘅自然美景同文化體驗，印尼就一定係你嘅不二之選！
印尼購物推介
峇里 11 個最佳購物體驗
峇里嘅購物勝地多不勝數，有國際品牌林立嘅現代化商場，亦有專售傳統藝術品嘅工匠村。好多國際頂級設計師品牌都進駐當地，有啲仲喺庫塔 (Kuta) 同雷吉安 (Legian) 等等嘅遊客區開設旗艦店添！ 市集上有藝術品、手工藝品、獨特家居用品、古董、手工製珠寶、木製雕塑同彩色布料，好適合買嚟做手信，送俾親朋好友。貨色琳瑯滿目，款款都咁吸引，唔知買邊樣好？咁你可以參考一下我哋嘅峇里購物攻略，然後先決定去邊行街、買乜做手信！
印尼夜生活推介
峇里 6 大最佳夜店
峇里夜店主要分佈喺南部地區，包括庫塔 (Kuta)、雷吉安 (Legian) 同水明漾 (Seminyak)。午夜時份，正正係峇里夜店最熱鬧嘅時間，本地以至國際 DJ 都施展混身解數，務求令大家狂舞不停，越夜越「High」！峇里一流嘅熱舞夜店大多數都附設餐廳同酒吧，等大家食飽先再盡情狂歡。無論你係工業音樂、重音樂定係 hip hop 樂迷，又或者係想參加飲酒加桌球比賽嘅挑戰者，都會非常享受峇里夜店嘅氣氛。