樂天世界 (Lotte World)

首爾景點

    樂天世界係首爾嘅大型主題公園,唔單止有室內同室外主題樂園,仲有購物中心同樂天世界酒店,就連韓國最大型嘅溜冰場都喺正裡面,仲有刺激好玩嘅機動遊戲、激光表演、熱鬧巡遊同文化表演,要玩要睇嘜都得,保證遊客唔想走。

    另外,樂天世界有一座 4 層高嘅室內探險樂園,放滿 22 個環球主題遊樂設施,包括 Conquistador 西班牙海盜船、法國大革命過山車、世界單軌列車、旋轉木馬,同埋靈感來自侏羅紀公園嘅「激流湧進 (Flume Ride)」,接載遊客去睇下電子恐龍。

    室內探險樂園仲會舉辧一連串精彩嘅季節性慶祝活動同巡遊,人氣節目包括化妝舞會、里約森巴嘉年華、萬聖節派對、聖誕佳節活動同世界嘉年華巡遊。

    而探險樂園嘅三樓設有韓國民俗博物館,您可以透過迷你村莊模型同各種文物,了解韓國 5,000 多年嘅豐富歷史文化,又可以欣賞館內嘅傳統表演;而韓國傳統市集街就係買當地手工藝品同紀念品嘅好地方。

    魔幻島係樂天世界嘅戶外主題公園,遊客可以由室內探險樂園二樓嘅連接通道,直接走入去—呢座人工島建喺石村湖上面,島上有中世紀風格嘅魔幻城堡同 17 座高空機動遊戲,必遊景點包括 70 米高、驚險刺激嘅 Gyro Drop 跳樓機,同埋畀您體驗到龍捲風刺激快感嘅「新高空鞦韆 (Gyro Swing)」。

    樂天世界嘅入場費唔同時間入場會唔同,有環球通行證就可以入去樂天世界同民俗博物館,成人每位 KRW57,000,青少年 (13-18 歲) 每位 KRW50,000,兒童每位 KRW46,000。

    樂天世界 (Lotte World)

    地點: 韓國首爾松坡區奧林匹克路 240 號

    開放時間: 每日 09:30 到 22:00

    電話: +82-2-1661-2000

    Penny Wong | 旅遊常客

    開始計劃行程