聖托里尼島如詩似畫，世人一路以嚟都對佢想像翩翩，而遊客大多數因為島上堪比迷宮嘅巷仔、橙紅色嘅日落同藍色嘅圓頂教堂慕名而嚟，就連柏拉圖都係喺呢度得到靈感，構想出亞特蘭提斯「失落天堂」嘅傳奇架！聖托里尼島觀光客眾多，但依然未被玷染，有教堂、海灘、燈紅酒綠，令人嘆為觀止。下晝時分，遊覽阿克羅蒂里 (Akrotiri) 嘅紅沙灘 (Red Beach) 同考古遺址就啱哂；好動嘅朋友不妨去阿穆迪灣 (Amoudi Bay) 玩懸崖跳水；想放鬆一下嘅話，都有林林總總嘅餐廳同夜蒲勝地任你揀。而且，呢度仲可以睇到全世界最迷人嘅日落添！
