新加坡駁船碼頭 (Boat Quay) 5 大最佳夜生活體驗

Canvas Club 係新加坡駁船碼頭 (Boat Quay) 同克拉碼頭 (Clarke Quay) 一帶最知名嘅夜場，每晚都會迴響低沉嘅地下音樂，而客人仲可以一大朝就去到店家嘅附屬畫廊，了解下 Canvas (意思係「畫布」) Club 呢個名嘅由來，都幾特別架！

實際上，呢間 Club 唔係位於駁船碼頭，只要沿住橋南路一直向克拉碼頭方向行，就會嚟到。Canvas Club 唔單止係一間藝術展覽館兼夜蒲勝地，仲會定期舉辦國際演出；19:00 過後，更加有幽默盞鬼嘅棟篤笑表演，俾大家喺一片歡笑聲中度過愉快嘅晚上。

RedDot BrewHouse 酒店享有絕佳的冰涼氛圍，享有新加坡河的景緻。分設室內同露天區域，絕對係駁船碼頭 (Boat Quay) 一帶歎返杯嘅必去站點！另外，呢間酒吧坐享瑰麗景致，而最大特色就係佢哋自家釀製嘅啤酒，

部分款式仲係只此一家，非常值得一試。你可以點一杯呈怪獸綠色嘅 Monster Green Lager Beer，亦都可以叫份牛扒、漢堡或者其他小食醫醫肚。RedDot BrewHouse 定期邀請樂隊現場演出，務求將場內氣氛推至極點，而表演通常會喺 21:00 左右開始。

要數駁船碼頭 (Boat Quay) 一帶最出色嘅雞尾酒酒吧，The Spiffy Dapper 肯定榜上有名。喺店內駐場調酒師施展嘅「魔法」之下，經典嘅 Bloody Mary 同 Old Fashioned 雞尾酒都會添上獨特風味—而且，望住靚景歎返杯酒，最低消費都只係 SGD20，抵到你唔信！酒吧上層嘅設計同本身「地下酒吧」嘅風格互相呼應，

除咗供應精選雞尾酒之外，仲有簡單嘅小食吧，為肚仔餓嘅你送上墨西哥牛油果醬粟米片，俾你醫醫肚。如果你對店家鼎鼎大名嘅雞尾酒好有興趣，想知佢哋背後嘅歷史同配方，可以報名參加酒吧開辦嘅工作坊，學下調配 Gin Tonic 嘅「大師級手勢」。

Cat Café Neko no Niwa 係駁船碼頭 (Boat Quay) 附近歎杯茶/咖啡嘅好去處，仲有「貓店員」氹你開心添！呢間 Café 飲品索價低至 SGD2，加埋 SGD12 附加費，你就可以同新認識嘅貓仔 hea 足一個鐘。同貓貓玩到唔捨得走？Café 之後每半個鐘嘅收費不過 SGD5，俾你盡情同貓星人共處。

Cat Café Neko no Niwa 將貓仔照顧得好好，保證佢哋安全又開心。與此同時，客人仲需要遵守以下規矩—你可以隨意影底可愛嘅貓仔相，但絕對唔可以騷擾貓仔休息。溫馨提示：7 歲以下嘅小朋友係唔准進入 Café 嘅貓仔專區架！

位於駁船碼頭 (Boat Quay) 嘅 The Penny Black 散發住維多利亞時期嘅英倫風格，提供 7 款來自全界各地嘅啤酒俾客人選擇，包括 Kilkenny、Guinness、Erdinger、Tiger 等等。據講，呢間酒吧嘅一磚一瓦都係「英國直送」架，橫跨咗大半個地球，先至落戶獅城。除咗有傳統嘅擺設同啤酒供應之外，店家仲會直播體育賽事—聽講，酒吧老闆係紐卡素嘅忠實球迷，唔知你同佢啱唔啱咀形呢？

The Penny Black 嘅碼頭旁邊有個露天休息區，你可以一邊品嚐啤酒同埋豐盛嘅倫敦酒吧餐點，一邊欣賞新加坡河嘅優美景致。你亦都可以去地下嘅正宗維多利亞倫敦式小酒館，坐喺寬敞嘅座位裡面，睇盡美輪美奐嘅裝飾。