南投 17 大最好玩嘅活動
南投景點
南投縣以茶園出名，一眼望到嘅都係茶樹。如果要講呢個縣市最引以為榮嘅景點，就唔少得日月潭—呢個秀麗嘅湖泊喺魚池鄉，面積冠絕台灣，因為被好細嘅拉魯島一分為二，所以先有呢個名，一半睇落似太陽，另一半就同新月好似樣，景色好獨特，唔可以錯過！
喺呢度旅行果時，不妨順便參觀下湖泊周圍嘅歷史同文化景點，又或者沿住遠足徑散下步，欣賞下明媚嘅風光。南投縣歷史悠久，呢度嘅背景歷史同當地民風同樣好令人著迷。
1. 竹石園
推介： 伴侶, 家庭, 拍照, 經濟實惠
日月潭有眾多景點，又以竹石園絕對不容錯過，園內綠樹成蔭，剛好打造出一片陰涼休憩場地。自問係「攝影發燒友」？不妨嘗試捕捉高聳竹樹嘅美態！
竹石園內仲設有蝴蝶園同酒店，而且步行片刻，即可以到「茶業改良場」，正好讓行到口渴嘅你休息一吓。
位置： 555 台灣南投縣魚池鄉中山路 8 號
電話： +886 (0)4 9285 6679
竹石園
2. 鯉魚潭
推介： 伴侶, 家庭, 拍照
鯉魚潭係風景優美嘅旅遊勝地，雖然位於鄉鎮外圍，卻有豐富嘅觀光名勝與玩樂活動，樂趣不斷！如果你鐘意喺戶外暢玩，呢度特別適合划船、露營、野餐同遠足；而潭岸一帶已高度發展，自然風光不再處處可見；不過，正因區內發展完善，鯉魚潭附近新建咗唔少餐館同酒店，可供選擇。
位置： 545 台灣南投縣埔里鄉
鯉魚潭
3. 慈恩塔
推介： 伴侶, 家庭, 歷史文化, 拍照
慈恩塔由台灣已故總統蔣介石為紀念亡母而建，塔高 9 層，位於海拔 1,046 米之處，背靠風光壯麗嘅沙巴蘭山。遊客可以攀上九層樓嘅塔頂，將日月潭嘅秀美景色盡收眼底。
位置： 555 台灣南投縣魚池鄉
開放時間： 每日 09:00 至 16:30
電話： +886 (0)4 9285 5668
慈恩塔
4. 九族文化村
推介： 伴侶, 家庭, 歷史文化, 拍照
九族文化村可以讓你透過資訊豐富、好玩有趣嘅活動，了解台灣早期文化；而村內雅美族、布農族同鄒各族嘅特備表演，統統精彩萬分，引人入勝！晚餐時份，你更可以盡情食由呢度嘅部落主廚精心炮製嘅正宗菜餚，嚐遍地道風味。
位置： 555 台灣南投縣魚池鄉 45 號
開放時間： 每日 09:30 至 17:00 (星期六同星期日至 17:30)
電話： +886 (0)4 9289 5361
九族文化村
5. 伊達邵村
推介： 伴侶, 家庭, 拍照
伊達邵村係台灣原住民邵族部落居住嘅社區—邵族來自阿里山，相傳後來被牽引到日月潭定居，而舊稱「德化村」嘅一帶就係邵族現時喺南投嘅正式定居地。
身處村內，遊客可以一邊觀賞多姿多彩嘅文化表演，一邊到市集購物，搜羅數之不盡嘅手信，以及由邵族人精工巧造嘅藝術與手工藝品。
位置： 555 台灣南投縣魚池鄉
伊達邵村
6. 梅荷園
推介： 伴侶, 家庭, 拍照
梅荷園位於日月潭岸邊，取名自梅花同荷花，昔日曾經係軍方憲兵隊嘅崗哨所，如今則成為南投風景名勝之一。
位置： 555 台灣南投縣魚池鄉中興路 114-3 號
電話： +886 (0)4 9285 5668
梅荷園
7. 木生昆蟲博物館
推介： 伴侶, 家庭, 歷史文化, 拍照
木生昆蟲博物館位於台灣埔里鎮，珍藏著五花八門嘅蝴蝶，一定會吸引大人細路留步一整天，認識蝴蝶同其他昆蟲。本館嘅成人入場費大約係 NT$120，兒童入場費相反係 NT$100；
館内仲設有兒童遊樂區同埋寵物動物園，裡面睇到嘅並非昆蟲，而係得 意兔子同鳥類。附近嘅 Café 有售凍飲茶點，亦歡迎訪客喺博物館周圍嘅公園長椅，享用自備午餐，野餐一頓！
位置： 545 台灣南投縣埔里鎮南村路 6-2 號
開放時間： 星期四至二 09:00 至 17:00 (逢星期三休館)
電話： +886 (0)4 9291 3311
木生昆蟲博物館
8. 埔里酒廠
推介： 伴侶, 家庭, 購物, 拍照
南投縣空氣清新，夏季溫暖，係台灣頂級葡萄酒嘅生產地。而埔里酒廠盛產優質美酒，並以香醇可口嘅紹興酒著稱—有別於米酒，紹興酒嘅酒體呈金黃色，鮮艷奪目！好多旅客都會慕名而嚟，到訪「紹興酒之鄉」埔里；而你可以喺呢度淺嚐呢種入口醇厚嘅美酒，然後帶幾支返屋企做手信。
位置： 545 台灣南投縣埔里鎮中山路三段 219 號
開放時間： 每日 08:30 至 17:00 (星期六和星期日至 17:30)
電話： +886 (0)4 9298 4006
埔里酒廠
9. 文武廟
推介： 伴侶, 家庭, 歷史文化, 拍照
文武廟由兩座後日治時期寺廟合拼而成—當年，日月潭水位上升至接近淹沒寺廟嘅水平，當地人就建造咗文武廟，取代原有嘅兩座寺廟。
乍看之下，呢座寺廟同中國北方嘅孔廟有幾分相似，宏偉壯觀，不容錯過！由於每日都有大批旅客到訪，因此當地官員決定打開寺廟中門，更方便遊客進出。
位置： 555 台灣南投縣魚池鄉中正路 63 號
電話： +886 (0)4 9285 5122
文武廟
10. 八通關古道
推介： 伴侶, 家庭, 拍照, 遊歷
八通關古道由士兵於 1875 年建造，當時仍然係清朝年間。沿住路徑前行，你會發現好多石刻，唔單止有標示距離，亦確立當地歷史嘅里程碑，其中包括刻有「萬年亨衢」嘅巨型石碑，意思係：「道路開通，商旅便捷， 世代受惠」。
不妨一邊了解南投源遠流長嘅歷史，一邊沉醉於中央山脈嘅美景之中！
位置： 556 台灣南投縣信義鄉
八通關古道
11. 涵碧步道
推介： 伴侶, 家庭, 拍照, 遊歷
如果你想悠閒地遊覽日月潭，涵碧步道就最適合你！呢條由紅磚鋪成嘅小徑全長 1.5 公里；沿徑漫步，你同時可飽覽拉魯島和慈恩塔嘅景觀—後者背靠山麓聳立，巍然宏偉！
位置： 555 台灣南投縣魚池鄉水社村
電話： +886 (0)4 9285 5353
涵碧步道
12. 拉魯島
推介： 伴侶, 家庭, 拍照
位於日月潭嘅拉魯島前稱「光華島」，坐擁台灣數一數二嘅秀麗風光。除此之外，台灣各地民衆更會湧至島上嘅「媒人神社」，祈求願望成真，尋得所愛，婚姻美滿。
位置： 555 台灣南投縣魚池鄉
拉魯島
13. 喺老英格蘭莊園輕呷英式紅茶
推介： 伴侶, 家庭, 拍照, 豪華住宿
喺南投飲英式紅茶，聽起嚟好奇怪？不妨先去老英格蘭莊園睇睇，再下定論！呢間著名酒店由一位「英式文化發燒友」創立，他斥資 NT$8 億，將英格蘭嘅一隅帶回台中。
從雕塑、花園以至傢俱，酒店每項元素都重現古老英式魅力，為到訪南投嘅眾多旅客送上獨特體驗。一場嚟到，記住要品嚐正宗英式下午茶！
位置： 546 台灣南投縣仁愛鄉 20-3 號
電話： +886 (0)4 9280 1808
喺老英格蘭莊園輕呷英式紅茶
14. 南投縣文化園區
推介： 伴侶, 家庭, 歷史文化, 拍照, 經濟實惠
南投縣文化園區設有縣史館、南投陶展示館、藝術家資料館同縣史圖書文獻室，簡直係讓「當地歷史發燒友」兩眼放光嘅金礦！
另一方面，你亦可以參觀武德殿—呢座古老寺廟建於 1937 年，寺內廳堂寬廣， 曾喺日治年代嘅興盛時期用作警察練習劍道同柔道嘅場地，至今依然深受一衆當地人同遊客喜愛。
位置： 540 台灣南投市彰南路二段 65 號
開放時間： 星期二至星期日 09:00 至 17:00 (星期一休息)
電話： +886 (0)4 9220 2430
南投縣文化園區
15. 南投世界茶業博覽會
推介： 伴侶, 家庭, 拍照
南投種植茶葉嘅歷史悠久，自然成為舉辦首屆全球茶業博覽會嘅最佳選址；隨著世界茶博會不斷發展，南投更係一年接一年嘅主辦呢場茗茶慶典。
因山勢地形使然，南投種植茶樹嘅條件理想；甫踏進茶博會，你即可見證呢度出品嘅茶葉有多炙手可熱！茶博會 堪稱全球盛事，一般喺 10 月左右舉行，你可以喺會場上品嚐到南投地區生產嘅各種香茶，機會不容錯過！
位置： 540 台灣南投縣中興新村
南投世界茶業博覽會
16. 竹藝博物館
推介： 伴侶, 家庭, 歷史文化, 拍照, 經濟實惠
竹藝博物館既展示南投豐富嘅竹子資源，亦將竹子嘅各種創意用途活現眼前。置身館內，遊客可以了解到竹子喺綠色城市中嘅貿易和工業歷史，同時欣賞傳統以至現代竹子藝術。博物館簡介竹子喺南投衣、食、住、以至工藝等多方面 嘅重要性，讓訪客眼界大開！
位置： 540 台灣南投縣南投市建國路 135 號
開放時間： 星期二至星期日 09:00 至 17:00
電話： +886 (0)4 9223 1191
竹藝博物館
17. 貓囒山步道
推介： 伴侶, 家庭, 拍照, 遊歷
如果你想探索南投鄉村一帶嘅山脈綠地，又唔介意花一啲時間同精力，就一定要去全長 4.6 公里嘅 猫囒山步道行吓，欣賞茶園景色，並順道遊覽一箭之遙嘅日月潭。呢度空氣清新，風景宜人，必定可以令你度過美好嘅一天！
位置： 555 台灣南投縣魚池鄉中山路 292 號
貓囒山步道
此文章含有 Go Guides 編輯團隊的個人意見。Hotels.com 會向於本網站上撰文的作者付費，其中或包括旅遊及其他費用。