高雄 5 大最正購物商場

高雄購物體驗可以媲美台北，都係令人興奮，商場同市場應有盡有，任君選擇。好似台灣各地咁，夜市就係呢度嘅焦點好去處，有大量平靚正商品同街頭小食，等你發掘！高雄部分巿場只會好專咁賣一種產品，所以如果你想有更多同類選擇，只要搵啱巿場，就一定可以搵到心水商品。

另一方面，呢個南部城市亦有亞洲其中一個最大型購物中心—貴為市內星級景點，呢個購物中心提供各種娛樂選擇，你喺購物狂歡之餘，仲可以投入各種好玩節目裡面。高雄周圍有唔少小型商場，喺附近街道形成購物區，亦係相當好行。

高雄酒店

1. 統一夢時代購物中心

推介： 家庭, 購物

統一夢時代購物中心規模屬全亞洲數一數二，佔地 40 萬平方米，匯聚眾多知名國際品牌，同時又係娛樂中心，從電影院到健身室，以至名為「高雄眼」嘅屋頂摩天輪等等，可謂應有盡有。

購物方面，呢座商場設有約 2,300 間商店，當中涵括來自台灣同全球各地嘅中價至頂級品牌。除咗 10 個購物樓層外，地底兩層尚設美食廣場，而各式各樣嘅餐廳則遍佈整座購物中心各處。

位置： 806 台灣高雄市前鎮區中華五路 789 號

開放時間： 星期一至星期五 11:00 至 22:00 (星期五營業至 22:30)；星期六 10:30 至 22:30；星期日 10:30 至 22:00

電話： +886 (0)7 813 5678

探索統一夢時代購物中心酒店

2. 新堀江商圈

推介： 購物

新堀江商圈係新一代年輕人最愛嘅購物區，位於玉竹街一帶，場內嘅商店同小販專售嶄新科技產品，而且價格相當便宜。如果你想搜購電子產品，就一定要到此一遊！

另一方面，新堀江商圈仲設有 3 間知名品牌美容店，以及幾間時裝店。到咗夜晚，呢區就會化身成為夜市，架設起各種各樣嘅小食檔，令你流曬口水！

位置： 800 台灣高雄市新興區

開放時間： 每日 13:00 至深夜

查看附近住宿

3. 興達港觀光漁市

推介： 家庭, 購物, 美食

興達港觀光漁市距離高雄市中心都幾遠，即使開車前往，亦需頗長時間—不過，如果你有意品嚐最新鮮嘅海產，此行絕對值回票價！你可以喺漁市內買到螃蟹、生蠔 (牡蠣)、蝦、章魚、鰻魚同各種魚類，而小食檔則有售海鮮小食，又以烏魚子同比目魚乾為必試地道名物。每逢週末，興達港觀光漁市都會變得人山人海，水洩不通！

位置： 852 台灣高雄市茄萣區大發路

開放時間： 星期一至星期五 11:00 至 19:00；星期六至星期日 10:00 至 20:00

4. 南華夜市

推介： 家庭, 購物, 美食, 晚間娛樂

南華夜市位於新興區大同路同南華路附近，可謂一眾女士嘅購物天堂，設有多種多樣嘅服裝首飾店，貨色價格合理，而你仲可以「講價」一番！雖然場內亦有適合男士同兒童嘅商品，惟絕大多數攤檔皆以女性為主要客路。行到肚餓？呢度仲有一啲食品攤檔，可讓你「醫一醫肚」！

位置： 800 台灣高雄市新興區南華路

5. 六合夜市

推介： 家庭, 購物, 美食, 晚間娛樂

六合夜市係台灣嘅著名景點，定必令你著迷！呢片夜市「出名」之處在於露天食肆，尤其以海鮮檔特別人潮洶湧，又以鰻魚意粉為必試之選。

「飲飽食醉」之後，你仲可以到處行吓，搜羅手工藝品、電子設備同埋刀具，甚至連馬騮仔都買得到！六合夜市與眾不同，部分攤檔奉行「以物易物」，你可以將用過嘅二手物品帶嚟，交換成有用又耐用嘅「新收穫」。

位置： 800 台灣高雄市新興區六合二路

開放時間： 每日 18:00 至深夜

探索六合夜市酒店

此文章含有 Go Guides 編輯團隊的個人意見。Hotels.com 會向於本網站上撰文的作者付費，其中或包括旅遊及其他費用。