新加坡樟宜機場

4 號客運大樓 (廉航客運大樓)

新加坡機場 4 號客運大樓專門營運亞洲數量日增的廉航航班。呢棟客運大樓係機場嘅新增擴建部分，採光明亮，設計現代化，仲開設咗唔少零售商店同免稅店；遊客只需要坐免費接駁車，就可以直達，專享一系列設施同服務，超級輕鬆簡單。

新加坡機場嘅交通網絡完善，由 4 號客運大樓可以輕鬆去到市中心；而機場入境同離境大堂都提供免費 Wi-Fi、自助上網亭，仲有貨幣找換店、便利店同餐飲食肆。同時，機場亦設有入境和海關服務櫃枱。

交通選項

的士
入境樓層的上落客站點設有的士服務。去市中心嘅車程為 30 分鐘，車費介乎 SGD18 至 SGD38。

公共巴士
旅客可以在 1 號、2 號、3 號和 4 號客運大樓的巴士站乘搭巴士。巴士每日由 06:00 營運至 00:00，車費最多約為 SGD2，去市中心大約要 1 個鐘。

地鐵 (MRT)
樟宜機場地鐵站位於 2 號和 3 號客運大樓下方，第一班列車於 05:30 抵達機場，最後一班列車於 23:18 由機場開出。去市中心嘅車程需要 30 分鐘，車費約 SGD2.70。

機場接駁車、豪華的士同大型的士
機場嘅地面交通服務櫃枱有提供接駁巴士同豪華的士接送服務，巴士車費為 SGD9，7 人座位的士車費為 SGD50。

租車服務
4 座客運大樓的入境大堂皆設 Avis 和 Hertz 租車櫃枱。營業時間為 07:00 至 23:00。

購物

樟宜機場係名副其實嘅購物天堂，非常適合時間同旅費充裕嘅消費者，喺呢度盡情享受購物樂趣。據估計，機場嘅零售收入仲高過烏節路呢類新加坡著名購物中心！近年，機場進行咗一次大型升級工程，有 Prada、Gucci、Bulgari 同 Hermès 一類名牌商店進駐；而 3 號客運大樓開幕嗰陣就引入咗全球第一間 FIFA 官方商店，同埋亞洲第一間法拉利旅遊零售專門店。

其他商店嘅貨品種類包羅萬有，糖果、朱古力、紀念品、禮品、服飾、配飾、珠寶、香水、化妝品、保健品、電子產品、相機、電腦、書籍雜誌、體育用品、兒童服裝同玩具、手錶、葡萄酒，烈酒以至香煙都一應俱全。

設施和服務

• 理髮店和美容院
• 小睡區 (單人收費每小時 SGD10 起)
• 休息區 (躺椅附設頭枕同腳踏，可免費使用)
• 資訊和客戶服務櫃枱
• 寄存行李櫃位
• 醫療服務和藥房
• 旅客會議服務
• 禱告室
• 吸煙區
• 特殊需要設施
• 過境酒店
• JetQuay - 這棟豪華獨立航廈為會員或一次性付費旅客提供服務，設施包括會議室、專屬海關和入境櫃枱、個人禮賓服務、迷你健身室和 Spa 水療中心，還提供桌面電腦，更內設奢侈品零售店。

家庭/兒童設施

遊樂場
1 號、2 號和 3 號客運大樓分別設有 5 個獨立遊樂區，適合 1 至 12 歲的兒童使用。

育嬰室
3 座客運大樓設有共 24 間育嬰室，方便家長幫嬰兒換尿片，仲提供其他嬰兒適用設施，包括用嚟坐熱奶樽嘅熱水機。

娛樂活動

樟宜機場提供各式各樣嘅活動—無論係熱愛大自然、注重健康、鍾意打機嘅旅客，定係精力充沛嘅細路、壓力過大嘅行政人員、長途跋涉之後想休息嘅長者，機場都有適合嘅設施同服務。

機場設有自然小徑連 6 個主題花園、24 小時健身同 Spa 設施、泳池 (喺 1 號客運大樓嘅過境酒店裡面)、等離子電視播放有線新聞節目同財經資訊、戲院、休息室，另有備齊遊戲、音樂同電影服務嘅娛樂中心 (2 號客運大樓)，以及樟宜航空展覽廳，介紹航空歷史資料，展示飛機展覽同模型。

暢飲用餐

機場裡面有幾十間食肆，供應各式餐飲美食，快餐、咖啡、漢堡包以至精緻佳餚都一應俱全。每座客運大樓皆附設美食廣場，另有不少餐廳、咖啡廳和小食亭，

就連素食和清真食品都有供應。2 號客運大樓設有兩間音樂酒廊，夜晚營業，有現場音樂表演。

通訊、IT 和郵政服務

電訊服務
過境購物中心內提供免費本地通話服務。如果要打海外長途電話，你可以喺機場 7-Eleven 同寄存行李櫃枱買國際電話卡。

互聯網服務
樟宜機場 1 號和 2 號客運大樓的離境和過境休息室設有免費自助上網站點。而機場各處均有免費 Wi-Fi 網絡覆蓋，你只需要揀 WiFi@Changi，就可以依照指示使用。

郵政服務
2 號客運大樓設有兩個郵政服務櫃枱，而機場內不同位置皆設名為 Post-on-Wheels 的流動郵政服務。

IT 和商業服務
商務中心位於 1 號客運大樓和 2 號客運大樓的過境酒店內，提供打字、郵寄文件、影印文件和傳真等商務服務。

貨幣找換

3 座客運大樓分別設有兩至三個貨幣找換櫃枱，每日 24 小時營業。自動櫃員機遍佈機場各處。

入境

入境大堂位於每座客運大樓的入境區地下。新加坡樟宜機場獲《福布斯 (Forbes)》雜誌評選為全球最佳機場之一，機場嘅入境同保安檢查區域都出晒名效率高。

樟宜機場入境和離境注意事項

飛去樟宜機場途中，你可以由高空望到新加坡蓬勃而關鍵嘅交通運輸網絡：大型港口泊滿嚟自世界各地嘅船隻；機場客運大樓極具規模，更突顯新加球致力成為全球商貿同旅遊中心嘅雄心壯志。

離開新加坡嘅時候，樟宜機場可以提供「場外辦理登機手續」服務，等你喺抵達機場之前用電話、互聯網、傳真或短信辦理登機手續。去到機場之後，你只需要列印登機證，再喺指定機場櫃枱寄運行李就得。如果打算喺機場辦理登機手續，建議喺航班起飛前至少 2 個鐘到達機場。