奈良 13 大最佳玩樂活動

奈良舊稱「平城宮」，係日本第一個首都 (710-794)，坐擁日本三大世界文化遺產，還有許多令人印象深刻的神社、寺廟和遺址。奈良好幸運，因為佢以某種方式避開咗二戰期間嘅廣泛破壞，同時好成功咁保留住自己嘅歷史魅力。

即使你無多餘時間，都一定唔可以錯過有數百隻梅花鹿喺園內漫遊嘅奈良公園。奈良其他景點包括東大寺、興福寺、春日大社、平城宮、奈良國立博物館，以及依水園寧樂美術館建築群。

奈良市酒店

1. 奈良公園

推介： 伴侶, 家庭, 歷史文化, 拍照

奈良公園佔地 500 多公頃，是日本最大的市政公園之一，位於市中心。當地人好鍾意去呢個公園，尤其喺春季「花見 (意即「賞花」)」時節，人潮格外洶湧。身處園內，你會遇到自由奔跑嘅友善小鹿，期待大家餵食鹿煎餅 (日語：鹿せんべい)。這些小鹿長期以來一直是奈良的象徵，且在神道教信仰中素被視為眾神使者，所以沒有人敢傷害牠們。遊客可以喺公園內部以至周邊搵到好多有趣嘅歷史地標，包括興福寺、東大寺、春日大社同奈良國立博物館等。

位置： 630-8211 日本奈良雑司町

開放時間： 全年開放

探索奈良公園酒店

2. 東大寺

推介： 歷史文化, 拍照

呢座佛教寺廟由聖武天皇 (724-749) 創建，堪稱奈良最著名景點，以宏偉嘅奈良大佛銅像而聞名。就像日本許多歷史古蹟一樣，這座雕像、以至寺廟的大型木建大廳和建築物皆遭受過多次破壞，隨後修復。目前所見的大佛乃全球最大青銅雕像之一，於 1692 年由德川幕府重建。東大寺被列為聯合國教科文組織世界文化遺產，而且全寺建造過程連一口釘都冇用過，出眾工藝令人嘆為觀止。

位置： 630-8211 日本奈良雑司町 406-1

開放時間： 每日 08:00 至 17:00

電話： +81 (0)742-22-5511

探索東大寺酒店

3. 興福寺

推介： 歷史文化, 拍照

興福寺係一座好靚嘅五重塔，時時亮相於旅遊手冊同奈良市嘅宣傳素材入面，確為該市地標之一，在全國廣為人知，上次重建乃於 1426 年進行。興福寺由日本勢力龐大的藤原家族於 669 年創立，最初位於京都，後來遷至奈良公園現址。當時，全寺共有 175 幢建築物，可惜只有少數能保存下來，當中包括兩座寶塔。歡迎參觀寺內嘅國寶館，一覽眾多古董雕像，其中有啲嘅歷史仲可以追溯到 8 世紀添！興福寺於 1998 年獲聯合國教科文組織列為世界文化遺產。

位置： 630-8213 日本奈良登大路町 48

開放時間： 每日 09:00 至 17:00

探索興福寺酒店

4. 春日大社

推介： 伴侶, 歷史文化, 拍照

不妨參觀列入聯合國教科文組織世界文化遺產嘅春日大社丫？佢既係日本最古老嘅神道神社之一，亦係奈良必遊之地。在通往主大樓的小路上，你會看到許多燈籠；而神社裡面仲有更加多燈籠—據講，石燈籠同青銅掛燈嘅數量分別達到 2,000 同 1,000 個！

春日大社同勢力強大嘅藤原氏族關係密切，而呢家人同皇室家族亦好有淵源。神社創立於 768 年，目前的建築上次乃於 1863 年重建。遊客可以額外付費，欣賞寶物殿裡面嘅眾多古董文物，包括劍同傳統服飾等等。

位置： 630-8212 日本奈良春日野町 160

開放時間： 每日 09:00 至 16:30 (冬季為 16:00)

電話： +81 (0)742-22-7788

探索春日大社酒店

5. 萬葉植物園

推介： 伴侶, 家庭, 拍照

萬葉植物園 (鹿苑) 擁有幾百種原生植物，諸如日本無花果、日本藍橡樹、繡球花、兔耳鳶尾、石竹、中國風鈴草、柳樹、日本雪松、日本李子和石蒜花等絢麗樹木花草，統統令人期待。當地人大多會在 4 月和 5 月前來，遍賞紫藤盛開。植物園位於奈良公園嘅春日大社旁邊。

位置： 630-8212 日本奈良春日野町 160

開放時間： 每日 09:00 至 16:30 (12 月至 2 月逢星期一休園)

查看附近住宿

6. 奈良國立博物館

推介： 歷史文化, 拍照

奈良國立博物館展出咗好多珍貴無價嘅日本佛教藝術品、捲軸、繪畫、以及各種歷史時期嘅考古文物，其中又以正倉院展為全館亮點。正倉院獨特之處在於坐擁超過 9,000 件文物，交織出世界上最大型的 8 世紀「絲綢之路」展覽，展品包括中國唐代樂器、土耳其青金石、波斯切割玻璃碗、印度犀牛角杯子，以及日本本國皇朝多姿多彩的收藏品。正倉院年度展覽通常在 10 月至 11 月期間舉辦，為時幾星期。

位置： 630-8213 日本奈良登大路町 50

開放時間： 星期二至星期日 09:30 至 17:00 (星期一休館)

電話： +81 (0)74 222 7771

探索奈良國立美術館酒店

7. 藥師寺

推介： 歷史文化, 拍照, 經濟實惠

藥師寺專門敬奉「藥師佛」，建於公元 680 年，後來在奈良被封為首都之後，遷至現址。這座寺廟以其精美的佛教藝術藏品而聞名，其中包括佛教銅像，以及一幅繪於 8 世紀的佛教和平、幸福、美麗女神吉祥天女 (又名「斯里瑪哈德維 (Sri-mahadevi)」) 畫像，艷麗照人。遊客可以喺藥師寺內遍覽壯麗建築物，例如建於 8 世紀嘅東塔原塔同經過重建嘅西塔、於 1852 年重建嘅講堂，以及 1976 年建造嘅金堂主殿。

位置： 630-8563 日本奈良西ノ京町 457

開放時間： 每日 08:30 至 17:00

查看附近住宿

8. 葛城市相撲館 「けはや座」

推介： 歷史文化

這座兩層樓高的博物館位於葛城市附近，專為相撲而設，於 1990 年開幕，展出約 12,000 件有趣物品，全部同相撲相關，當中包括幾條「化粧廻し」(相撲手所著嘅華麗刺繡絲質腰帶)、「下馱」(日式木屐)、相撲歷史文件、舊相同畫作；展館一樓更設有一比一大小的相撲圈，但不會有真正比賽上演，還請勿太失望！據說：相撲正是源於此館，故相撲迷必定親臨「朝聖」。只要搭車到近鐵當麻寺站，就可以輕鬆嚟到呢間相撲博物館。

位置： 日本奈良葛城市當麻 83-1

開放時間： 星期四至星期一 10:00 至 17:00 (星期二、三休館)

電話： +81 (0)74 548 4611

9. 依水園日式花園

推介： 伴侶, 歷史文化, 拍照

依水園綠茵絢麗，正正係暫離奈良主要旅遊景點嘅好地方。此園由兩部分組成，包括源自 17 世紀中期的前園，以及後來建於 1899 年的後園，兩者之間以風光明媚的行人通道相連。身處園內，你可以漫步小型茶館同妙趣博物館，細賞各式展品，當中包括來自韓國同中國嘅復古陶器、瓷器及工藝品。

位置： 630-8208 日本奈良水門町 74

開放時間： 星期三至星期一 09:30 至 16:30 (星期二休息)

電話： +81 (0)742-25-0781

探索依水園酒店

10. 平城宮

推介： 歷史文化, 拍照

平城宮有唔夠一個世紀嘅時光曾經係天皇住所，及至日本其後遷都到京都，先至完全荒廢。宮內亮點之一是真實大小的外交船複製品，而該船曾於 8 世紀時接載日本貴族到中國。如今，宮殿本身成為了博物館，展出各種各樣展品，當中包括天皇居室、幕僚辦公室、舉辦國家慶典的大極殿、傳統大門、日式花園和庭院，遊客還可以在館內試穿日本古裝！平城宮是奈良其中一個聯合國教科文組織世界文化遺產，而日本政府喺呢度進行過考古研究，耗資約 1 億美元。平城宮距離河內永和站大約 20 分鐘步程。

位置： 630-8577 日本奈良佐紀町

開放時間： 星期二至星期日 09:00 至 16:30 (星期一休館)

探索平城宮酒店

11. 明日香村水稻梯田

推介： 拍照

奈良南部的明日香村是奈良時代之前的古都，擁有許多歷史遺址，包括廢墟、皇陵、寺廟、神社和石刻。

明日香村置身絢麗嘅鄉野之間，四周稻田色彩繽紛，而且好多都開闢喺梯田斜坡上面。村莊古意盎然，非常值得你用一日時間嚟呢度散下步、踩下單車。如果你想喺擁擠嘅旅遊熱點以外抖返啖氣，呢度就係大受歡迎嘅避世勝地！只要向稻渕村進發，最靚景色即刻等你盡賞！

位置： 日本奈良縣明日香村

12. 法隆寺

推介： 伴侶, 歷史文化, 拍照

法隆寺 (又叫做「斑鳩寺」) 由聖徳太子 (574-622) 創立，被視為日本最古老嘅佛教寺廟，寺內個別房舍相傳仲係全球現存歷史最悠久嘅木造建築添！法隆寺嘅特色係 1,300 幾年歷史嘅原始木製金堂 (正殿)、五重塔、同埋好多珍貴佛像雕塑。呢座寺廟除咗係縣內七大寺之一、同埋佛教聖德太子族嘅所在地，更加係日本第一個被聯合國教科文組織列為世界文化遺產嘅地方。乘搭列車過嚟，法隆寺距離斑鳩町嘅 JR 奈良站大約 15 分鐘車程。 閱讀更多資訊

位置： 636-0115 日本奈良縣生駒郡斑鳩町法隆寺山內 1-1

開放時間： 每日 08:00 至 16:30

探索法隆寺酒店

13. 吉野山

推介： 伴侶, 家庭, 拍照

由奈良乘搭列車大約 90 分鐘，就會嚟到吉野山—呢度係熱門「花見」(即係「賞櫻」) 場所，每年春天都會變得熱鬧。吉野山山坡由超過 10,000 棵櫻花樹所覆蓋，由於地勢較高，櫻花開花時間得以延長，有別於海拔較低的地方，花期平均只有兩星期左右。

查看附近住宿

此文章含有 Go Guides 編輯團隊的個人意見。Hotels.com 會向於本網站上撰文的作者付費，其中或包括旅遊及其他費用。