10 大韓國料理

泡菜 (Kimchi) 屬招牌韓國菜，已經有 2,000 幾年啦，歷史可以追溯到新羅王朝，由韓國捲心菜、蘿蔔、南瓜、洋蔥、薑、蔥、辣椒粉、蒜蓉同鹽醃海鮮發酵製成，

極具傳統風味，共有超過 200 款，既可單獨食用、配飯同吃，亦可加入粥、湯和年糕中。另一方面，泡菜為韓國美食奠下基石，衍生出多種菜式，如泡菜燉鍋 (kimchi jjigae)、泡菜煎餅 (kimchijeon) 和泡菜炒飯等，都用上了泡菜。

喺首爾旅遊，另一款唔可以唔試嘅美食就係韓式拌飯 (Bibimbap)—呢款飽肚又營養豐富嘅菜式喺餐廳、美食廣場同街頭市場到處可見，而且視乎地區同所用食材而定，可以採用肉類或素菜炮製。

最常見嘅韓式拌飯用咗溫熱米飯配搭雜菜、牛肉或雞肉、同埋生雞蛋混埋一齊，仲會配搭醬油同一堆辣椒醬調味。呢道拌飯菜式仲有個變奏版本，叫做「魚生拌飯 (hoedeopbap)」，用三文魚、金槍魚或章魚等海鮮刺身代替肉類，十分適合鍾意食海鮮嘅人士。

韓式炒年糕 (tteokbokki) 是韓國傳統街頭食品，做法是將厚片熟年糕 (garaetteok)、魚餅、洋蔥、大蒜粒、鹽、糖和各種蔬菜，加入紅色的甜辣椒醬拌炒，到外觀呈現鮮豔均稱嘅橙紅色，就可以享用。呢款小食十分易認，通常喺街頭攤檔同獨立小食店都有售。

韓式烤肉片 (Bulgogi) 由醃製牛腩肉片製成，與洋蔥片、青椒和大蒜一同放在木炭爐上燒烤，添上獨特煙燻味。燒烤之前，肉片會加入醬油、麻油、黑胡椒、大蒜、洋蔥、薑同糖醃製 2 到 4 小時，令風味更正、肉質更嫩。

韓式烤肉片仲會配搭生菜同菠菜等多葉蔬菜作為配菜—食果時，用菜葉包住已經煮熟嘅肉片，仲要加上包飯醬 (ssamjang) 同泡菜一齊食，口味就算地道。

首爾嘅韓式燉鍋 (jjigae) 種類好多，一般係將肉類、海鮮或蔬菜放入用苦椒醬 (gochujang)、發酵味噌 (gaenjang)、大豆醬或鹽漬發酵蝦 (saeujeot) 製成嘅湯裡面燉煮，濃度同西式燉菜相似，可用嚟喺「重口味」嘅菜式之間清清味蕾。

首爾其中一款最受歡迎嘅韓式燉鍋係部隊鍋 (budae jjigae)，裡面有煙肉、香腸、午餐肉、拉麵同年糕，仲加入苦椒醬，帶出辛辣味道。

炸醬麵 (Jajangmyeon) 係中韓融合菜，用咗粗厚嘅手工小麥麵條製成，上面放咗生青瓜片，配搭混合鹹黑大豆醬、豬肉粒同蔬菜嘅醬料一齊食，售價由 KRW5,000 起，係一款又快又平嘅窩心美食。

喺正每年 4 月 14 日「黑色日」，喺情人節期間無收到禮物嘅單身朋友都會著住黑色衫，聚首一堂，食下炸醬麵等黑色食物，場面其實好得意。

燒五花肉 (Samgyeopsal) 是另一道韓式主食，不甚講究烹飪技巧，只須在餐桌烤架上即席烤製厚厚的五花肉，然後配上蘸醬同配料，例如蘑菇、青辣椒、蔥、生洋蔥、大蒜同泡菜，再用生菜或芝麻葉包住就得。

燒五花肉好受首爾嘅職青歡迎，佢地仲通常會飲番一兩杯燒酒。

韓式炸雞參考典型美式快餐美食而成，仲加入咗獨特風味。同美式炸雞唔同，韓式炸雞會喺雞塊上面加上甜辣醬 (有 D 餐廳仲會喺麵糊上面加入青椒，食起嚟更加香辣)，然後再用植物油煎炸，

令雞肉裡面多汁，外層嘅薄身炸粉就極其鬆脆，油份好少。韓式炸雞係好受歡迎嘅宵夜小食，通常再飲番杯啤酒。

香辣冷麵 (bibim nengmyun) 用不銹鋼碗盛載，裡面加入冷湯、青瓜絲、韓國梨片、烚雞蛋和冷牛肉片同吃；而碗裡面嘅幼長麵條由麵粉同蕎麥或蕃薯粉做成，部分變奏款式仲會加入海藻同綠茶。

麵條象徵長壽健康，傳統係唔會剪斷，但食客可以根據個人喜好，要求侍應代為剪短麵條。

夏日炎炎，當地人認為必須補充身體能量，所以經常喺 6 月到 9 月頭飲番一碗熱呼呼嘅人參雞湯 (samgyetang)。

炮製呢款營養豐富嘅靚湯，廚師會先準備一隻春雞，喺裡面塞入栗子、大蒜、乾棗、人參、糯米同銀杏果仁等餡料，然後將食材慢煮，直到雞肉變到十分嫩滑，濃稠嘅肉湯滲出帶 D 甘甘哋苦苦哋嘅香味。