新加坡夜間野生動物園 (Singapore Night Safari)

新加坡夜間野生動物園 (Singapore Night Safari) 絕對係個世界級景點，為遊客送上驚喜萬分嘅娛樂節目，同時亦好努力保護、拯救同研究動物，協助改善圈養同野外動物嘅生活。園內設有電車同步行徑，帶你踏上夜間旅程，一齊喺入夜後觀賞野生動物身影。

嚟到呢個重視動物生命嘅野生景點，有各種嚟自亞洲、非洲、歐洲及美洲嘅動物，喺寬敞而自然嘅圍籬裡面游蕩，顯得處處生機。貴為新加坡動物園內嘅熱門亮點，新加坡夜間動物園亦為新加坡贏得「亞洲最佳合家歡旅遊勝地之一」嘅美譽。

新加坡夜間野生動物園 (Singapore Night Safari)名列新加坡 10 大最佳親子活動和新加坡 18 個最佳公園和自然空間 (閱讀有關新加坡的資料)

相片由 Allie_Caulfield 提供 (CC BY 2.0) (經修改)

新加坡夜間野生動物園 (Night Safari) 景點

新加坡嘅「夜生活」果然狂野！新加坡夜間野生動物園將會帶你窺探夜晚嘅動物王國，機會難得—園內有超過 59 個展區、1,000 隻動物任你觀賞；8 個自然地理帶之間有步行小徑同電車相連，等住你嚟「環遊世界」！你會見到唔少嚟自異國、可能瀕臨絕種嘅動物，例如喜馬拉雅兀鷲、牛羚、瞪羚，同埋緬甸野牛。

相片由 Allie_Caulfield 提供 (CC BY 2.0) (經修改)

首先，不妨觀賞全長 20 分鐘嘅《夜行生物 (Creatures of the Night Show)》短片，概括了解園內動物 (放映時間：19:30、20:30、21:30，週末同假日夜晚另加 22:30 場次)，然後坐電車去喜馬拉雅山麓 (Himalayan Foothills)，探望喺崎嶇地勢裡面活動嘅藍羊、喜馬拉雅塔爾羊、摩弗倫羊同螺角山羊。

跟住，電車會帶你穿越尼泊爾河谷 (Nepalese River Valley)，而呢度就係大型水鹿、金豺、塘鵝同獨角犀牛嘅屋企。當你穿過印度次大陸 (Indian Subcontinent) 展區果陣，記得要搵下懶熊、條紋鬣狗、沼鹿同印度獅嘅蹤影。

相片由 Allie_Caulfield 提供 (CC BY 2.0) (經修改)

再向前行，你就會嚟到赤道非洲 (Equatorial Africa)，可以喺類似大草原嘅景區裡面，見到長頸鹿、獅子同藪貓。到咗印度-馬來亞 (Indo-Malayan) 地區嘅多樣化棲息地，你仲會見到馬來亞老虎同鹿豚；而亞洲河流森林區 (Asian Riverine Forest) 就有貘同大象居住。下一站去到南美潘帕斯草原 (South American Pampas) 展區，你會遇到巨型食蟻獸同水豚 (即係水豬—全球現存身軀最大嘅囓齒動物)。繼續旅程，嚟到緬甸山坡 (Burmese Hillside)，有大野牛同坡鹿等住向你 Say Hi 架！