紐約周圍都係優美嘅風景名勝、獨特嘅博物館同豐富嘅文化活動,一般都歡迎大眾免費參加;市內唔少公園都好啱散步同野餐,而公共圖書館就梗係書迷最愛啦,館內有齊各種稀有版本叢書、手稿同埋知名作家嘅演講稿,一定會令「書蟲」樂而忘返!

    講到最受歡迎嘅街頭表演場地,絕非時代廣場 (Times Square) 莫屬,但係怪誕演出伴隨住人群歡呼叫聲,有時又略嫌嘈雜咗啲…身處紐約,隨時隨地都有免費 Show 睇,特別係夏天,節目更加豐富,算得上係好消息喇啩?為咗幫你「窮遊」呢座充滿活力嘅城市,我哋羅列咗紐約一系列人氣免費活動,快啲嚟睇吓啦!

    1

    911 紀念館

    紀念館逢星期二 17:00 起免費入場

    911 國家紀念博物館 (National September 11 Memorial) 位於曼克頓下城 (Lower Manhattan) 金融區 (Financial District) 世貿中心 (World Trade Center) 裡面,係為咗紀念喺 2001 年 9 月 11 日恐怖襲擊之中遇難嘅死者而興建嘅,最大特色莫過於兩座寓意「反思」嘅水池,象徵住雙子塔樓嘅遺址。除此之外,池邊嘅銅製邊緣都刻有意外身故者嘅姓名,惹人追憶。紀念館入面有兩大展覽廳,其中一個展示 911 事件嘅過去、現況同影響;而另一個就安裝咗 270° 全景多媒體裝置。

    地點: 180 Greenwich St, New York, NY 10007, USA

    開放時間: 每日 09:00 至 20:00

    電話: +1 212-312-8800

    地圖
    • 歷史文化`
    • 經濟實惠
    2

    中央公園免費導賞團

    當地導遊帶你遊覽北森林

    中央公園 (Central Park) 位於曼克頓 (Manhattan) 市中心,擁有一大片綠色草地,同超過 20 個遊樂場、人工湖同埋池塘相映成趣,仲有好多條寬闊嘅步行徑添!公園全年免費對外開放,可以俾你喺度玩盡各式各樣嘅親子活動,同屋企人樂聚天倫。其中,最受歡迎嘅親子遊樂設施包括旋轉木馬、中央公園動物園 (Central Park Zoo)、中央公園溫室花園 (Central Park Conservatory Garden)、戴拉寇特劇院 (Delacorte Theater) 同埋眺望台城堡 (Belvedere Castle);而中央公園管理委員會 (Central Park Conservancy) 仲有為家庭旅客開辦免費導賞團,帶你認識中央公園嘅北森林 (North Woods),行程全長 90 分鐘,免費派發《探險專刊 (Discovery Journal)》、兒童專用雙筒望遠鏡、場地指南同埋放大鏡,方便大家沿途發掘新事物。

    地圖
    • 伴侶
    • 家庭
    • 拍照
    • 經濟實惠
    3

    中央車站

    主要車站大堂目不暇給嘅星空穹頂壁畫

    紐約中央車站 (Grand Central Terminal Station) 係市內最繁華嘅地標之一,每日都有成千上萬紐約市民喺度返工放工,穿梭車路。呢個車站位於中城 (Midtown),站外主打布雜藝術 (Beaux-Arts) 雕塑同建築,而站內就有成 44 個火車月台,仲有好多間餐廳添!主要車站大堂每日人來人往,但都有好多值得欣賞嘅特色,包括四面鐘、星空穹頂壁畫同埋美食市集,就算你唔打算搭火車,要行勻哂紐約中央車站入面嘅「隱世角落」,都夠你打發大半日時間喇。

    地點: 89 E 42nd St, New York, NY 10017, USA

    電話: +1 212-340-2583

    地圖
    • 歷史文化`
    • 拍照
    • 經濟實惠
    4

    把握機會,免費參觀博物館

    細賞 MoMA 超過 300 件當代油畫同雕塑

    紐約嘅博物館數之不盡,各具特色,部分仲有開設免費入場時段,一般訂喺星期五同星期六黃昏。其中,現代藝術博物館 (Museum of Modem Art;MoMA) 同動態影像博物館 (Museum of the Moving Image) 等星級場館都會喺星期五 16:00 至 20:00 免費開放;而布朗克斯藝術博物館 (Bronx Museum of the Arts)、美國民俗藝術博物館 (American Folk Art Museum) 同埋 FIT 時尚博物館 (Fashion Institute of Technology) 等等展館仲係全年免收入場費添!

    • 歷史文化`
    • 拍照
    • 經濟實惠

    相片由 Alsandro 提供 (CC BY-SA 3.0) 經修改

    5

    星期五布魯克林植物園之旅

    日式庭園「花見」賞櫻

    布魯克林植物園 (Brooklyn Botanic Garden) 位於展望公園 (Prospect Park) 東北邊,佔地面積超過 20 萬平方米,擁有超過 10 個溫室花園、園景花園、步行徑同池塘,每個位都係打卡勝地!植物園成人票價係 USD15,12 歲以上小童票價係 USD8,而你亦可以喺星期五 12:00 前免費入場;如果咁啱冬天遊覽紐約,布魯克林植物園逢星期二至五仲全日免費開放添!

    地點: 990 Washington Ave, Brooklyn, NY 11225, USA

    開放時間: 星期二至五 08:00 至 18:00;星期六至日 10:00 至 18:00 (逢星期一休息)

    電話: +1 718-623-7200

    地圖
    • 伴侶
    • 家庭
    • 拍照
    • 經濟實惠
    6

    漢彌敦格蘭奇國家紀念公園

    喺遊客中心睇漢彌敦生平短片

    漢彌敦格蘭奇國家紀念公園 (Hamilton Grange National Memorial) 前身係美國國父漢彌敦 (Alexander Hamilton) 嘅故居,位於聖尼古拉斯公園 (St. Nicholas Park) 北端,遊客可以免費參觀紀念園嘅各個部分,仲有機會一睹 19 世紀嘅傢俬同裝飾品實物添!紀念公園分別喺 10:00、11:00、14:00 同 16:00 提供導賞團服務,園內嘅遊客中心有個常設畫廊,仲有書店同 25 座影院,俾遊客透過短片了解漢彌敦嘅生平。

    地點: 414 W 141st St, New York, NY 10031, USA

    開放時間: 星期三至日 09:00 至 17:00 (逢星期一、四休息)

    電話: +1 646-548-2310

    地圖
    • 歷史文化`
    • 經濟實惠
    7

    紐約公共圖書館

    探吓兒童中心擺放嘅小熊維尼原型玩具

    紐約公共圖書館 (New York Public Library) 喺紐約有超過 90 間分館;不過,要數最受歡迎嗰間,都係首推位於蘇世民大樓 (Stephen A. Schwarzman Building) 嘅分館。呢間圖書館採用布雜藝術 (Beaux-Arts) 建築風格設計,珍藏咗好多稀有書籍,仲會舉辦講座同工作坊,俾唔同年齡層嘅人士參加。其中,兒童中心嘅「小熊維尼」展覽人氣最旺,你可以喺嗰度搵到啟發作者 Alan Alexander Milne 創造呢位卡通人物嘅原型毛公仔。如果你想了解呢座圖書館大樓嘅歷史,仲可以參加埋星期一至日 11:00 至 14:00 舉辦嘅免費導賞團添!

    地點: 476 5th Ave, New York, NY 10018, USA

    開放時間: 星期一、四至六 10:00 至 18:00;星期二至三 10:00 至 20:00;星期日 13:00 至 17:00

    電話: +1 212-340-0863

    地圖
    • 歷史文化`
    • 經濟實惠
    8

    布魯克林釀酒廠

    以優惠價大嘆招牌啤酒

    紐約布魯克林啤酒廠 (Brooklyn Brewery) 會帶俾遊客一個認識釀酒過程嘅好機會!呢間小型釀酒廠位於威廉斯堡 (Williamsburg),每逢週末都會開辦免費導賞團,30 分鐘一場;而如果你唔介意使少少錢消費,仲可以去到品酒室試吓呢度最出名嘅拉格啤酒 (lager) 同愛爾啤酒 (ale) 添,每杯費用只需大概 USD6 咋!

    地點: 79 N 11th St, Brooklyn, NY 11249, USA

    開放時間: 星期一至四 17:00 至 23:00;星期五 17:00 至 00:00;星期六 12:00 至 00:00;星期日 12:00 至 20:00

    電話: +1 718-486-7422

    地圖
    • 品嚐美食
    • 經濟實惠
    9

    切爾西美術館開幕之夜

    參觀期間免費任飲任食

    紐約切爾西 (Chelsea) 社區嘅美術館成日邀請世界各地嘅藝術家主持開幕儀式,仲歡迎遊客免費參加添!由第十大道 (10th Avenue) 至第十一大道 (11th Avenue) 嘅 14 街西 (W. 14th Street) 至 29 街西 (W. 29th Street),沿途有百幾間星期四免費開放嘅美術館,包括卓納畫廊 (David Zwirner)、Anton Kern Gallery 同佩斯畫廊 (Pace Gallery)。最令人興奮嘅係—如果你喺黃昏之後過嚟參觀,館方有飲品 (一般係紅酒同啤酒) 同小食供應,俾遊客任食架!

    • 歷史文化`
    • 經濟實惠
    10

    Hea 遊唐人街

    喺哥倫布公園鬆一鬆

    唐人街係繁華嘅社區,由布魯姆街 (Broome Street) 以南一路延伸到曼克頓下城 (Lower Manhattan) 拉斐特街 (Lafayette) 以東,區內人來人往,嚟到走一轉,就會有種穿梭世界唔同大洲嘅感覺,皆因呢度雲集咗東南亞、中式同港式等世界各地美食餐廳。如果你鍾意搜羅各種各樣嘅「戰利品」,店面小巧嘅 Mmuseumm 擺放住嚟自全球嘅新奇有趣商品,包括雜牌美容產品、自拍神棍,同埋各國移民帶過嚟嘅玩具。

    地點: Lower Manhattan, New York, NY, USA

    地圖
    • 拍照
    • 品嚐美食
    • 經濟實惠
    Penny Wong | 旅遊常客

    開始計劃行程

    Maps