紐約街頭點綴住品味同氣質都繽紛多彩嘅商舖,無論你鍾意喺百貨公司精打細算,定係想行古著店搵平貨,市內各個街區都滿足到你嘅購物需求。雖然紐約嘅街道擠擁不堪,但係 Shopping 空間就完全例外!

    以下清單列出遊遍各大街區的全方位攻略,涵蓋鼎鼎大名嘅曼哈頓島 (Manhattan),同埋永遠走在潮流尖端嘅布魯克林區 (Brooklyn),帶你分區、分主題「血拚」,盡最大努力精明掃貨。

    1

    上東區

    祟尚奢華

    上東城 (Upper East Side) 出哂名係上流社區,住咗好多有錢人,周圍都係現代化摩天大廈,就連享譽國際嘅麥迪遜大道 (Madison Avenue) 都喺區內,雲集各大名師設計品牌門市同高檔百貨公司,由 Louis Vuitton、Tiffany & Co.、Prada 以至 Valentino…只要你講得出嘅名牌,呢度都應有盡有!聽落好似淨係啱有錢人瘋狂「血拚」?其實,你唔一定要有「斬獲」;簡簡單單喺麥迪遜大道行吓,都足以親身感受紐約 Window Shopping 嘅樂趣啦!

    每逢季節更替,Saks Fifth AvenueBarney’s博道夫古德曼 (Bergdorf Goodman) 等等嘅百貨公司都會重新佈置櫥窗陳設,換上最新、最奢華嘅商品,每年都吸引到成千上萬嘅客流架。溫馨提示:越係去到上城區中心,店舖消費就越高。

    地點: Upper East Side, New York, NY, USA

    地圖
    • 購物
    • 拍照
    • 豪華住宿
    2

    蘇豪

    潮流名物

    「蘇豪」呢個名嚟自英文「SoHo」嘅譯音,意思係「休斯頓街以南 (South of Houston Street)」,區內開咗好多至 In 至潮嘅店舖同 Cafe,絕對俾到你 IG 放閃嘅好機會。無論你鍾意邊個品牌,都可以喺呢度搵到,Fast Fashion 即食時尚嘅代表有 Zara;藝術出版社嘅代表有 Taschen;而主流品牌嘅代表就有 Levi’s。蘇豪區一定冇麥迪遜大道 (Madison Avenue) 咁逼,邊行邊買,夠晒自在!講到蘇豪嘅 Shopping 首選,梗係唔少得捧場客超多嘅 ReformationGlossierAmerican Two Shot 啦,人氣名店數都數唔晒。想幫自己轉個潮爆 Cool Look?咁就要快啲嚟呢度嘅舖頭揀返啲心頭好喇!蘇豪周圍嘅酒店服務質素都相當理想,而且價格豐儉由人。

    地點: SoHo, New York, NY, USA

    地圖
    • 購物
    • 拍照

    相片由 Prayitno 提供 (CC BY 2.0) 經修改

    3

    諾利塔

    獨一無二嘅精品店

    「諾利塔」係英文「Nolita」嘅譯音,意思係「小意大利以北 (North of Little Italy)」,同蘇豪 (SoHo) 一樣係購物區,但人流就相對少好多,處處散發迷人嘅時尚氣氛,喺街頭經過嘅潮人身上更加突顯出嚟。諾利塔全區都係由窄巷交織而成,店舖櫥窗精心佈置咗各式陳設,VincewarmBabel FairLingo 等等嘅精品店專售精選男女裝衫褲。當然,呢區又點止得咁少時裝店?只要周圍行吓,你一定會發掘到更多啱心水嘅店舖!

    地點: Nolita, New York, NY, USA

    地圖
    • 購物
    • 拍照

    相片由 Paul Arps 提供 (CC BY 2.0) 經修改

    4

    東村

    時光倒流

    想「全日血拚」嘅話,東村 (East Village) 未必係你嘅首選;之但係,如果你對復古風有興趣,呢度嘅舖頭相信都會幾啱你!東村被視為曼哈頓少數仲保留獨特個性嘅地方,大街小巷都充滿新奇有趣嘅店舖,俾你超脫現實嘅感覺。行到入 Cloak & Dagger,就好似「回到過去」咁,店內售賣嘅商品好多都唔過 USD100,但就令人聯想起 Wes Anderson;其他超有 Character 嘅店舖仲包括 Cobblestones 同埋 VideoGamesNewYork—呢間舖頭得一間更衣室咁大,竟然擺滿唔同年代嘅遊戲,相當特別!

    地點: East Village, New York, NY, USA

    地圖
    • 購物
    • 拍照

    相片由 Ian Cochrane 提供 (CC BY 2.0) 經修改

    5

    運河街

    有得買,有得講價

    運河街 (Canal Street) 人氣超旺—唔想俾咁多錢買正版名牌袋嘅人,都會嚟呢度尋寶。呢區開設咗好多臨時攤檔,無論係「名牌 (高仿)」手袋,定係銀包、名錶同香水,統統應有盡有,攤檔本身就已經係旅遊景點,啲小販盞鬼得嚟又 Nice,有時聽吓佢地講嘢,都幾搞笑架!無論你覺得呢度賣嘅係正版定 A 貨都好,運河街同上東城 (Upper East Side) 光潔亮麗嘅街道相比,氣氛肯定截然不同。如果你想住喺附近,可以揀間位於唐人街嘅酒店落腳吖!

    溫馨提示:運河街唔係樣樣嘢都係正貨嚟架,最緊要識分冒牌貨同高仿貨:冒牌袋嘅款式、顏色同標誌都同正貨一模一樣;而高仿貨就係以原裝正貨作為「設計靈感」嘅相似產品。

    地點: Canal Street, New York, NY, USA

    地圖
    • 購物
    • 拍照
    • 非一般行程

    相片由 Wilson Rivera 提供 (CC BY 2.0) 經修改

    6

    西村

    貨色最多最齊

    西村 (West Village) 就係大名鼎鼎嘅布萊克街 (Bleecker Street) 同歷史悠久嘅格林威治村 (Greenwich Village) 所在地,雲集至 In 時裝店同至出名品牌。沿住曲折巷仔一路行,DiptyqueC.O.Bigelow 等熱門名牌旋即映入眼簾,滿足晒你對家居裝修嘅各種需求。而 Madame Matovu 係區內嘅隱世奇珍之一,佢賣嘅嘢雖然都幾貴,但店內商品係社會幾咁進步都買唔返架,絕對物超所值!想搵返啲潮牌睇吓嘅話,不妨去埋 Maison MargielaUrban Zen (Donna Karan 喺 2015 年創立嘅新品牌) 吖。

    地點: West Village, New York, NY, USA

    地圖
    • 購物
    • 拍照

    相片由 Monica D. 提供 (CC BY 2.0) 經修改

    7

    威廉斯堡

    懷舊天堂

    威廉斯堡 (Williamsburg) 位於至 In 至潮嘅布魯克林 (Brooklyn),但竟然主打典雅瑰麗嘅古董同舊物,係咪估佢唔到呢?由布魯克林大橋 (Brooklyn Bridge) 行去探索呢個社區,絕對值得,皆因呢度唔單止係正到爆嘅 Shopping 同吃喝玩樂熱點,仲有幾間即將開幕嘅美術館添!對於古董發燒友嚟講,威廉斯堡係「伊甸園」嘅代名詞,舉凡店舖以至市集,統統都係尋寶勝地。記得去行吓人氣超旺嘅古董店 Beacon’s Closet深受推崇嘅 Artist & Fleas 跳蚤市場,同埋梗係唔少得布魯克林跳蚤市場 (Brooklyn Flea Market) 啦!威廉斯堡周圍有各式各樣嘅出色酒店,實有間啱你心水。

    地點: Williamsburg, Brooklyn, NY, USA

    地圖
    • 購物
    • 拍照
    8

    柏坡

    第五大道 2.0

    柏坡 (Park Slope) 係布魯克林 (Brooklyn) 鮮為人知嘅潮區,低調得嚟有齊最新最 In 嘅潮流靚衫。講起第五大道 (Fifth Avenue),你可能會不其然諗起 Tiffany and Co. 嘅店面;而柏坡就係雲集各大獨立時裝店嘅「第五大道 2.0」,喺度 Shopping 嘅體驗堪比喺古老啡色寶箱尋寶,區內嘅靚景亦都值得「打卡」留念。不妨去行吓 Bird 吖,呢間舖頭拍得上有如神話嘅 Beacon’s ClosetDiana Kane 架!

    地點: Park Slope, Brooklyn, NY, USA

    地圖
    • 購物
    • 拍照

    相片由 Matthew Rutledge 提供 (CC BY 2.0) 經修改

    Sophia Macpherson | 特約撰稿人

    開始計劃行程

    Maps