英國
出發前須知
英國歷史悠久，個性鮮明，美麗不可方物！呢個國家由英格蘭、蘇格蘭、威爾士同北愛爾蘭組成，有數之不盡嘅耀目風光同獨特文化，除咗孕育出莎士比亞、The Beatles 等等巨人，仲有蘇格蘭短裙、炸魚薯條、英國皇室呢啲民俗標誌添！幾百年嚟，英國一直係文化、政治同歷史樞紐，為世界各地帶嚟深遠影響。
由金光燦爛嘅「不夜城」倫敦、威爾士鄉郊嘅古樸街巷、蘇格蘭高地嘅迷人山脈湖泊，以至貝爾法斯特 (Belfast) 嘅奇特街道，英國魅力無雙，極具人氣，而且坐擁 30 個聯合國教科文組織世界文化遺產、15 個壯麗國家公園、崎嶇海岸線，同埋各具特色嘅城市景觀，國土雖小，勝在活力非凡！