台灣喺太平洋,屬於亞熱帶氣候,夏天炎熱,冬天又凍又乾燥,又因為受到季候風週期影響,所以成日落雨;而太平洋颱風每年亦為當地額外帶嚟 2 到 3 次大風暴。台灣濕度好少低過 70%,所以凍果時會覺得溫度更低,而熱果時又會覺得更加黐邋邋。

    正如溫帶地區,台北其實亦都四季分明;但係,好多人只計好長嘅夏天 (5 月到 9 月) 同冬天 (11 月到 3 月),春天同秋天 (分別喺 4 月同 10 月) 就相對較短。台灣晴雨難料,可以連續半個月不停落毛毛細雨,又可以連續兩星期陽光普照。不過,一般嚟說,天氣越熱,通常越容易落雨。縱觀歷史,台灣喺 12 月降雨量最少 (60 毫米),8 月降雨量最多 (300 毫米)。

    1

    遊訪台北的最佳時節

    要數遊訪台北的最佳時節,絕非 3 月至 5 月莫屬—喺呢段期間,市內平均氣溫約為 22°C,剛從冬季寒冷低點回升,但又未到夏季熾熱高點,尚可接受。而且,櫻花喺呢個期間依然盛開,降雨量相對較少 (每月約 177 毫米),全區處於 2 個季候風季之間、颱風季開始之前,天氣狀況穩定。

    2

    台北最炎熱時節

    喺漫長而潮濕嘅夏季中,台北至為炎熱,特別係以 6 月、7 月同 8 月為熾熱高峰期,氣溫接近 40°C,相對濕度亦令體感溫度升高。與此同時,呢段時間亦係西南季候風期,每月降雨量高達 360 毫米!

    溫馨提示:台灣夏季 (6 月至 10 月) 正值太平洋颱風季節中期,全島常受颱風吹襲;台北一般較為安全,因為市內大部分區域都有防風設施,但係強風同大雨可能會影響你嘅旅行計劃。萬一你咁啱喺颱風季節來訪,記得緊貼天氣預報。

    3

    旅遊旺季

    台北以 5 月至 9 月嘅夏天為旅遊旺季,雖時有降雨,但偶爾陽光明媚,已經足以令當地酒店入住率爆滿。而中國農曆新年所處嘅寒冬就係第二旺季,一般介乎 1 月底至 2 月初,每每吸引遊客湧入市內,體驗元宵節同其他新年慶祝活動,致令酒店迅速「滿客」—如果你想參加節慶活動,記得要提前訂房。

    4

    旅遊淡季

    根據記錄,冬季嘅訪台遊客最少,特別係 11 月至 1 月期間。因東北季候風對台北嘅天氣影響唔大,台灣喺呢三個月嘅降雨量相當少 (每月只有 73 毫米),但氣溫都較低,1 月份平均溫度大概得 16°C,再加上濕度較高,體感溫度更似係 6°C,同一般溫帶氣候無異。

    台北既有 2 大旅遊旺季,亦自然有 2 段淡季—喺「鬼月」期間,台北嘅機票同酒店價格往往最低,因為全國民眾都喺度準備盛大儀式,認為外遊不吉利,所以國內遊客唔多。「鬼月」以農曆作準,確切開始日期每年都唔同,但通常都喺 8 月底至 9 月初,屆時仍有高達 30°C 嘅夏季熱浪,同埋每月 300 毫米以上嘅季候風降雨量。

    開始計劃行程

    Maps