台灣手信種類超多,琳瑯滿目,數都數唔到嘅購物商場、商業特賣場同夜市都有賣唔同嘅手信,選擇多到好難抉擇!身處喺夜市,食品同小飾物係最熱門嘅選擇;就算您無辦法將新鮮水果帶返屋企,亦可以選擇買下蜜餞,保存更長時間,送禮或自己食都一流。

    如果想買更加精緻嘅手信,不妨買下玉石送畀自己;水晶亦係唔錯嘅選擇,將水晶手鐲或耳環送比摰愛,相當得體;陶器同陶瓷都係一流嘅擺設,而手繪作品更係令人賞心悅目!

    1

    蛋糕和糕點

    鍾意食甜品嘅話,點可以唔買啲台灣至正至好味嘅蛋糕和糕點返屋企?當中,必買之選包括台灣「太陽餅」,太陽餅造型精美,味道甜甜地,餅皮鬆鬆脆脆,而且仲好飽肚添!綠豆糕係素食人士嘅至愛甜品;而鳳梨酥就深受大人小朋友歡迎。

    台灣幾乎每個角落都有蛋糕、糕點和餅乾店,不過遠近馳名嘅金門花生糖,就只有金門島先買到。

    • 伴侶
    • 家庭
    • 購物
    2

    蜜餞

    蜜餞係醃製水果,材料可以用芒果、布冧、棗、菠蘿或其他生果,蜜餞甜、酸、鹹味都有,睇見都已經令人流口水!蜜餞通常按重量出售,有啲會預先包好一袋袋。係夜市、購物中心和路邊舖頭,一般都可以買到蜜餞,

    幾十款五顏六色嘅水果乾擺係眼前,未食已經令人心花怒放,唔知買邊包好。

    • 家庭
    • 購物
    • 品嚐美食
    3

    電腦和周邊電子產品

    如果你想搵特定型號嘅電腦或小型家電,大部分很大機會係台灣買得到,雖然價錢未必最抵,不過你可以搵到其他地方未見過嘅款式型號。台北市有好多電器連鎖店,你想買嘅產品呢度都可能搵到,去台北旅行不妨嚟尋寶掃貨。

    • 家庭
    • 購物
    4

    海味

    就算無辦法將新鮮海產由台灣帶返屋企,你都可以係街市買啲海味,等你返到屋企都可以回味下台灣風味!台灣到處都有賣海味,曬乾左嘅魚、蝦和海參都會包裝好出售,大部份價錢都經濟合理,離開台灣前記得買返幾包做手信。

    • 家庭
    • 購物
    • 品嚐美食
    5

    玻璃

    玻璃藝術係台灣非常流行,精緻嘅口吹玻璃工藝品都係唔錯嘅手信,送禮自用都啱洗,雖然價錢偏貴,不過勝在外觀精美,手工仲好細緻,真係物有所值。玻璃藝術品咁矜貴,上機之前,記得包好呢啲戰利品,萬一爛左就肉赤喇!

    不妨搵下類似琉園呢類口碑唔錯嘅玻璃手工藝製造商,品質絕對有保證;琉園呢個品牌已經衝出亞洲,係世界各地都設有櫃台和門市。

    • 家庭
    • 購物
    6

    手工藝品

    台灣嘅傳統和文化手工製品多不勝數,買啲做手信送俾親友最適合不過!從手繪紙扇、油畫、木雕、中式戲曲面具、茶具以至手偶公仔,產品琳瑯滿目,樣樣都咁有特色,真係想買哂佢地返黎。

    台灣各地嘅市場和商店都有賣手工藝品,其中苗栗縣嘅三義鄉,盛產一流木雕,得閒可以去嗰度買件心頭好。

    • 家庭
    • 購物
    7

    墨硯

    台灣嘅雕刻墨硯款式繁多,形狀和尺寸各有不同,除左墨硯,你仲可以為自己和摯愛買返個私人訂製嘅刻名圖章,呢啲圖章非常襟用,可以係紙上印你個大名,大方又得體,攞黎做手信真係無得頂!

    • 家庭
    • 購物

    相片由 ink stone 提供 (CC BY-SA 2.0) 經修改

    8

    玉器

    一般人認為玉器一定貴到無倫,其實只要識門路,你都可以輕易買到價錢實惠嘅玉器。玉戒指、玉石和玉雕係台灣各地都有出售,不過一定要驗明正身,提防買左假貨受騙,建議你只去信譽良好嘅商店買。

    台北嘅建國玉市係搜羅玉器嘅最佳地點,呢度嘅玉器有平有貴,你可以就著自己 budget 慢慢尋寶;玉製手鈪或護身玉器都係送禮嘅好選擇。

    • 家庭
    • 購物

    相片由 Jirka Matousek 提供 (CC BY 2.0) 經修改

    9

    紙遮和燈籠

    紙遮和燈籠都係價格實惠嘅禮品,好多遊客都會係離開台灣之前大手掃貨!紙遮和燈籠外觀精美,而且大多數係手繪和人手製造,所以成為唔錯嘅手信恩物。為免整爛,你可以將不同形狀、大小和顏色嘅燈籠平放係行李喼裡面。

    高雄美濃區是購買紙傘的好地方;而彰化縣鹿港鎮則是購買紙燈籠的不二之處。

    • 伴侶
    • 家庭
    • 購物
    10

    陶瓷

    陶器素被視為遊台旅客的必買手信,原因顯而易見—因為呢啲陶瓷唔單至造工精緻,仲好啱放係屋企做裝飾物,所以一直以黎咁受歡迎。台灣好多地方都有陶瓷博物館和工作坊,大部分位於市外郊區和鄉村;

    島上各地幾乎都有陶瓷師傅,你可以買到師傅親手製作嘅土製陶瓷或者簡約純色陶瓷,全部都好靚仲好有特色添。想搜羅精緻陶瓷茶壺,就要嚟到台北鶯歌區行一轉喇!

    • 家庭
    • 購物

    相片由 Jirka Matousek 提供 (CC BY 2.0) 經修改

    11

    紹興酒和高粱酒

    紹興酒和高粱酒係台灣數一數二嘅烈酒,世界各地嘅旅客係大城市食玩買夠之後,很多都會專程去南投縣行下玩下,南投縣有釀製靚酒嘅重要條件,就係純淨清甜嘅泉水,難怪當地出產嘅紹興酒和高粱酒一直咁受歡迎。

    呢啲酒唔單止香醇,仲包裝精美,好適合買嚟送俾親戚朋友。有人話紹興酒和高粱酒最啱攞嚟煮餸,帶出餸菜嘅獨特風味。

    • 家庭
    • 購物

    相片由 shuets udono 提供 (CC BY-SA 2.0) 經修改

    12

    台式香腸

    嚟到台灣夜市,最常見嘅台灣小食就係台式香腸,好多夜市攤檔都有賣台式香腸。台式香腸同熱狗腸嘅分別,在於佢用肥豬肉和豬油製成,通常帶有甜、辣和鹹味,台式香腸通常一串串咁賣。如果你想買啲台式香腸返屋企,可以係超市買包好嘅急凍香腸。

    • 家庭
    • 購物
    • 品嚐美食

    相片由 Brian Jeffery Beggerly 提供 (CC BY 2.0) 經修改

    13

    茶葉

    台灣喝茶文化非常流行,市面上仲有各式各樣嘅茶葉禮盒和手信。想試飲不同種類台灣茶葉嘅話,例如馳名遠近嘅台灣烏龍茶,可以買預先包裝好嘅茶包或袋裝茶,方便係屋企隨時沖泡一杯慢慢歎。台灣每種茶葉都別具特色,散發獨特嘅味道,有啲茶味苦澀,有啲飲完令人有醉醉地嘅感覺。

    台灣大部分茶莊和舖頭都有賣各式各樣嘅茶葉,其中出產自阿里山嘅烏龍茶,無論係品質甚或價錢都係 No.1,烏龍茶口感輕盈,不過餘韻無窮,令人再三回味。

    • 家庭
    • 購物

    相片由 Carrie Kellenberger 提供 (CC BY-SA 2.0) 經修改

    14

    傳統服裝和時尚布袋

    好多遊客都鍾意搜羅台灣出品嘅優雅長衫或旗袍,如果你都對旗袍情有獨鍾,就要把握機會,上機之前買多幾件!旗袍都有分傳統和時尚款式設計,無論邊種款式,多數都由熟手裁縫師傅縫製,以上乘手工突出女性嘅典雅美態。

    女士們想為一身打扮配襯最時尚的手袋嗎?永勝布袋就是你的最佳選擇,呢個品牌嘅布袋係台南和其他主要城市都可以買到。

    • 伴侶
    • 購物
    Ben Reeves | 旅遊常客

    開始計劃行程

    Maps