台北有 2 個機場,其中一個比大部分國際抵境航班用,另一個就主打台灣境內航線。喺正市中心嘅台北松山機場係 2 個機場中較舊嘅一個,已經無發展空間,面對旅遊業急促發展,難免無辦法應付得到。所以當地政府將國際航班調到喺市外嘅台灣桃園國際機場,又建設咗高速交通網絡,連接機場同市中心。

    台北貴為發展成熟嘅旅遊勝地,市內機場當然配備大量設施,方便旅客入境同離境,同時採用現代化時尚設計,配備清晰標誌,而職員都好樂意提供協助。另外,2 個機場都有多間舒適嘅機場酒店,旅客可以選擇入住,貼心周到。

    1

    台灣桃園國際機場

    台灣桃園國際機場 (TPE) 係遊覽台北同島嶼北部遊客嘅主要通路,呢個機場係全球最繁忙嘅客運機場之一,2 座客運大樓每年接待近 3,600 萬人,貨運量超過 208 萬噸,亦係台灣國企中華航空、同埋私營長榮航空嘅據點,另有營運往返東南亞、大洋洲、北美、以至歐洲同中東部分地區嘅直航航班。

    相片由 lienyuan lee 提供 (CC BY-SA 3.0) 經修改

    2

    從桃園機場到台北

    截至 2006 年 9 月,台灣桃園國際機場仍稱為蔣介石國際機場,機場位於台北以西 40 公里外,可透過多種便捷交通工具直達市中心。機場內 2 座客運大樓都設有多間租車公司,咪錶的士全日 24 小時提供服務,從機場到台北市中心嘅車程約需 TWD1,250,當中包括 15% 嘅附加費。

    幾間巴士公司亦有營運駛入台北嘅路線,車程約一小時,只需 TWD125 車費,即可通往市內各個目的地;而機場另有營辦穿梭巴士服務,車費僅只係 TWD30,就會帶你前往最就近嘅高鐵站:台灣高鐵桃園站。由高鐵站往台北進發,單程票價為 TWD175,車程僅需 20 分鐘。最後,機場同桃園捷運網絡相連,可直達台北車站。

    相片由 Littlebtc 提供 (CC BY-SA 4.0) 經修改

    3

    桃園機場的設施

    喺保安檢查前、後,你都有多個餐廳選擇,當中包括快餐店、咖啡廳、酒吧,同埋台式食肆、中菜館同西餐廳。免稅店種類廣泛,涵括一系列精品店同本地品牌,出售紀念品、珠寶、服裝、書籍、酒類同煙草產品等等,主要集中喺離境區。機場內 2 座客運大樓都開設咗銀行分行,並提供自動櫃員機同貨幣兌換服務。大樓內仲設有航空博物館、醫療中心、髮型屋、按摩服務室、祈禱室、淋浴設施同托兒所/遊戲室。

    地點: 33758 台灣桃園市大園區航站南路 9 號

    電話: +66 (0)3 273 3728

    4

    台北松山機場

    台北松山機場 (TSA) 位於市中心北部,官方名稱為台北國際機場,因為有限設施唔足以應付旅客遞增需求,所以大部分主要國際航班早喺 1979 年已轉至規模較大嘅桃園機場營運。松山機場仍然係國內同區內嘅重要旅遊樞紐,

    亦係華信航空、以及興航空同立榮航空等廉航嘅據點,有營辨航班往返台灣群島,以至中國大陸、日本同南韓等地方。由於台灣高鐵快速高效,符合成本效益,所以好少人選擇乘搭內陸航機,穿梭台灣各大機場之間。

    5

    由松山機場到台北市中心

    台北松山機場部分區域屬中華民國空軍基地,營辨總統同副總統專機;而民用區域就設有 2 棟客運大樓,每年接待 600 多萬名乘客,處理 43,500 噸貨物。遊客可經由幾條巴士線路或捷運文湖 (啡色) 線,直達松山機場捷運站,由市內唔同地方前往機場;而入境大堂內有幾間店舖提供租車服務,你亦可以喺外頭的士站直接截車,穿梭台北市內各區,車費一般都係低過 TWD250。

    相片由 玄史生 提供 (CC BY-SA 3.0) 經修改

    6

    松山機場嘅設施

    松山機場嘅餐飲選擇有限,主要包括快餐店同咖啡廳,而國際客運大樓就設有台式食肆。機場內嘅購物設施同樣唔多,內陸客運大樓只有一間便利店,國際客運大樓就設有幾間精品店同免稅店;其他設施包括幾間銀行門市、貨幣兌換店、托兒所同貴賓休息室。內陸客運大樓頂樓嘅觀景台專為「飛機發燒友」而設,可以俾你飽覽機場跑道嘅絕美景色。

    地點: 10548 台灣台北市松山區敦化北路 340-9 號

    電話: +886 (0)2 8770 3460

    相片由 玄史生 提供 (CC BY-SA 3.0) 經修改

    Ben Reeves | 旅遊常客

    開始計劃行程

    Maps