艋舺龍山寺建築風格富麗堂皇,充滿地道特色,成個建築群都保存得好完整。呢座寺喺 1738 年由嚟自中國福建嘅移民出資興建,歷經咗多次地震同戰亂,一直進行擴建、翻新同重建工程。所以我哋今日睇到嘅大部分寺廟建築物都係喺 20 世紀係成,但係佢嘅建築風格仍然貫徹咗艋舺龍山寺嘅原型,氣勢絲毫不減。

    台灣寺廟供奉「儒釋道」神明嘅做法好常見,艋舺龍山寺亦供奉咗佛教同道教神祗,包括觀音菩薩同媽祖。寺內香火鼎盛,行過供奉唔同神明嘅神龕、聽下僧侶同信眾誦經嘅聲音,不失為獨特難忘嘅參觀體驗。想聽僧侶誦經嘅話,最好喺 06:00 或 17:00 嚟到達寺院。專程嚟到艋舺龍山寺祈福參拜嘅信眾絡繹不絕,而寺廟歡迎遊客影相,不過就要尊重其他訪客。艋舺龍山寺內保存咗好多藝術品,亦收藏咗優秀書法墨寶同馬賽克藝術品,佢最令人難忘嘅特色就係寧靜。

    龍山寺喺正萬華舊城區,距離西門捷運站只係好短路程,方便又易搵。寺內精品店賣超級多嘅得意紀念品,但價錢高過附近嘅廣州街觀光夜市同華西街夜市。龍山寺無入場費,歡迎信眾捐錢,畀寺廟可以用來做保養。

    艋舺龍山寺

    地點: 萬華區廣州街 221 號

    開放時間: 06:00 到 22:00

    電話: +886 (0)2 2302 5162

    Ben Reeves | 旅遊常客

    開始計劃行程