台南市喺台灣係歷史最悠久—荷蘭統治台灣嘅時代結束後,台南就成為咗呢個島嘅行政中心,由 1662 年到 1887 年一直都係咁;到咗 20 世紀初,日本人大力推動台南都市重建同規劃,先至令到呢個城市由當時起發展成為歷史色彩好濃厚嘅旅遊勝地。

    按照亞洲城市標準嚟講,台南規模較細,但同時保留咗小鎮風情,而呢個亦係台北人將台南視為「農村」嘅原因。宜家,呢座城市以其寺廟、堡壘、「古早味」小食同傳統生活方式全世界出名—根據數據顯示,台南市內有 500 多間道教同佛教寺廟,統統保存得好好,反映咗呢個城市以前點樣風光。

    1

    最佳旅遊時節

    台南屬於亞熱帶氣候,冬季乾燥和暖,降雨量唔多,又以 11 月、12 月、3 月同 4 月為最佳觀光時節。每年 1 月至 2 月,台南嘅溫度通常會降至 10°C 以下,請務必帶備大量保溫衣服,又或者考慮重新安排行程。

    另一方面,台南喺 5 月至 6 月就會踏入夏季,炎熱潮濕,夏日氣候一直持續到 10 月中旬,全季暴雨連連,亦經常有颱風喺附近形成,可能會嚴重影響你嘅旅遊行程。

    2

    台南市內交通

    台南公共交通唔算方便,市內極少巴士,亦無捷運系統,而且的士只會喺全市最繁忙嘅地區行駛。如果你唔識講國語,遊覽台南未必係一件易事,

    咁就不妨租架車,盡享私人觀光行程啦!如果你持有駕駛執照,租用電單車嘅費用每日只需 NT$400,實惠又實用!喺台南開車,務必格外小心—根據當地駕駛法例,如果你不慎喺行車期間傷及途人,必須賠償全額醫療復康費用。

    開始計劃行程

    Maps