高雄係台灣最重要嘅城市之一,喺正西南部,擁有 11 個地區,人口密集。自從高雄喺 2009 年舉辦世界運動會,接待 105 個國家/地區總共 4,800 個運動員嚟參賽後,就變得更加出名。呢個城市全日都陽光普照,夜晚仲有無數「大排檔」同夜市,等你嚟光臨。

    市內被人叫做台灣「海港之都」嘅高雄港係世界第六大貨運港,固然亦都係全台灣最大嘅貨運海港;而高雄國際機場就係台灣第二大機場,開辦咗唔少重要嘅國際航班。

    1

    遊覽高雄嘅最佳時節

    高雄位於北回歸線以南,擁有熱帶氣候,日間平均溫度約為 25°C,夜晚則相對涼快舒適,而雨季主要集中喺 6 月、7 月同埋 8 月。

    12 月係海外遊客觀光嘅高峰期,大部分人都受新年慶祝活動吸引而至—如果你計劃喺呢段期間遊覽高雄,記得提前訂齊各種門票,先可以保證獲得「超筍」優惠。高雄全年氣候宜人,並無所謂「最佳」觀光時節。

    不過,天氣確實會影響附近海灘嘅狀況—其中,西子灣海灘同埋旗津島海灘都極具人氣,你可以乘坐公共巴士輕鬆抵達。到海灘暢泳絕對係當地熱門玩樂活動;雖然海灘全年開放,但只有 5 月至 10 月先可以俾遊客落水。

    2

    高雄市內交通

    想要遊遍高雄內外,實在簡單便捷—高雄國際機場來往台北嘅航班非常頻密,預訂機位從來都唔成問題;高鐵全日有多班列車往返台北,車程僅需約 2 小時;

    而高雄市嘅地鐵系統稱為「高雄捷運 (KMRT)」,分為 2 條線路 (如果將相關輕軌線都計算在內,則總共有 3 條線),全市共設 45 個捷運站,而且有更多捷運站都喺興建計劃之中。乘坐捷運遊覽,相當經濟實惠—如果你打算多次乘搭捷運,仲可以選擇購買預付卡!為咗方便外國遊客,高雄捷運分別提供英語同國語廣播。

    相片由 Ken Marshall 提供 (CC BY 2.0) 經修改

    3

    踩單車

    高雄係著名嘅單車製造中心,市內有眾多單車租賃服務點,大部分捷運站都有單車出租,更可以俾你踩到其他任何捷運站還車,盡享方便自在嘅單車旅程。

    安坐單車之上,鄰近地域以至舊城區皆任你遊歷,市內地勢大致平坦;而沿住愛河河畔踩單車,更可以俾你放鬆身心,強身健體。高雄及周邊地區均有優美宜人嘅綠化地帶,踩單車前往遊覽,正係近距離接觸大自然嘅好方法!

    相片由 Nagono 提供 (CC BY-SA 3.0) 經修改

    4

    散步

    漫步高雄街頭,唔單住係喺市內觀光嘅最佳方式,仲可以俾你有更多時間細賞該市嘅美景同特色!各大景點之間距離唔算太遠,徒步遊歷,即可發掘平日難以察覺嘅小城風情。

    5

    高雄燈會

    如果你咁啱喺農曆新年慶祝活動期間 (1 月中旬至 2 月中旬) 抵達高雄,就有機會參加愛河河畔舉行嘅高雄燈會啦!呢場燈會唔單止點亮傳統燈籠,仲會呈獻眾多台灣美食、文化表演、現場音樂表演同埋文化音樂會,等你探索。

    相片由 Chi-Hung Lin 提供 (CC BY-SA 2.0) 經修改

    開始計劃行程

    Maps