只要嚟台北一遊,你就可以領略整個台灣島與眾不同嘅各種特色。宏偉嘅政府大樓、莊嚴嘅紀念館、世界一流嘅博物館,同埋美麗鄉郊中雲霧繚繞嘅山脈,各種令人驚嘆嘅美麗景色都喺離酒店唔太遠嘅地方。

    遊台北嘅方式多籮籮,以下係我哋嘅特別推介。不妨瀏覽以下建議,先了解各種行程選擇。

    1

    台北市精華遊

    遊覽需時:3 小時

    遊覽完台北幾個熱門景點,就可以快速咁認識呢座城市同埋佢喺中國歷史上嘅獨特地位。參觀自由廣場嘅時候,你可以睇到國立中正紀念堂嘅儀隊交接儀式;之後前往紀念革命烈士嘅忠烈祠參觀紀念碑。最後一站係參觀故宮博物院,呢度展出世界上最精美嘅中國文物收藏之一。睇多啲資料…

    2

    台北夜景遊兼鼎泰豐晚餐

    遊覽需時:3 小時 50 分鐘

    在台灣最有名嘅餐廳之一用餐,兼欣賞台北燈色燦爛嘅夜景。你嘅導遊會帶你去參觀歷史悠久、設計精美絕倫嘅龍山寺,然後喺蛇街漫步,感受台北市最古老夜市嘅氣氛。然後去鼎泰豐品嚐令呢間餐館舉世知名嘅小籠飽。睇多啲資料…

    3

    台北 101 觀景台

    遊覽需時:1 小時多

    從世界上其中一座最高嘅建築欣賞風景,飽覽台北市整個地貌。這座台北市地標嘅摩天大廈較周圍建築高出四分之一英里,為你提供真正嘅無敵全景。大廈內有世界上最快嘅電梯之一,可以喺 37 秒內將你送到超過 383 公尺高處。觀景台有強勁望遠鏡可遠眺周圍景色,你仲可以觀摩一座專為穩定大廈而設嘅鐘擺巨型抗風減震器,並且細賞介紹這座宏偉建築嘅一系列展品。睇多啲資料…

    4

    士林和北投徒步私人導嘗遊

    遊覽需時:8 小時

    行程結合士林嘅美味糕點文化,同埋北投熱氣騰騰嘅溫泉,更會到台北北部風景名勝區漫步。第一站係參觀郭元益糕餅博物館,你可以係呢度嘗試親手製作台灣鳳梨酥,然後去北投溫泉博物館,了解一下呢處著名嘅溫泉池背後嘅故事。當然,你亦可以探索青蔥鬱綠嘅北投公園,同埋參觀溫泉度假村,享受在温泉浴中放鬆身心。睇多啲資料…

    5

    九份村和東北海岸之旅

    遊覽需時:4 小時

    沿著滿佈岩石嘅海岸去到台北市外不遠嘅山區,會睇到台灣島完全唔同嘅另一面。前往座落於山坡上嘅九份村途中,不妨停下嚟觀賞沿岸由砂岩同珊瑚形成、奇形怪狀嘅岩石結構。抵達九份嘅時候就可遊覽著名嘅有蓋市場,同埋欣賞獨特景色。一邊品嚐茉莉花茶,一邊欣賞風景,據說電影《千與千尋》裡面嘅神秘景致就喺從呢處取得靈感。睇多啲資料…

    6

    七星山遠足

    遊覽需時:7 小時

    攀登台北最高嘅山峰,沿途穿越鬱蔥嘅山嶺,同埋飽受強風肆虐嘅荒野,仲可以俯瞰台北景致。呢個睡火山位於陽明山國家公園嘅中心地帶,最高海拔 1,120 公尺,比台北 101 嘅尖頂仲要高得多,四周有樹林、滿佈高聳竹樹嘅田野,同埋豐富而多姿多采嘅野生生物。登山途中,可睇到熱氣騰騰嘅火山噴氣孔,仲有日式浴場。到達山頂後,就可以欣賞到台北市景色,同埋遠處嘅海洋美景。睇多啲資料…

    7

    貓空纜車和品茶之旅

    遊覽需時:9 小時

    進入貓空山嘅絕妙旅程會帶你進入台灣產茶業嘅中心點,你仲可以品嚐各款靚茶。你可以參觀島上最大嘅茶園之一,欣賞遼闊嘅梯田同埋千島湖蜿蜒嘅岸邊,仲可以參觀古舊嘅茶館,學識點樣浸泡一壺完美嘅靚茶。最後乘坐貓空纜車結束開心嘅一天,喺登上最高峰嘅途中,可以欣賞到絕妙嘅壯麗風景。睇多啲資料…

    8

    探索客家文化之旅

    遊覽需時:9 小時

    參加呢個台灣客家文化之旅,你會認識到傳統美食、靚茶同埋熱情好客嘅民風。行程中會參觀台灣最大嘅傳統客家市場,沿著北埔老街觀光同品嚐美食,仲可以親手試做製傳統擂茶,了解台灣第二大族裔背後嘅獨特故事。最後嘅節目係親手摘時令水果,仲可以帶些台灣本土風味食品返回酒店。睇多啲資料…

    9

    萬華區和剝皮寮老街私人導賞遊

    遊覽需時:4 小時 30 分鐘

    這趟旅程會帶你穿越台灣一啲歷史最悠久嘅地區,行程重點係古老嘅地標同埋著名嘅旅遊勝地。你嘅私人嚮導會帶你參觀昔日城中最富有嘅家庭之一嘅莊園 (現在已變成星巴克店),還有一座 18 世紀嘅廟宇,仲會去到剝皮寮老街,看看街道兩旁歷史可追溯到清朝、但保存完好嘅建築。之後去一家專賣本地美食已有 60 多年歷史嘅餐廳用餐,並且追憶一下呢個城市所經歷過嘅變遷。睇多啲資料…

    10

    夜市之旅

    遊覽需時:2 小時

    去到熱鬧繁華嘅寧夏夜市,貼地了解台北嘅最佳美食。呢個行程會為你提供一個專業嚮導,可以帶著你喺人群中穿插,仲會喺衆多間咖啡館同埋攤檔之中搵到味道最好嘅帶你去試。從新鮮海鮮到甜芋圓,你會嚐到多采多姿、令你畢生難忘嘅各款台灣美食。睇多啲資料…

    開始計劃行程

    Maps