我哋嘅台北購物好去處名單精選咗市內各地嘅唔同商店,比您作為參考。台北主打時尚同商業,優質購物商場、市集同商店數量多到令人大開眼界;市內部分地區可以同西方嘅頂級購物街媲美,但係各類產品嘅價錢就好實惠,簡值系一絕!

    台北唔少購物熱點都分為唔同嘅主題專區,例如相機街、電器商場、服裝區,仲有專賣奇特鮮花同玉器嘅週末市場等。我哋嘗試喺市內最受遊客歡迎嘅地方,挑選咗最具代表性既地方,比您行街選擇。

    1

    ATT 4 Fun

    • 伴侶
    • 家庭
    • 購物

    ATT 4 Fun 百貨公司匯聚咗多個大型國際時尚品牌,同時設有多間頂級夜店,同埋可容納 500 人嘅場館。Zara、Che Che New York、Nami&Yami、GAP 等名牌服飾都進駐場內,時尚愛好者絕對不容錯過!

    行街行到肚餓?ATT 4 Fun 嘅五樓設有各式精緻餐廳,任君選擇;而你仲可以盡情採購別緻嘅家居用品同手工化妝品,實可以滿載而歸!

    地點: 110 台灣台北市信義區松壽路 12 號

    開放時間: 星期日至四 11:00 至 22:00;星期五至六 11:00 至 23:00

    電話: +886 (0)2 8780 8111

    地圖

    相片由 MiNe 提供 (CC BY-SA 2.0) 經修改

    • 伴侶
    • 家庭
    • 購物

    Bellavita 寶麗廣場定位為豪華購物商場,建築奢麗時尚,專售高檔零售商品。呢座建築物樓高 9 層,展顯古典風格,採用仿如大教堂嘅岩石結構同挑高樓底設計,而精選高級商店嘅數量就相對較少。

    呢個商場有 Vera Wang、Yohji Yamamoto、Giorgio Armani 和 Tiffany&Co 等知名品牌進駐;而 B1 樓就設有藝術畫廊同林寶堅尼跑車陳列室;最底層嘅 B2 樓就係美食廣場所在地,美食選擇無與倫比;較高樓層就有全市數一數二嘅頂級餐廳,等你大飽口福。

    閱讀更多資訊

    地點: 110 台灣台北市信義區松仁路 28 號

    開放時間: 每日 10:30 至 22:00 (星期五和星期六至 22:30)

    電話: +886 (0)2 8729 2771

    地圖

    相片由 玄史生 提供 (CC0 1.0) 經修改

    3

    微風廣場

    • 伴侶
    • 家庭
    • 購物

    微風廣場係坐落於復興南路嘅大型購物中心,從 B2 樓嘅超級市場一直延伸到 9 樓嘅戲院,中間各層開滿高、中檔知名商店,例如 Calvin Klein、Louis Vuitton、UNIQLO 同 Jimmy Choo 等,亦設有唔少餐廳,質素同價格同屬高、中檔範圍。

    微風中心係微風品牌旗下嘅明星;而微風二館同微風台北車站就主力喺市內其他地區為遊客送上相近購物體驗。

    地點: 105 台灣台北市松山區復興南路一段 3 號

    開放時間: 星期日至三 11:00 至 21:30;星期四至六 11:00 至 22:00

    電話: +886 (0)2 6600 8888

    地圖

    相片由 Solomon203 提供 (CC BY-SA 3.0) 經修改

    4

    京華城購物中心

    • 伴侶
    • 家庭
    • 購物

    京華城購物中心 (簡稱京華城) 前門嘅 11 層花崗岩球形建築享負盛名,即使喺遠處都可以一眼看出。呢座商場係名副其實嘅「城中城」,樓高 12 層,另設地底 7 層,

    亦係 Mira 百貨公司所在之處,佔地廣闊,專售優質時尚名牌產品。另一方面,商場坐擁各式各樣嘅餐廳、一座大型戲院、同埋面積廣達 1,650 平方米嘅護理同化妝銷售專區;而位於 1 樓嘅鞋廊亦特別令人印象深刻,同樣佔地 1,650 平方米,有超過 10,000 款鞋履任君選擇;如果試鞋試得太攰,仲可以喺同一層嘅足部 SPA 水療中心舒展吓。

    地點: 105 台灣台北市松山區八德路四段 138 號

    開放時間: 星期日至四 11:00 至 21:30;星期五至六 11:00 至 22:30

    電話: +886 (0)2 3762 1888

    地圖

    相片由 Peellden 提供 (CC BY-SA 3.0) 經修改

    5

    迪化街

    • 家庭
    • 購物

    位於大同區嘅迪化街因熱鬧嘅新年市集而聞名—每逢農曆新年,成千上萬人湧到迪化街買裝飾品、禮品同食物等各種必需品;全年其他時間,街上嘅商店會以合理價格出售傳統商品,包括中藥、香枝、香料同手工藝品等。據說:呢條街係台北最古老嘅街道,好多商店因而置身華麗嘅歷史建築物內,倍添獨一無二嘅古早魅力。

    地點: 103 台灣台北市大同區迪化街一段

    地圖

    相片由 Chi-Hung Lin 提供 (CC BY-SA 2.0) 經修改

    6

    誠品生活

    • 伴侶
    • 家庭
    • 購物

    呢間誠品生活店樓高 4 層,以極受歡迎嘅誠品書店為核心,周圍都開滿精品店,出售文創商品,當中包括二樓專售嘅獨特手工藝品,同埋一樓嘅高檔時裝產品。

    三樓名為「書卷沏」,亦係書店嘅所在地,仲設有各式各樣嘅咖啡店;B2 樓仲開設咗出色嘅美食廣場、藝術畫廊同表演廳。誠品生活毗鄰松山文創園區,正係探索台北別樹一幟文化氛圍嘅好地方。

    地點: 110 台灣台北市信義區菸廠路 88 號

    開放時間: 每日 11:00 至 22:00

    電話: +886 (0)2 6636 5888

    地圖

    相片由 Taimall 提供 (CC BY-SA 4.0) 經修改

    7

    遠東 SOGO 百貨

    • 伴侶
    • 家庭
    • 購物

    遠東 SOGO 百貨公司高 14 層,樓面廣闊,坐擁眾多知名品牌,主打時裝產品,貨色數之不盡,由童裝、運動裝備、內衣到配飾不等,種類繁多,要買咩都應有盡有!

    最底層 (B2 樓) 設有超級市場,頂樓 (12 樓) 就設有活動大廳,而 11 樓仲有各種各樣嘅餐廳。如果你幫屋企人搵緊買衫好地方,呢度就係你喺台北市嘅必到之處。百貨公司同捷運忠孝復興站直接相連,位置方便。

    地點: 10691 台灣台北市大安區忠孝東路四段 45 號

    開放時間: 星期一至五 11:00 至 21:30 (星期五營業至 22:00);星期六 10:30 至 22:00;星期日 10:30 至 21:30

    電話: +886 (0)2 2776 5555

    地圖

    相片由 Solomon203 提供 (CC BY-SA 4.0) 經修改

    8

    光華數位新天地

    • 伴侶
    • 家庭
    • 購物

    光華數位新天地係專售二手電腦同書籍嘅「跳蚤市場」,位於中正區同大安區交界,樓高 6 層,遊客可以用合理價格買到 CD、電腦零件同其他電子產品。商場頂層設有唔少電腦維修店,維修師傅會幫你部舊電腦起死回生。正因場內競爭非常激烈,所以有好大的講價空間,不妨試下殺價!

    地點: 100 台灣台北市中正區市民大道三段 8 號

    開放時間: 每日 10:00 至 21:00

    電話: +886 (0)2 2391 7105

    地圖

    相片由 Wpcpey 提供 (CC BY-SA 4.0) 經修改

    9

    華西街夜市

    • 家庭
    • 購物

    華西街夜市有「蛇街」之稱,以超乎尋常嘅獨特食品聞名,並喺台北萬華區提供耳目一新嘅購物體驗。呢度嘅特色名物包括鹿陰莖、龜睾丸、蛇肉同蛇血,而夜市嘅花名正正嚟自蛇肉店。另一方面,含有中草藥同藥材嘅菜餚都深受歡迎。

    夜市入口有一道傳統中式大門,將各種奇特攤檔同商店匯聚埋一齊,深受遊客推崇。華西街夜市附近規模較細嘅廣州街夜市同梧州街夜市,而龍山寺名勝亦喺附近,令呢度成為遊覽台北舊城區嘅理想第一站。

    地點: 108 台灣台北市萬華區華西街

    開放時間: 每日 16:00 至 00:00

    電話: +886 (0)2 2388 1818

    地圖

    相片由 LWYang 提供 (CC BY 2.0) 經修改

    10

    建國假日玉市和花市

    • 伴侶
    • 家庭
    • 購物

    建國假日玉市同花市位置喺高架橋下嘅停車場內,至今仍然係市內搜羅精緻手信嘅首選地方之一。顧名思義,市集每逢週末 (和假日) 營業,專售鮮花同玉器,包括手鈪同佛教飾品等,另有售賣各式小飾品同手工藝品嘅攤檔。身處市集,一眼望過去都係色彩繽紛、芬芳四溢嘅陳列品,相當受遊客同當地人歡迎;而毗鄰主市集嘅小型藝文特區都係大熱景點。

    地點: 106 台灣台北市大安區建國南路一段

    開放時間: 星期六至日 09:00 至 18:00

    電話: +886 (0)2 2720 8889

    地圖

    相片由 lienyuan lee 提供 (CC BY 3.0) 經修改

    11

    美麗華百樂園

    • 伴侶
    • 家庭
    • 購物
    • 拍照

    美麗華百樂園並非浪得虛名,唔單止坐擁全台灣高度數一數二嘅摩天輪,仲設有配備超大銀幕嘅戲院,同時又係一座大型購物商場,

    樓高共 6 層,吸引 Chanel、Roberta di Camerino、Montblanc 等中、高檔品牌進駐。有別於台北其他商場,美麗華百樂園除咗注重時裝外,仲售賣各種運動器材、玩具、配飾同化妝品,Food Court 亦相當出色。

    地點: 10491 台灣台北市中山區敬業三路 20 號

    開放時間: 每日 11:00 至 22:00

    電話: +886 (0)2 2175 3456

    地圖

    相片由 玄史生 提供 (CC BY-SA 3.0) 經修改

    12

    寧夏夜市

    • 伴侶
    • 家庭
    • 購物

    寧夏夜市標榜古早台灣風味,俾人一種與眾不同嘅感覺,呢個夜市以傳統小吃聞名,如油炸芋頭球、蚵仔煎同帝王廣東粥等,統統價格相宜,深受旅客同當地人歡迎。

    夜市周圍仲有懷舊嘅街機景點,同埋千奇百怪嘅攤檔,值得去行下!呢條全長 300 米嘅夜市街喺台北算係歷史比較悠久,亦係辦年貨嘅好去處。

    地點: 103 台灣台北市大同區寧夏路

    開放時間: 每日 17:30 至 00:00

    地圖

    相片由 Felix Filnkoessl 提供 (CC BY-SA 2.0) 經修改

    13

    饒河街夜市

    • 伴侶
    • 家庭
    • 購物

    饒河街係台北最古老嘅夜市街,全長 600 米,自 1987 年開業以來,一直都係廣受歡迎嘅旅遊景點。通過入口處嘅裝飾拱門後,就可以見到各式各樣嘅商店同小食店,貨色應有盡有,從花多眼亂嘅食品同電器、遊戲、DVD、美容產品、服裝配飾,以至小型兒童遊樂場等等,都一應俱全。饒河街夜市深受民眾推崇,難怪成日都人頭湧湧!

    喺夜市入面,街頭小食就最具吸引力,你不時都會見到電視台攝製隊喺出售各式地道美食嘅小食檔拍攝烹飪節目。要數最具人氣嘅菜式,就非藥燉排骨、蚵仔麵線同辛辣臭豆腐莫屬!

    地點: 105 台灣台北市松山區饒河街

    開放時間: 每日 16:00 至 00:00

    電話: +886 (0)2 2763 5733

    地圖

    相片由 Gavin Anderson 提供 (CC BY-SA 2.0) 經修改

    14

    師大夜市

    • 伴侶
    • 家庭
    • 購物

    師大夜市位於國立臺灣師範大學後面,堪稱市內「至潮地帶」,以售賣時裝聞名。師大路附近嘅橫街開設咗好多攤檔同商店,當中唔少由年輕企業家經營,出售自家設計嘅特色產品;而且好多年輕音樂家都會成日嚟呢度賣藝,場內仲有各種當地傳統食品出售。師大夜市周圍都洋溢仿波希米亞式精緻風格,所以亦深受當地學生歡迎。如果你想搵與別不同嘅商品,喺師大夜市可能會有收穫!

    地點: 106 台灣台北市大安區師大路 39 巷

    開放時間: 星期一至五 18:00 至 23:30;星期六至日 14:00 至 23:30

    地圖

    相片由 Kinden Kuo 提供 (CC BY-SA 2.0) 經修改

    15

    士林夜市

    • 伴侶
    • 家庭
    • 購物

    士林夜市係台灣眾多夜市入面最大型、最出名嘅一個,成日都會逼滿當地人同遊客!夜市中央部分大多都有上蓋,免受天雨影響;而場內商店遍佈周圍街道,令成個區域都變成「平貨天堂」,

    當中又以紀念品、服裝、同埋超過 500 間小食檔所出售嘅美食最受歡迎。另一方面,你仲會搵到各式中國茶具、瓷器同埋陶器,你可以買啲返去當係有趣新穎嘅手信。一場嚟到台北,又點能夠錯過呢個燈火通明、充滿活力嘅夜市呢?

    地點: 111 台灣台北市士林區吉河路 101 號

    開放時間: 星期一至五 16:00 至 00:00;星期六至日 15:00 至 01:00

    地圖

    相片由 Doug Donaldson 提供 (CC BY 2.0) 經修改

    16

    新光三越百貨

    • 伴侶
    • 家庭
    • 購物

    喺台北嘅 4 間新光三越百貨入面,以台北站前店嘅面積最大,而且最受歡迎。呢間百貨公司位於新光大廈內,開設咗各式各樣嘅商舖,從廉價品牌到高級名牌都應有盡有。無論你想買咩都好,幾乎都可以喺呢度搵到。新光三越百貨台北站前店位處幾個交通網絡嘅核心,一定可以為你送上一站式完美購物體驗;而店內仲設有大型美食廣場,種類繁多嘅餐廳林立,美食任君選擇。

    地點: 100 台灣台北市中正區忠孝西路一段 66 號

    開放時間: 星期日至四 11:00 至 21:30;星期五至六 11:00 至 22:00

    電話: +886 (0)2 2388 5552

    地圖

    相片由 Tianmu peter 提供 (CC BY 3.0) 經修改

    17

    天母創意市集

    • 伴侶
    • 家庭
    • 購物

    天母創意市集位於眾多西方人聚居嘅台北郊區,所以大多店鋪都出售西式貨品,又以美食特別受歡迎,有數之不盡嘅環球佳餚雲集於場內攤檔以至周邊商店之中,琳瑯滿目!

    除咗食品之外,你仲會搵到各式各樣嘅服飾,以及佛教小雕像、骨瓷同玉飾等精品,其中好多都係二手貨。由於商戶毋須註冊營業,故市集內並無固定的商家組合,每個週末都獨一無二。

    地點: 111 台灣台北市士林區中山北路七段 2 號

    開放時間: 星期五 16:00 至 22:00;星期六 09:00 至 22:00;星期日 15:00 至 21:00

    電話: +886 (0)2 2876 1189

    相片由 Tianmu peter 提供 (CC BY 3.0) 經修改

    • 伴侶
    • 家庭
    • 購物

    台北 101 摩天大樓位於信義區核心地帶;而台北 101 購物中心就佔據大樓嘅最低幾層,囊括來自世界各地嘅名店,有時尚服飾店同高級餐廳,遍佈於 B1 美食廣場至 5 樓金融服務店同數碼產品店之間,諸如 French Connection、Armani Exchange 同 Versace 等名牌服裝精品店琳瑯滿目。購物中心多個地方採用流線形設計,以白色雲石裝飾,格局奢華。

    閱讀更多資訊

    地點: 110 台灣台北市信義區市府路 45 號

    開放時間: 星期日至四 11:00 至 21:30;星期五至六 11:00 至 22:00

    電話: +886 (0)2 8101 7777

    地圖

    相片由 Lord Koxinga 提供 (CC BY-SA 3.0) 經修改

    19

    台北地下街

    • 伴侶
    • 家庭
    • 購物

    台北地下街分為 3 個區,分別出售服裝、電子產品同食品,地下街前身為傳統市集,場內商品所以都比較便宜 (但係當然都有例外啦),而你仲會見到街頭音樂家當街演奏,仲可以到按摩店鬆一鬆。如果你係動漫愛好者,呢度嘅專賣店同攤檔實在不容錯過!

    地點: 100 台灣台北市中正區市民大道一段 100 號

    開放時間: 星期一至五 11:00 至 21:30;星期六至日 11:00 至 22:00

    電話: +886 (0)2 2559 4566

    地圖

    相片由 Solomon203 提供 (CC BY-SA 4.0) 經修改

    20

    五分埔商圈

    • 伴侶
    • 家庭
    • 購物

    五分埔專售服裝產品,甚至有「市內服裝區」之稱!正因場內貨品極之便宜,令五分埔而家被視為批發專區,大手買貨當然仲可以享額外折扣。

    呢度有超過 1,000 間商店,出售最新潮流服裝,無論大人細路都啱買,呢度比較多女裝、童裝同減價貨,但你都可以喺度搵到唔少男裝服飾。店舖所售嘅衣飾唔一定出自知名品牌,但大多都係頂級時裝,而且比名店區平好多。

    地點: 110 台灣台北市信義區永吉路 443 巷 9 弄

    地圖

    相片由 Chi-Hung Lin 提供 (CC BY-SA 2.0) 經修改

    Stephan Audiger | 旅遊常客

    開始計劃行程

    Maps