台北 3 大最好夜店

M Taipei 係台北嘅頂級拉丁音樂夜店，特別受外國人同海外學生歡迎，除咗熱播莎莎、爵士樂同加勒比音樂外，仲會播放出電音、流行曲同 hip hop 音樂。

呢間位於信義區嘅夜店入場費都算平，只係需要約 TWD300，價格包括任飲優惠；而店內仲不時舉辦「特別派對之夜」，只要帶備合適嘅身分證明文件，又或穿著得宜，即可獲享額外折扣優惠、免費飲品同特別獎品。呢間夜店充滿樂趣同活力，雖然好夜先開始營業，但係店外成日大排長龍，顧客年齡層極廣。

Box Nightclub 夜店外觀亮麗，內部裝潢簡約不華，由於師範大學就喺附近，而且經常播放 hip-hop 同 R&B 音樂，所以吸引好多學生同外籍人士幫襯。同台北市內大多夜店一樣，只須支付入場費 (男士約 TWD600；女士約 TWD350)，就可以盡情暢飲。Box Nightclub 並無信義區其他夜店嘅豪華裝潢，反而顯得平易近人，尤以場地面積較小，更會俾你一種親密感覺。

OMNI 前身係大受歡迎嘅夜店 Luxy，如今添上時尚外觀，就好似電影《電子世界爭霸戰 (Tron)》嘅場景一樣，店內四圍都係異國表演舞者同型格客群，熱門當代音樂響徹耳際。OMNI 由著名嘅 LOOP 製作公司經營，因此可以邀請到人氣 DJ 坐陣，成日舉辦大型派對。