台灣各區都有市場,而台北選擇之多特別令人大開眼界。台北嘅最好夜市超受歡迎,場內賣各種地道街頭小食,所以經常被視為美食天堂,而非購物熱點;講就係咁講,但個別市場最有名嘅並非小食,而係花多眼亂、獨樹一格嘅商品!

    台北夜市多到數唔到,而呢份台北最好夜市名單,就係宜家最受歡迎、最具特色嘅,一定可以比到您獨一無二嘅體驗。身處台北夜市,除咗買手信、「平平哋」解決一餐外,您仲可以投入熱鬧嘅社區氣氛、色彩繽紛嘅攤位,同埋同當地人有親切嘅互動。市場應有盡有,精彩無窮!

    1

    士林夜市

    士林夜市係台灣多個夜市中最大型、最著名嘅一個,成日都逼滿當地人同遊客!夜市中央部分大多都有上蓋,免受天雨影響;而場內商店遍佈周圍街道,令成個區域都變成「平貨天堂」,

    當中又以紀念品、服裝、同埋超過 500 間小食檔所出售嘅美食最受歡迎。另一方面,你仲會搵到各式中國茶具、瓷器同埋陶器,你可以買啲返去當係有趣新穎嘅手信。一場嚟到台北,又點能夠錯過呢個燈火通明、充滿活力嘅夜市呢?

    地點: 111 台灣台北市士林區吉河路 101 號

    開放時間: 星期一至五 16:00 至 00:00;星期六至日 15:00 至 01:00

    地圖
    • 家庭
    • 購物
    • 經濟實惠

    相片由 Doug Donaldson 提供 (CC BY 2.0) 經修改

    2

    饒河街夜市

    饒河街係台北最古老嘅夜市街,全長 600 米,自 1987 年開業以來,一直都係廣受歡迎嘅旅遊景點。通過入口處嘅裝飾拱門後,就可以見到各式各樣嘅商店同小食店,貨色應有盡有,從花多眼亂嘅食品同電器、遊戲、DVD、美容產品、服裝配飾,以至小型兒童遊樂場等等,都一應俱全。饒河街夜市深受民眾推崇,難怪成日都人頭湧湧!

    喺夜市入面,街頭小食就最具吸引力,你不時都會見到電視台攝製隊喺出售各式地道美食嘅小食檔拍攝烹飪節目。要數最具人氣嘅菜式,就非藥燉排骨、蚵仔麵線同辛辣臭豆腐莫屬!

    地點: 105 台灣台北市松山區饒河街

    開放時間: 每日 16:00 至 00:00

    電話: +886 (0)2 2763 5733

    地圖
    • 家庭
    • 購物
    • 經濟實惠

    相片由 Gavin Anderson 提供 (CC BY-SA 2.0) 經修改

    3

    師大夜市

    師大夜市位於國立臺灣師範大學後面,堪稱市內「至潮地帶」,以售賣時裝聞名。師大路附近嘅橫街開設咗好多攤檔同商店,當中唔少由年輕企業家經營,出售自家設計嘅特色產品;而且好多年輕音樂家都會成日嚟呢度賣藝,場內仲有各種當地傳統食品出售。師大夜市周圍都洋溢仿波希米亞式精緻風格,所以亦深受當地學生歡迎。如果你想搵與別不同嘅商品,喺師大夜市可能會有收穫!

    地點: 106 台灣台北市大安區師大路 39 巷

    開放時間: 星期一至五 18:00 至 23:30;星期六至日 14:00 至 23:30

    地圖
    • 伴侶
    • 家庭
    • 購物
    • 經濟實惠

    相片由 Kinden Kuo 提供 (CC BY-SA 2.0) 經修改

    4

    寧夏夜市

    寧夏夜市標榜古早台灣風味,俾人一種與眾不同嘅感覺,呢個夜市以傳統小吃聞名,如油炸芋頭球、蚵仔煎同帝王廣東粥等,統統價格相宜,深受旅客同當地人歡迎。

    夜市周圍仲有懷舊嘅街機景點,同埋千奇百怪嘅攤檔,值得去行下!呢條全長 300 米嘅夜市街喺台北算係歷史比較悠久,亦係辦年貨嘅好去處。

    地點: 103 台灣台北市大同區寧夏路

    開放時間: 每日 17:30 至 00:00

    地圖
    • 家庭
    • 購物
    • 經濟實惠

    相片由 Felix Filnkoessl 提供 (CC BY-SA 2.0) 經修改

    5

    華西街夜市

    華西街夜市有「蛇街」之稱,以超乎尋常嘅獨特食品聞名,並喺台北萬華區提供耳目一新嘅購物體驗。呢度嘅特色名物包括鹿陰莖、龜睾丸、蛇肉同蛇血,而夜市嘅花名正正嚟自蛇肉店。另一方面,含有中草藥同藥材嘅菜餚都深受歡迎。

    夜市入口有一道傳統中式大門,將各種奇特攤檔同商店匯聚埋一齊,深受遊客推崇。華西街夜市附近規模較細嘅廣州街夜市同梧州街夜市,而龍山寺名勝亦喺附近,令呢度成為遊覽台北舊城區嘅理想第一站。

    地點: 108 台灣台北市萬華區華西街

    開放時間: 每日 16:00 至 00:00

    電話: +886 (0)2 2388 1818

    地圖
    • 家庭
    • 購物
    • 經濟實惠

    相片由 LWYang 提供 (CC BY 2.0) 經修改

    Ben Reeves | 旅遊常客

    開始計劃行程

    Maps