台北 9 大最好當地餐廳

台北最熱門當地餐廳

    到餐廳食嘢,基本上係台北當地居民嘅日常活動。同西方社會相比,台北人相對少 D 自己煮飯,而係選擇出去享用款式又多、又經濟實惠嘅美食。所以多到數唔到嘅一流餐廳喺當地應運而生。

    好似下面咁講,個別頂尖餐廳供應嘅菜式好少,貴精不貴多;部分仲只提供 1 種美食出名,菜單只係推出果款菜式同埋變奏版本,就已足夠啦。講真果句,就連鼎泰豐呢類鼎鼎大名嘅名牌食店,都係由超簡樸嘅經營方式起家,難怪「獨沽一味」有時可以成為潮流指標!

    1

    阿宗麵線

    阿宗麵線創於 1975 年,現已成為西門町嘅熱點、遊客嘅必到之地。呢間路邊小食檔以軟滑麵線聞名—麵線放喺酸酸甜甜嘅肉湯之中,配埋柴魚、筍絲同鹽醃豬大腸一齊享用,風味獨特!

    店入面無 MENU,皆因「獨沽一味」;雖然係咁,阿宗麵線喺台北極受歡迎,令店外時時出現排隊人潮。排到頭位時,廚師會問你買細碗 (TWD50) 定係大碗 (TWD65),同埋想要咩辣度。阿宗麵線仲有 2 間分店,分別喺士林區同大安區,但西門町店既係元祖本店,亦係最出色嘅一間。

    地點: 108 台灣台北市萬華區峨眉街 8-1 號

    開放時間: 每日 09:00 至 23:00

    電話: +886 (0)2 2388 8808

    地圖
    • 伴侶
    • 家庭
    • 品嚐美食
    • 單人旅客

    相片由 Solomon203 提供 (CC BY-SA 4.0) 經修改

    2

    林東芳牛肉麵

    坊間好多麵店都宣稱自家牛肉麵係市內最 TOP 嘅牛肉麵,但係林東芳牛肉麵經常都出現喺「最佳牛肉麵店」名單之上,而且仲名列前茅。呢間路邊攤唔係好起眼,廚房仲面向街道,但係就能做出令人回味嘅好滋味。

    講開又講,牛肉麵係台灣料理入面最受歡迎嘅菜餚之一,台北仲會舉辦一年一度嘅「牛肉麵節」!而林東芳牛肉麵極受當地人歡迎,招牌菜係半筋半肉嘅牛肉湯麵—只需 TWD220,你就可以食到一大碗清爽牛肉配搭「煙韌」麵條,浸喺透亮清澈嘅辛辣肉湯之中,份外惹味!

    地點: 10491 台灣台北市中山區安東街 4-3 號

    開放時間: 星期一至六 11:00 至 02:00 (逢星期日休息)

    電話: +886 (0)2 2752 2556

    地圖
    • 家庭
    • 品嚐美食
    • 經濟實惠

    相片由 pingping 提供 (CC BY-SA 2.0) 經修改

    3

    士林夜市

    台北嘅夜市係大啖平價美食嘅好地方,廣受台灣人歡迎;士林夜市面積之廣、美食款式之多冠絕台北,場內嘅有蓋美食廣場一共設有超過 500 個食攤!雖然夜市內又逼又嘈,但係各式各樣嘅當地小吃同餐點實在令人難以抗拒,當中唔少仲係價廉物美,特別推介蚵仔煎、刈包同臭豆腐,平均只需低於 TWD150 嘅價錢,就可以享用豐盛一餐。

    地點: 111 台灣台北市士林區吉河路 101 號

    開放時間: 星期一至五 16:00 至 00:00;星期六至日 15:00 至 01:00

    地圖
    • 伴侶
    • 家庭
    • 購物
    • 品嚐美食

    相片由 Doug Donaldson 提供 (CC BY 2.0) 經修改

    4

    品鱻

    品鱻係台北最受歡迎嘅快炒餐廳,位處街邊,陳設簡單,但供應各種美食,主打油炸食品,價格大部分都係大約 TWD100。店家專營海鮮佳餚,著名菜式包括油炸墨魚嘴、黑胡椒蚵仔豆腐、辛辣蚵仔鯊魚湯等等;

    而呢度亦係台北人收工後「以啤酒會友」嘅好去處,所以成日都見到啤酒服務員匆匆忙忙咁幫手倒酒。正因品鱻人氣極旺,舖面已經延伸到兩邊,現時橫跨足足 3 個舖位!

    地點: 106 台灣台北市大安區樂利路 68 號

    開放時間: 每日 17:00 至 02:00

    電話: +886 (0)2 2735 8373

    地圖
    • 伴侶
    • 家庭
    • 品嚐美食
    • 經濟實惠
    5

    金峰魯肉飯

    魯肉飯係台北頂尖地道佳餚之一,而金峰炮製魯肉飯嘅出色程度,足以令呢個菜式成為店名嘅一部分!呢間街邊餐館裝修簡單,瓷磚牆上裝有風扇,狹窄店面逼滿廉價枱櫈,但佢嘅開放式廚房就可以做出公認為「全城最好味」嘅魯肉飯。一碗熱辣辣泛起油光、味道十足嘅招牌魯肉飯定價為 TWD25 至 TWD45 之間,具體價格視乎份量而定。你仲可以喺招牌魯肉飯上加啲配菜,可選魯蛋 (每個 TWD10) 同油豆腐 (每份 TWD20) 等。

    地點: 100 台灣台北市中正區羅斯福路一段 10 號

    開放時間: 每日 08:00 至 01:00

    電話: +886 (0)2 2396 0808

    地圖
    • 伴侶
    • 家庭
    • 品嚐美食
    • 單人旅客
    • 團體

    相片由 Blowing Puffer Fish 提供 (CC BY 2.0) 經修改

    6

    饒河街夜市

    如果士林夜市以數量取勝嘅話,饒河街夜市可以話係以質量取勝。饒河街全長 600 米,街上佈滿小食檔,不時有電視台攝製隊於鋪頭前拍攝烹飪節目,宣傳藥燉排骨、豬血糕、蚵仔麵線等當地流行小吃,咁嘅場面喺其他地方好少會見到。街道兩旁林立商店同餐廳,中間就有一排小食檔同座位;場內嘅小食都好平,只需 TWD100,就已經可以食到好飽。

    地點: 105 台灣台北市松山區饒河街

    開放時間: 每日 16:00 至 00:00

    地圖
    • 家庭
    • 購物
    • 品嚐美食
    • 經濟實惠

    相片由 Gavin Anderson 提供 (CC BY-SA 2.0) 經修改

    7

    永康牛肉麵

    喺台北,永康牛肉湯麵備受當地人推崇,店內食物風味簡約,但係價廉物美,只需約 TWD160,你就可以品嚐一大碗彈牙湯麵、鮮嫩牛肉配濃郁肉湯,而且仲有多種款式,任君選擇。

    除此之外,餐廳仲有供應蒸排骨等多種菜式,餐牌上除咗文字外,仲附有圖片,方便食客點菜。永康牛肉麵於 1963 年開業,可謂遠近馳名,想到店內食午餐或晚餐嘅話,請做好排隊等位嘅心理準備。

    地點: 106 台灣台北市大安區金山南路二段 31 巷 17 號

    開放時間: 每日 11:00 至 15:30 及 16:30 至 21:00

    電話: +886 (0)2 2351 1051

    地圖
    • 伴侶
    • 家庭
    • 品嚐美食
    • 經濟實惠
    • 單人旅客
    • 團體

    相片由 bryan... 提供 (CC BY-SA 2.0) 經修改

    8

    藍家刈包

    藍家嘅刈包據說係全台灣最好吃之選,店家嘅餐牌簡短 (一系列剔選清單,而且只提供中文版本),供應菜式包括肉粽、四神腸湯、肉焿麵線等,而你可以選擇豬肉的肥瘦程度,度身炮製符合心水口味的刈包。

    講開又講,刈包呢種傳統台式小吃極受歡迎,食客「大手入貨」都係等閒事!價格方面,藍家刈包每個盛惠 TWD50,買 10 送 1。店家本身係陳設簡約嘅街舖,廚房有如路邊攤檔,但係能夠巧手幻化豐腴滋味。

    地點: 100 台灣台北市中正區羅斯福路三段 316 巷 8 弄 3 號

    開放時間: 星期二至日 11:00 至 00:00 (逢星期一休息)

    電話: +886 (0)2 2368 2060

    地圖
    • 伴侶
    • 家庭
    • 品嚐美食
    • 經濟實惠

    相片由 竹筍弟弟 提供 (CC BY-SA 2.0) 經修改

    9

    Ice Monster 刨冰店

    Ice Monster 喺台北極具人氣,特別受台灣年輕人歡迎,以巨型刨冰山加上新鮮多汁芒果,為食客消暑。台北雖然有多間著名刨冰店,當中三數更獲冠上「必吃」美名,但唯獨係急速擴充嘅 Ice Monster 專營連鎖店最無可匹敵。店內有多種口味嘅刨冰可供選擇,而芒果冰就最受歡迎,視乎份量大小,一份價格由 TWD100 至 TWD200 不等。你認為當地人一般不會幫襯呢類連鎖店?咁你就大跌眼鏡啦!呢間設有 50 個座位嘅刨冰店成日都人頭湧湧,店外等位人龍不絕!

    地點: 106 台灣台北市大安區忠孝東路四段 297 號

    開放時間: 每日 10:30 至 22:30 (星期五和六至 23:30)

    電話: +886 (0)2 8771 3263

    地圖
    • 伴侶
    • 家庭
    • 品嚐美食

    相片由 T.Tseng 提供 (CC BY 2.0) 經修改

    Ben Reeves | 旅遊常客

    開始計劃行程

    Maps