可想而知,台灣菜好受中國傳統食品風格影響,尤其系中國大陸中南部省份嘅特色更為明顯,但同時亦受島上本土文化、同埋 50 年日治時期引入嘅日本風格影響,揉合出一系列獨特風味、少有咁混合唔同風格同超有創意嘅嶄新菜餚。

    我哋所列嘅台灣最好當地美食,好多都超級簡樸,所用食材唔多,製作過程又快又簡單,但部分材料就有 D 特別。即使系咁,呢 D 菜式大都好受歡迎同重視,有 D 仲成為當地美食支柱,支持所屬食店進軍東南亞同世界各地,成為國際出名品牌。大部分菜式只系賣緊 TWD50 到 TWD60,但高級美食價錢就可以高到 TWD10,000!

    1

    紅燒牛肉麵

    紅燒牛肉麵 (或簡稱「牛肉麵」) 喺台北大受歡迎,甚至每年都有「牛肉麵」節,頌揚呢道菜式!正因為咁,市內周圍都係專售呢款美味麵食嘅店舖,每間都宣稱自家口味最正。

    事實上,牛肉麵嘅做法非常簡單,只須將厚切小麥麵條或麵粉麵條放入牛肉湯中淥煮,再加入嫩切牛肉就得。最原初嘅牛肉麵版本並無添加香草或香料,只配搭幾條白菜,咁就足以增添口感同風味,喺中式食品中算係獨一無二。唔少牛肉麵檔都會喺暖心湯麵上加少少辣椒醬,食落就更辛香惹味。

    • 品嚐美食
    2

    小籠包

    呢啲一口大小嘅餃子正係著名連鎖餐廳鼎泰豐嘅招牌菜式,用如紙一樣透薄嘅外皮包裹著濃郁熱湯同嫩豬肉丸,簡樸得來口味一流,極受當地人同遊客歡迎,亦令植根台北嘅鼎泰豐餐廳享譽國際。

    無食過鼎泰豐小籠包,又點算去過台灣?食嘅時候唔好食得太急,最好先攤凍一下湯汁,以免辣親條脷!

    • 品嚐美食
    3

    鳳梨酥

    鳳梨酥堪稱台灣必買手信,帶返屋企送俾親朋好友至為適合 (大前提係…你一定要抵擋誘惑,唔好喺返到屋企前就食晒)!鳳梨酥洋溢甜美果香,採用台灣八卦山嘅新鮮菠蘿,製成濃郁果醬餡,再加入少少牛油,炮製出呢啲長方形嘅小糕點。要數最馳名之選,當非「微熱山丘」嘅產品莫屬,食落會令你仿如置身「陽光燦爛嘅山頭」,滿心溫暖!

    • 品嚐美食

    相片由 Mk2010 提供 (CC BY-SA 3.0) 經修改

    4

    臭豆腐

    臭豆腐係一款口味極端嘅台灣小食,你一係讚不絕口,一係耍手擰頭,一切似乎取決於你嘅嗅覺有幾靈敏。臭豆腐嘅做法係將豆腐件浸喺蔬菜、貝類海產、牛奶或肉類鹵水中發酵,然後油炸,再喺外層搽上甜辣醬,集酥脆外皮同柔軟內餡於一身,等你一啖試到「外脆內軟」嘅口感。遊客視臭豆腐為「試膽」工具,本地人將之當作日常小食;而喺台北夜市大多好容易搵到臭豆腐—只要跟住嗅覺行就啱啦!

    • 品嚐美食
    5

    雞腳

    一如其名,「雞腳」的確係指雞隻嘅腳部,而呢種略帶膠質同脂肪嘅美食喺台北好受歡迎,連戲院都有得賣,取代爆谷地位,令人嘆為觀止!雞腳食法唔簡單,而且每隻腳其實無幾多肉,但就好似爆谷咁口味眾多,足以成為有趣新穎、美味可口嘅小食,並成為你 Instagram 嘅另一個「打卡」主題!

    • 品嚐美食
    6

    芒果刨冰

    台北夏日炎熱潮濕,黏黏笠笠,而改良自菲律賓甜品「halo-halo」嘅中式刨冰正係消暑佳品!刨冰堪稱地道名物,採用水果 (一般以芒果最受歡迎,但士多啤梨和蜜瓜也很常見) 混合碎冰和煉奶,炮製出解渴甜品,向來大受歡迎。刨冰有時又稱為「刨冰山」,因份量巨大,再加上牛奶、果汁同融化嘅冰水喺兩側流下,睇落就更似已爆發嘅火山!

    • 品嚐美食

    相片由 台南美食典 提供 (CC BY-SA 2.0) 經修改

    7

    蚵仔煎

    蚵仔煎係軟糯「煙韌」嘅小食,常見於台北夜市,特別受遊客推崇,主要材料係喺台灣海岸線周圍捕獲嘅小蚵仔—只要將蚵仔加入由薯粉製成嘅煎蛋餅,口味就會更濃稠、更彈牙;再配上惹味醬汁、又或少少辣椒調味,即滿載地道風味!

    • 品嚐美食

    相片由 T1NH0 提供 (CC BY-SA 3.0) 經修改

    8

    豬血糕

    豬血糕係歐洲「血布丁」嘅台式變奏版,名副其實以「血」入饌!準確嚟講,呢種糕品由豬血同糯米混合而成,質感黏稠,蒸熟後要鋪上一層花生粉,以「波板糖」形式上菜,深受台北夜市遊客歡迎。如果你不抗拒豬血,不妨試食,話唔定會因為佢嘅鹹香辛辣同滲透甜味嘅口感而驚艷!

    • 品嚐美食

    相片由 Carrie Kellenberger 提供 (CC BY 2.0) 經修改

    9

    刈包

    刈包是極受歡迎的市集小食,因外型相似而常被稱為「台灣嘅美式漢堡包」—只不過,鋪滿芝麻嘅麵包換成饅頭,牛肉漢堡扒換成紅燒五花肉,而醃青瓜就換成白菜同花生粉,令口味更多樣化,鹹、酸、甜俱備,並同樣會為你送上油脂流刑落下巴嘅滿足感。一如漢堡包,刈包絕對係「減肥人士天敵」!

    • 品嚐美食

    相片由 TACO Huang 提供 (CC BY-SA 2.0) 經修改

    10

    滷肉飯

    滷肉飯在台北廣受歡迎,並如眾多台式美食一樣,簡單而味美。只要將五花肉碎用豉油同五香粉慢煮,再淋喺白飯上面,等飯粒吸收所有油脂同濃郁醬汁,就可以上菜。滷肉飯略帶甜味,鹹香可口,係一種令人垂涎嘅療癒系食物,縱然簡樸不華,卻引起爭論不休—到底它是來自中國大陸的山東省,還是台北本土?就連市政當局都不禁發表己見!

    • 品嚐美食
    Ben Reeves | 旅遊常客

    開始計劃行程

    Maps