台北 8 大最好酒吧同酒館

台北最熱門酒吧

    台北嘅最好酒吧通常都係氣氛熱鬧嘅社交場所,超受當地人同市內好多外籍人士鍾意。台北的夜生活雖不算有名,卻出乎意料的豐富多元—從高檔復古酒吧酒廊,到平易近人的體育酒吧不等,無論你喜歡高級雞尾酒還是精製啤酒,都會找到合適之處,可放鬆身心,喝個幾杯。

    而且,台北嘅酒吧各具獨特風格,您既可以靜心坐下,又可以投入充滿動感嘅現場音樂,各適其適。喺我哋嘅精選名單裡面,有個別地點超受當地上流社會歡迎。如果您打算去,記得著最火辣嘅「戰衣」!

    1

    Barcode

    Barcode 夜店位於台北市,係俾顧客「互相打量」嘅好地方!呢間位於 5 樓嘅時尚現代酒吧設有寬敞露台,可以俾你一邊飽覽信義區嘅美景,一邊細聽各式樂韻,由經典浩室音樂、迷幻爵士樂、鄉土爵士樂以至新浪潮音樂都應有盡有。再加上喺倫敦受訓嘅專業調酒師精心調製多款別樹一幟嘅香檳雞尾酒,難怪 Barcode 門外晚晚都大排長龍!

    店內仲供應高質素嘅餐前小食,包括洋蔥魷魚煙肉卷 (約 TWD300) 同羊肉湯 (TWD420) 等,令人流晒口水。

    地點: 台灣台北市信義區松壽路 22 號 Neo 19

    開放時間: 每日 21:00 至 02:30 (星期五和星期六至 03:00)

    電話: +886 (0)9 2016 8269

    地圖
    • 伴侶
    • 晚間娛樂
    2

    Revolver

    Revolver 引領住台北地下音樂潮流,店面佔據 3 層樓 (但係無任何一層係設於「地下」),現場樂隊同 DJ 會定期喺 2 樓表演,3 樓設有型格酒廊酒吧,而 1 樓就係時尚街頭酒吧,全部酒吧都洋溢著自在搖滾氣氛,呢度更係暢飲啤酒嘅好去處—店內一杯手工啤酒同進口歐洲啤酒售價大約 TWD180 起,當地啤酒價格更加係低至 ND115!

    地點: 100 台灣台北市中正區羅斯福路一段 1-2 號

    開放時間: 每日 18:30 至深夜

    電話: +886 (0)2 3393 1678

    地圖
    • 伴侶
    • 晚間娛樂
    3

    Carnegie's 酒吧餐廳

    Carnegie's 係一間酒吧兼餐廳,可以話係外籍人士嘅最愛,亦晉身市內最受遊客歡迎嘅景點之一。呢間店嘅品牌源自香港,屬於英式酒吧,供應典型酒吧食品同印度咖哩;

    但係飲品 Menu 先至係真正精彩嘅部分,主打酒品超過 300 款!餐廳內周圍都係酷炫裝飾,播放住流行音樂,洋溢好客氛圍,而顧客更不時喺酒吧「大曬」熱舞技巧,為 Carnegie’s 更添名副其實嘅傳奇格調。

    地點: 106 台灣台北市大安區安和路二段 100 號

    開放時間: 星期一至五 11:30 至深夜;星期六至日 10:30 至深夜

    電話: +886 (0)2 2325 4433

    地圖
    • 伴侶
    • 晚間娛樂

    相片由 slayer 提供 (CC BY 2.0) 經修改

    4

    Ounce

    Ounce 係台北第一間隱蔽式酒吧,店內重現 1920 年代美國禁酒氛圍,店外望落去更似係咖啡店!之不過,經過「暗門」嚟到另一邊,一系列精心製作嘅朱古力雞尾酒就即刻映入眼簾。

    酒吧採用大量深色木材裝修,營造出舒適而神秘嘅感覺;而調酒師絕對係本店明星,巧手善用好多種獨一無二嘅原材料,以嫻熟嘅技巧調製出特別飲品,仲好擅長帶動親切好玩嘅氣氛,令人印象深刻。

    地點: 106 台灣台北市大安區信義路四段 309 號

    開放時間: 每日 18:00 至深夜

    電話: +886 (0)2 2703 7761

    地圖
    • 伴侶
    • 晚間娛樂
    5

    MQ Marquee 酒吧

    MQ Marquee 酒吧處處散發維多利亞時代優雅風格,而且供應頂級西餐,係台北眾多社會名流同知名人士嘅首選夜店。喺寬敞嘅酒廊入面,設有一個長形吧檯;即使你淨係叫最普通嘅飲品,調酒師都會悉心調製,而且個別調酒師仲參加過帝亞吉歐 (Diageo) 世界級調酒比賽,名列前茅添!

    飲品 Menu 有唔少主打選擇,優質酒品琳瑯滿目。店內氣氛典雅,又唔會「作狀」,全部都要歸功於駐場 DJ 才華洋溢!

    地點: 110 台灣台北市信義區信義路五段 16-1 號 1 樓

    開放時間: 每日 20:00 至 02:00

    電話: +886 (0)2 2729 5409

    地圖
    • 伴侶
    • 晚間娛樂
    6

    Woobar

    Woobar 位於台北 W 酒店頂層,算係全市唯一一間屋頂泳池酒吧,仲會定期舉辦泳池派對,難怪成為極具人氣嘅聚會場所!酒吧裝修呈現時尚型格、色彩繽紛嘅情調,店內供應柑橘伏特加等等好多款果味特飲,

    而且菜式亦都相當獨特,其中嘅雲呢拿伏特加配優質朱古力忌廉唔試唔得!行到去池邊位置,你即刻可以喺繁囂市中心入面,享受悠閒嘅熱帶氣氛。

    地點: 110 台灣台北市信義區忠孝東路五段 10 號台北 W 飯店

    開放時間: 每日 11:00 至深夜

    電話: +886 (0)2 7703 8887

    地圖
    • 伴侶
    • 晚間娛樂
    7

    On Tap

    On Tap 宣稱自己係「台北唯一正宗酒吧」,不單止完美重現英式酒吧風格,就連店外 LOGO 都勁似倫敦地鐵站嘅標誌!呢度既係觀賞 (甚至參加!) 現場體育賽事嘅熱門場所,亦都係飛鏢聯盟同埋幾隊業餘足球隊嘅主場,

    店內氣氛熱鬧友善,而且「店如其名」,有歐洲生啤供應,配搭一流酒吧小食同波枱設備,再加上定期舉辦 Party,難怪成為當地外籍社區最受歡迎嘅景點之一。

    地點: 106 台灣台北市大安區忠孝東路四段 216 巷 11 弄 21 號

    開放時間: 星期一至五 17:00 至深夜;星期六至日 14:00 至深夜

    電話: +886 (0)2 2741 5365

    地圖
    • 伴侶
    • 晚間娛樂
    8

    銅猴子酒吧

    銅猴子酒吧盡顯西式 (特別係美式) 體育酒吧風格,唔單止廣受喺台北居住嘅外籍人士歡迎,仲時時吸引唔同背景又富有活力嘅潮人幫襯。店內配備多部大型平面電視,播放全球各地嘅盛大體育賽事,同時設有足球枱同鏢靶,飲品價格又平,所以廣受歡迎。銅猴子酒吧仲會舉辦相當有趣嘅「智力競賽之夜」,駐場嘅 DJ 仲會經常炒熱個場,而友善親切嘅老闆更係「人氣爆燈」,難怪店面成日人頭湧湧。

    地點: 10491 台灣台北市中山區復興北路 166 號

    開放時間: 星期一至五 11:00 至深夜;星期六至日 09:00 至深夜

    電話: +886 (0)2 2547 5050

    地圖
    • 伴侶
    • 晚間娛樂
    Ben Reeves | 旅遊常客

    開始計劃行程

    Maps