台南係得意嘅購物熱點,佔地相對細,各種平靚正嘅夜市同高級百貨商店都喺左近,部分主要街道同區域更係購物天堂,而且幾乎每座建築物裡面都開咗舖頭或商場。如果某座建築物唔係直銷零售店,咁通常就係餐廳啦—購物狂歡果時,你可以喺餐廳大樓裡面休息一下,回復體力之後再「血拚」過!

    台南市內每區都有獨特嘅氣氛,地道風情到奢華格調嘜都有齊,傳統同現代結合埋一齊,古樸同優雅集於一身。身處喺台南,你未必可以搵到台北有嘅各種商品,市內最繁榮嘅商場都比唔上台北果啲,但就勝在價錢平好多。

    1

    中央商圈

    中央商圈係火車站附近嘅小型購物區,位於衛民街同民族路二段附近一帶,設有新光三越台南中山店等大型百貨公司,以及無數小商店,專售電子產品、時裝、體育用品,部分甚至主打小眾興趣。

    區內仲有名為「南方公園」嘅開放式食品市場,且週末常常舉辦現場音樂表演。如果你想搵比較正式嘅餐廳「食餐好」,民族路附近就有很多選擇。

    地點: 700 台灣台南市中西區衛民街

    地圖
    • 伴侶
    • 家庭
    • 購物

    相片由 KevinAction 提供 (CC BY-SA 3.0) 經修改

    2

    國華街

    要喺台南體驗正宗地道購物樂趣,首推國華街不容錯過!國華街係一條非常狹窄嘅車道,並無劃作步行街—所以,逛商店時務必多加小心,隨時準備好閃避貨車同電單車。話雖如此,呢度嘅貨品價格比起任何一間大型百貨公司都要便宜得多,點可以唔到此一遊?

    由於國華街嘅主要客路為當地人,如果你唔識國語,可能會遇到語言障礙,咁不妨試試運用手勢溝通。店主見到你係遊客,無論你購買街頭小食、手信定係服飾,都可能會送上超值優惠!

    地點: 710 台灣台南市永康區國華街

    地圖
    • 伴侶
    • 家庭
    • 購物
    • 經濟實惠

    相片由 uemura 提供 (CC BY 2.0) 經修改

    3

    南門假日花市

    即使你無意購買任何盆栽植物,南門假日花市依舊值得一遊—呢度唔單止空氣清新,花香濃郁,放眼更加係色彩繽紛嘅蘭花、有趣嘅盆景樹,以及大量植物花卉,絕對可為你送上佈置家中陽台後花園嘅靈感。場內有啲攤位亦會出售同園藝無關嘅商品,想買好玩手信絕對「冇難度」,難怪呢度深受當地人以至遊客推崇。

    地點: 700 台灣台南市中西區南門路 28 號

    開放時間: 星期六至星期日 08:30 至 18:30

    地圖
    • 家庭
    • 購物
    • 拍照
    4

    新光三越台南新天地本館

    新光三越係台南規模最大嘅百貨公司,樓高 9 層,佔地寬敞,有售化妝品、時尚配飾、服裝、國際精品、童裝、休閒服飾同家居裝飾等商品;場內 5 樓設有綜合戲院—不過,到戲院洗手間時要務必小心,據說曾經有人喺嗰度「撞鬼」!

    行到肚餓?新光三越設有「超正斗」嘅大型美食廣場,一定令你食指大動。溫馨提示:與台南周圍嘅市集同商圈相比,呢度嘅服裝同食品相對昂貴。

    地點: 700 台灣台南市東區西門路一段 658 號

    開放時間: 每日 11:00 至 22:00

    電話: +886 (0)6 303 0999

    地圖
    • 伴侶
    • 家庭
    • 購物

    相片由 大雄 汪 提供 (CC BY-SA 2.0) 經修改

    5

    中正路

    要喺台南買衫,嚟中正路就啱啦!中正路嘅店舖經常人頭湧湧,到咗夜晚更加係水洩不通;店內所售商品大多屬於中價品牌,熱門店舖包括漢登 (Hang Ten) 同 Easy Shop 等。中正路上有多間商舖都係獨立小店,正係你搜羅特色玩意嘅必到之處;另外,呢度嘅珠寶店亦聞名遠近。

    由觀光角度睇,中正路建於日治時期嘅 1895 年,屬於早期建設嘅街道之一,眾多建築物都甚具歷史風情,令人難忘!

    地點: 700 台灣台南市中西區中正路

    地圖
    • 伴侶
    • 家庭
    • 購物

    相片由 Ikaridon 提供 (CC BY-SA 2.5) 經修改

    6

    府中街

    府中街屬步行街,綠樹成蔭,處處遍佈茶館、餐廳同 Cafe,每逢假日同週末都格外繁忙熱鬧,平日則比較清靜,惟不時會有年輕「準新人」喺迷人街景前拍攝婚紗照。

    呢條步行街始自孔廟,穿越歷史悠久嘅泮宮石坊,絕對係你搜羅傳統紀念品嘅好去處。

    地點: 700 台灣台南市中西區府中街

    地圖
    • 伴侶
    • 家庭
    • 購物
    • 經濟實惠
    Stephan Audiger | 旅遊常客

    開始計劃行程

    Maps