台南 5 大最正夜生活熱點

台南夜晚最好玩嘅活動

    同台北相比,台南嘅夜生活比較單調,但仍然好有樂趣。如果你想享受簡單嘅街頭夜生活,海安路就係唔錯嘅起點—這裡的人行道非當寬闊,而街上的餐廳和酒吧都會充分善用空間,讓你在戶外品嚐啤酒及燒烤。

    說起台南文化,又怎能不提夜市呢?夜市正是台灣城市的心臟和靈魂!喺呢度漫步,無論係 T 恤、服裝首飾、銀包,甚至糕點、糖果同冰鎮飲品等等真係嘜都有;而且,同市內啲舖頭同餐廳比,夜市嘅大部分商品同食品都要平好多。

    1

    老房子 (Kinks Bar) 酒吧

    台南東區嘅老房子 (Kinks Bar) 酒吧處處散發獨特嘅溫馨感,皆因店舖係由老房子改建而嚟,依然保留著唔少古老傢俱,並綴有復古裝飾,洋溢 70 年代特色;店內音樂就通常更具現代感,以悅耳音量播放。

    老房子酒吧以比利時啤酒聞名,而你亦可以品嚐果酒同各種小食,感受比利時風味。呢間酒廊酒吧隱身於火車軌旁嘅一條小巷入面,奇怪而有趣,值得你專誠前嚟,度過輕鬆一晚。

    地點: 701 台灣台南市東區青年路 232 弄 25 號

    開放時間: 星期一至星期五 18:00 至 02:00;星期六至星期日 14:00 至 02:00

    電話: +886 (0)6 208 5152

    • 晚間娛樂
    2

    紅狼美式酒吧 (Red Wolf Tavern)

    紅狼美式酒吧 (Red Wolf Tavern) 係一間著名嘅體育酒吧,配備多個飛鏢靶同桌球枱,並有衛星電視播放重要賽事,引人注目!店舖有售各種啤酒與烈酒,價格相宜,另亦有少量西餐菜式供應,又以炸魚薯條為最佳之選。

    店內二樓嘅主題係音樂,而非體育,駐場 DJ 會播放精彩嘅現場音樂合輯;而現場音樂之夜通常喺週末上演,會收取大約 NT$250 嘅入場費 (已包一杯飲品)。店內舞池面積不廣,但空間尚算寬廣,足以保持氣氛高漲,又唔會過度擁擠。

    地點: 704 台灣台南市北區公園路 229 號

    開放時間: 星期三至星期日 21:00 至 04:00

    電話: +886 (0)6 227 2929

    • 晚間娛樂
    3

    太古酒吧

    太古酒吧外觀獨特,二樓裝飾復古,牆壁上印有迪士尼同 Marvel 角色嘅圖案。一如台南各地,太古酒吧同樣散發溫馨感覺,舒適悅目,難怪成為放鬆身心、懷緬舊情嘅好地方。

    店內吧檯有供應各種比利時啤酒,其中一啲滿溢果香,好適合女仔品嚐!雖然太古酒吧消費稍高,但環顧整體環境,相信你會覺得值回票價;惟店舖食物選擇著實較少,其中以炸薯條最為吸引。

    地點: 700 台灣台南市中西區神農街 94 號

    開放時間: 星期日至星期四 18:00 至 02:00;星期五至星期日 16:00 至深夜

    電話: +886 (0)6 221 1053

    • 晚間娛樂
    4

    葳苙二壘 (Willy’s Sports Bar & Restaurant) 體育酒吧兼餐廳

    葳苙二壘 (Willy’s Sports Bar & Restaurant) 係位於南區嘅大型酒吧,以燒烤菜式同美式酒吧而聞名,焦點絕對落喺「運動」之上!店内設有飛鏢靶、桌球枱同大螢幕電視;

    而店舖出品嘅美食同樣不容忽視,質素出衆,又以德州-墨西哥風味菜餚、意粉、薄餅同沙律不得不試。

    地點: 702 台灣台南市南區建康路二段 321 號

    開放時間: 每日 17:30 至 01:30

    電話: +886 (0)6 291 1050

    • 晚間娛樂
    5

    小北夜市

    喺台南眾多夜市中,小北夜市別具歷史意義、極受歡迎,場內設有 200 多個小食檔,所售嘅地道名物滋味可口—其中,米糕、旗魚羹同鱔魚意麵都係必試之選!

    除咗食物之外,夜市入面仲有各式各樣嘅攤位,貨色包括自製手工藝品以至低價服裝,任君選擇;而你仲可以玩盡多不勝數嘅攤位遊戲,試試「擲飛鏢」同「麻雀對對碰」。呢一切融薈聚集,即營造出夢幻氛圍,塑成聯誼好去處!

    地點: 704 台灣台南市北區西門路四段 101 號

    開放時間: 星期二至星期五 17:00 至 22:00

    • 晚間娛樂
    Stephan Audiger | 旅遊常客

    開始計劃行程

    Maps