南投縣擁有多元文化、悠久歷史同獨特氣候,亦係選購特色手信嘅好地方,你可以盡情搜羅各種當地工藝品、新鮮農產品、好味嘅食物同搶眼嘅藝術品。正因為呢度亦係台灣嘅一部分,區內夜市自然到處都係,而且亦都好有特色。

    南投市內仲有幾間出名嘅藝術工作室,賣嘅係好有特色嘅精美紀念品—呢啲工作室通常都係由家族經營,賣嘅手信全都屬於「自家製作」;而且,工作室環境舒適,一邊購物,你仲可以同友善熱情嘅老闆傾番幾句,絕對係好唔錯嘅體驗!點解唔細心聽下一班老闆講下佢地生意或者藝術背景嘅故仔,同埋同佢地影番張相留念?

    1

    廣興紙寮

    如果你想搜羅精美手信,去廣興紙寮就有機會尋到寳!呢間迷人小店由一群紙匠經營,佢哋友善熱心,熱衷向遊客提供資訊,訴說南投縣嘅詄事。

    除咗傾聽埔里嘅造紙故事之外,你仲可以購買獨一無二嘅紀念品,其中又以藝術紙扇最受歡迎,上面印有節日場景、以至台灣熱門景點嘅畫像,地道十足!

    地點: 545 台灣南投縣埔里鎮鐵山路 310 號

    開放時間: 每日 09:00 至 17:00

    電話: +886 (0)4 9291 3037

    地圖
    • 購物
    2

    埔里酒廠

    南投縣空氣清新,夏季溫暖,係台灣頂級葡萄酒嘅生產地。而埔里酒廠盛產優質美酒,並以香醇可口嘅紹興酒著稱—有別於米酒,紹興酒嘅酒體呈金黃色,鮮艷奪目!好多旅客都會慕名而嚟,到訪「紹興酒之鄉」埔里;而你可以喺呢度淺嚐呢種入口醇厚嘅美酒,然後帶幾支返屋企做手信。

    地點: 545 台灣南投縣埔里鎮中山路三段 219 號

    開放時間: 每日 08:30 至 17:00 (星期六和星期日至 17:30)

    電話: +886 (0)4 9298 4006

    地圖
    • 購物

    相片由 Ray Swi-hymn 提供 (CC BY-SA 2.0) 經修改

    3

    埔里城觀光夜市

    埔里城觀光夜市係南投最大型嘅市場,約有 550 個攤位等待你嚟發掘。不過,夜市所喺位置卻會勾起一段傷痛回憶—呢度位處 1999 年集集大地震 (又名「921 大地震」) 嘅紀念園內,嗰次地震重挫區內多處;現時,市場入口附近設置咗一啲慈善攤檔,收益會用嚟幫助地震傷者。

    逢星期五,正係參觀埔里鎮夜市嘅最佳日子,因為當日有最多攤檔營業,而且場內小食檔選擇繁多,有臭豆腐和蒙古烤肉等地道美食,任你品嚐。另一方面,市集通常都備有跳彈床及充氣城堡,供小朋友玩樂一番。

    地點: 545 台灣南投縣埔里鎮信義路 890 號

    開放時間: 星期五至日 18:00 至深夜

    • 購物
    Stephan Audiger | 旅遊常客

    開始計劃行程

    Maps