高雄購物體驗可以媲美台北,都係令人興奮,商場同市場應有盡有,任君選擇。好似台灣各地咁,夜市就係呢度嘅焦點好去處,有大量平靚正商品同街頭小食,等你發掘!高雄部分巿場只會好專咁賣一種產品,所以如果你想有更多同類選擇,只要搵啱巿場,就一定可以搵到心水商品。

    另一方面,呢個南部城市亦有亞洲其中一個最大型購物中心—貴為市內星級景點,呢個購物中心提供各種娛樂選擇,你喺購物狂歡之餘,仲可以投入各種好玩節目裡面。高雄周圍有唔少小型商場,喺附近街道形成購物區,亦係相當好行。

    1

    統一夢時代購物中心

    • 家庭
    • 購物

    統一夢時代購物中心規模屬全亞洲數一數二,佔地 40 萬平方米,匯聚眾多知名國際品牌,同時又係娛樂中心,從電影院到健身室,以至名為「高雄眼」嘅屋頂摩天輪等等,可謂應有盡有。

    購物方面,呢座商場設有約 2,300 間商店,當中涵括來自台灣同全球各地嘅中價至頂級品牌。除咗 10 個購物樓層外,地底兩層尚設美食廣場,而各式各樣嘅餐廳則遍佈整座購物中心各處。

    地點: 806 台灣高雄市前鎮區中華五路 789 號

    開放時間: 星期一至星期五 11:00 至 22:00 (星期五營業至 22:30);星期六 10:30 至 22:30;星期日 10:30 至 22:00

    電話: +886 (0)7 813 5678

    地圖
    2

    新堀江商圈

    • 購物

    新堀江商圈係新一代年輕人最愛嘅購物區,位於玉竹街一帶,場內嘅商店同小販專售嶄新科技產品,而且價格相當便宜。如果你想搜購電子產品,就一定要到此一遊!

    另一方面,新堀江商圈仲設有 3 間知名品牌美容店,以及幾間時裝店。到咗夜晚,呢區就會化身成為夜市,架設起各種各樣嘅小食檔,令你流曬口水!

    地點: 800 台灣高雄市新興區

    開放時間: 每日 13:00 至深夜

    相片由 SSR2000 提供 (CC BY-SA 3.0) 經修改

    3

    興達港觀光漁市

    • 家庭
    • 購物
    • 品嚐美食

    興達港觀光漁市距離高雄市中心都幾遠,即使開車前往,亦需頗長時間—不過,如果你有意品嚐最新鮮嘅海產,此行絕對值回票價!你可以喺漁市內買到螃蟹、生蠔 (牡蠣)、蝦、章魚、鰻魚同各種魚類,而小食檔則有售海鮮小食,又以烏魚子同比目魚乾為必試地道名物。每逢週末,興達港觀光漁市都會變得人山人海,水洩不通!

    地點: 852 台灣高雄市茄萣區大發路

    開放時間: 星期一至星期五 11:00 至 19:00;星期六至星期日 10:00 至 20:00

    地圖
    4

    南華夜市

    • 家庭
    • 購物
    • 品嚐美食
    • 晚間娛樂

    南華夜市位於新興區大同路同南華路附近,可謂一眾女士嘅購物天堂,設有多種多樣嘅服裝首飾店,貨色價格合理,而你仲可以「講價」一番!雖然場內亦有適合男士同兒童嘅商品,惟絕大多數攤檔皆以女性為主要客路。行到肚餓?呢度仲有一啲食品攤檔,可讓你「醫一醫肚」!

    地點: 800 台灣高雄市新興區南華路

    地圖

    相片由 古 天熱 提供 (CC BY-SA 2.0) 經修改

    5

    六合夜市

    • 家庭
    • 購物
    • 品嚐美食
    • 晚間娛樂

    六合夜市係台灣嘅著名景點,定必令你著迷!呢片夜市「出名」之處在於露天食肆,尤其以海鮮檔特別人潮洶湧,又以鰻魚意粉為必試之選。

    「飲飽食醉」之後,你仲可以到處行吓,搜羅手工藝品、電子設備同埋刀具,甚至連馬騮仔都買得到!六合夜市與眾不同,部分攤檔奉行「以物易物」,你可以將用過嘅二手物品帶嚟,交換成有用又耐用嘅「新收穫」。

    地點: 800 台灣高雄市新興區六合二路

    開放時間: 每日 18:00 至深夜

    地圖

    相片由 Zairon 提供 (CC BY-SA 4.0) 經修改

    Stephan Audiger | 旅遊常客

    開始計劃行程

    Maps