西班牙文化豐富,建築宏偉,全年活動多姿多彩。夏天一到,熱愛海灘嘅人紛紛湧去伊維薩島 (Ibiza)、加利西亞 (Galicia) 同太陽海岸 (Costa del Sol) 嘅純淨海灘;阿利坎特 (Alicante) 同聖塞巴斯提安 (San Sebastian) 嘅國家公園就深受大自然發燒友歡迎;而巴塞隆拿同馬德里呢兩個城市以哥德式同文藝復興時期嘅建築、以及全世界最大型嘅美術館聞名,通通值得遊覽!

    西班牙人沉迷節日慶典,無論係莊嚴嘅宗教儀式,定係激烈嘅食物大戰,佢哋都一樣咁鍾意。每個城市都有自己獨特嘅慶祝活動,常見節目揉合盛大遊行、華衣美服、音樂、舞蹈表演,仲有煙火匯演元素,精彩奪目。西班牙人對美酒佳餚情有獨鍾,一場嚟到,唔飲飽食醉,你嘅西班牙之旅又點算圓滿呢?西班牙地貌多變,無論你想要一段點樣嘅旅程,都可以喺度玩到心滿意足!

    西班牙熱門目的地

    你接著會去哪兒?
    • 巴塞隆拿

      加泰隆尼亞首都巴塞隆拿係型格大都會,俾人「燦爛多彩」嘅第一印象,某程度上要歸功於出自傳奇現代主義建築師高第 (Antoni Gaudi) 手筆嘅趣怪地標—聖家教堂 (Sagrada Familia) 好似童話插圖咁華麗壯觀,係加泰隆尼亞最令人驚嘆嘅景點;奎爾公園 (Park Guell) 繽紛色調嘅馬賽克磚同超現實嘅結構亦都不遑多讓。

      炎炎夏日,最啱去熱鬧嘅巴塞羅內塔海灘 (Barceloneta Beach) hea 返吓,坐喺戶外勁食西班牙惹味 Tapas 小食,試盡多汁厚肉嘅燒蟶子、同埋鹹香豐腴嘅伊比利亞火腿。太陽落山之後,巴塞隆拿嘅氣氛繼續升溫,波希米亞風格酒吧同人氣夜店等住你探索!

      閱讀更多資訊
    • 馬德里

    • 塞維爾

    • 伊維薩島

    • 馬貝雅

    開始計劃行程

    歐洲其他熱門去處

    繼續探索