安達魯西亞 (Andalusia) 城市馬貝拉有啲似「平民版」嘅摩納哥,但有埋太陽海岸 (Costa del Sol) 出哂名嘅靚靚海灘,就「零舍不同」啦!馬貝拉歷史悠久,Hotel Puente Romano 酒店入面有 1 世紀留存至今嘅羅馬橋 (Roman Bridge);與此同時,呢度又不失現代感,既有一流夜店,又有船舶同遊艇設施,

    根本冇機會俾你嗌悶。你可以去邦蒂海灘 (Bounty Beach) 大玩水上活動、飲住杯桑格利亞汽酒 (sangria) 食 Tapas、參觀歷史建築,甚至去高檔夜店狂歡到深夜都仲得!咁樣聽落太 Chur 嘅話,都仲有其他選擇嘅—不妨喺城鎮廣場 Chill 返吓,享受西班牙嘅溫暖陽光同悠閒氣氛。

    馬貝拉最好玩嘅活動係乜嘢?

    1

    喺洛斯納蘭霍斯廣場展開一日行程

    喺馬貝拉最熱鬧嘅廣場感受都市風情

    洛斯納蘭霍斯廣場 (Plaza de los Naranjos) 置身於歷史建築同典雅嘅安達盧西亞 (Andalusia) 白色房屋之間,係馬貝拉舊城區 (Marbella Old Town) 嘅樞紐,個名源於環繞廣場中心文藝復興噴泉嘅橙樹,而場內周圍都有太陽傘同枱凳,俾遊客坐底歇吓腳,靜靜哋感受城市脈搏。喺洛斯納蘭霍斯廣場起步遊覽馬貝拉舊城區,就係 Perfect Start!

    地點: 位於舊城區中心,距離馬貝拉舊港口 (Old Port of Marbella) 以北大約 600 米

    地圖
    • 伴侶
    • 家庭
    • 歷史文化`
    • 拍照
    • 經濟實惠
    2

    必睇景點:馬貝拉舊城區

    沉醉於繁華復古城區之中

    馬貝拉舊城區 (Casco Antiguo de Marbella) 嘅歷史可以追溯至 15 世紀「收復失地運動 (Christian Reconquista)」之後,區內有彎彎曲曲嘅街道蜿蜒,典型安達盧西亞 (Andalusia) 房屋嘅露台種滿鮮花,歷史悠久嘅建築同各式各樣嘅至 In 餐廳、時裝小店相映成趣,每個角落都值得你欣賞探索。馬貝拉舊城區多姿多彩,環境舒適,散發住溫暖快樂嘅氣氛,置身其中,零舍寫意。

    地點: 市中心阿拉米達公園 (Alameda Park) 正北面

    地圖
    • 伴侶
    • 家庭
    • 歷史文化`
    • 經濟實惠
    3

    濱海大道至 Chill 休憩點

    遊覽媲美「博物館」嘅露天行人路

    濱海大道 (Avenida del Mar) 係佔地 5,500 平方米嘅矩形廣場,位於阿拉梅達公園 (Alameda Park) 同海灘之間,緊靠市內歷史最悠久嘅馬貝拉碼頭 (Puerto Deportivo de Marbella),成條街都開滿商舖、酒吧,同埋設有木製涼棚露台嘅餐廳,同時亦都稱得上係「露天博物館」,事關呢度收藏咗 10 尊薩爾瓦多·達利 (Salvador Dali) 嘅雕塑。踏足街頭,不妨行入任何一間餐龐,飲杯嘢解吓渴,再去欣賞驚為天人嘅「展品」吖!

    地點: 位於阿拉梅達公園同海灘之間,毗鄰馬貝拉碼頭

    地圖
    • 伴侶
    • 家庭
    • 拍照
    • 經濟實惠
    4

    邦蒂海灘至啱你心水嘅日光浴

    離馬貝拉舊城區最近嘅海灘日光浴推介

    邦蒂海灘 (Bounty Beach) 係馬貝拉 (Marbella) 最 In 嘅沙灘之一,距離瑪麗娜巴哈迪雅 (La Bajadilla Marina) 東邊冇幾遠,官方名稱叫做「電纜海灘 (Playa del Cable)」,但就因為全長達 1,500 米,而且沿岸嘅「Chiringuitos (海灘餐廳)」一間接一間,因而獲得而家呢個暱稱 (「Bounty」意思係「賞金」)。海灘定期有人清潔,每日到日落之前都冇咩泳客,入夜後先會有人嚟跑步、打排球,玩盡各式水上運動;而呢度嘅海灘餐廳價格實惠,亦配備公廁同淋浴設施,難怪每晚都人流不絕,吸引遊人狂歡到夜深。

    地點: 位於馬貝拉碼頭以東 1.4 公里

    地圖
    • 伴侶
    • 家庭
    • 歷史文化`
    • 拍照
    5

    舊城區必食西班牙海鮮飯

    嘆盡最有特色嘅西班牙菜

    西班牙海鮮飯 (Paella) 源於華倫西亞 (Valencia) 地區,係西班牙嘅美食代表作之一,食材大致包括大米、番紅花、肉、海鮮同蔬菜,而全國各地嘅餐廳會根據地道特色調整食譜。嚟到馬貝拉 (Marbella),冇試過西班牙海鮮飯,簡直係白行一趟啦!

    馬貝拉舊城區 (Marbella Old Town) 大街小巷嘅餐廳都有供應好味嘅西班牙海鮮飯,當中最令食客心動嘅,包括位於 Calle Tetuán 嘅 Tempora Restaurante、Calle Remedios 嘅 Restaurante El Cortijo,同埋 Calle Virgen de los Dolores 嘅 El Patio De Mariscal

    • 伴侶
    • 家庭
    • 品嚐美食
    6

    拉卡尼亞達購物中心 Shopping 之旅

    Mega 購物中心,任你睇任你買

    拉卡尼亞達購物中心 (La Cañada) 規模大得驚人,距離馬貝拉舊城區 (Marbella Old Town) 東北邊短短 5 分鐘車程,當地人叫佢做「拉卡尼亞達商業園 (Parque Comercial La Cañada)」。呢座購物中心佔地大約 100,000 平方米,場內有超過 300 間商舖,包括大型超市,仲有 Zara、Geox 同 Hugo Boss 等國際名店進駐。

    除咗 Shopping 之外,呢度嘅餐飲同文娛選擇絕對唔少,舉凡戲院、兒童遊樂場一應俱全,就算撞正落雨,都可以嚟 Hea 足一日!

    地點: 位於馬貝拉舊城區東北 1.5 公里

    開放時間: 星期一至星期六 10:00 至 22:00;星期日 10:00 至 17:00

    地圖
    • 伴侶
    • 家庭
    7

    必遊景點:聖母化身教堂

    留步凝望「馬貝拉大教堂」

    聖母化身教堂 (Church of Our Lady of the Incarnation) 建於 17 世紀,係一座純白色嘅建築,距離馬貝拉舊城區 (Marbella Old Town) 洛斯納蘭霍斯廣場 (Plaza de los Naranjos) 東南邊不過兩分鐘路程,又有「馬貝拉大教堂」之稱,堂內嘅油畫同雕像裝飾、再加上前門嘅洛可可風格雕刻,都令人眼前一亮。

    教堂所在嘅廣場設有陰涼座位區,俾遊客休息;遊覽舊城區行到攰攰哋,不妨喺教堂靚景襯托之下,嚟呢度歇一歇腳吖!

    地點: 位於洛斯納蘭霍斯廣場正東南邊

    開放時間: 星期一至星期六 08:00 至 22:00;星期日 09:30 至 22:00

    地圖
    • 伴侶
    • 家庭
    • 歷史文化`
    • 拍照
    • 經濟實惠

    相片由 Heather Cowper 提供 (CC BY 2.0) 經修改

    8

    漫步海濱長廊

    馬貝拉最熱鬧嘅地區之一

    海濱長廊 (Paseo Maritimo) 又名「馬貝拉海濱長廊」,係一條海邊行人路,由馬貝拉碼頭 (Puerto Deportivo de Marbella) 一直延伸到巴努斯港 (Puerto Banús),全長大約 7 公里,沿路排滿密密麻麻嘅時裝店、小食店同餐廳,而且價錢豐儉由人,啱哂悠閒散步。另一方面,大道嘅部分路段種咗棕櫚樹,正好幫遊客遮陰。唔講唔知—呢區嘅繁華程度屬市內數一數二,夏季不時聚集咗街頭音樂人同藝人,表演娛賓。

    如果你想行晒成條海濱長廊,恐怕要預留兩個鐘頭先得喇!之不過,沿住海岸直行,你會途經馬貝拉燈塔 (Marbella Lighthouse) 等景點,仲可以離遠望到普恩特羅馬諾酒店 (Hotel Puente Romano of Gibraltar) 同非洲海岸添。

    地點: 位於馬貝拉碼頭同巴努斯港之間

    地圖
    • 伴侶
    • 家庭
    • 拍照
    9

    細味舊城區嘅小食同桑格利亞汽酒

    融入西班牙生活,品味地道小食

    西班牙 Tapas 小食雖則只係前菜,但就可以俾你按照個人口味自由配搭,任揀酥炸魷魚圈 (Calamares)炸肉丸配薯蓉 (Croquetas) 等,仲可以開枝紅酒或者啤酒,邊食邊飲;之不過,講到最地道嘅西班牙風味,梗係首推由水果酒同紅酒調配而成嘅桑格利亞汽酒 (Sangria) 啦!

    如果你想試吓馬貝拉舊城區 (Marbella Old Town) 嘅特色 Tapas 同桑格利亞汽酒,Calle Peral 嘅 Arco Tapas Bar、Calle San Lázaro 嘅 Bar El Estrecho,仲有 Calle San Lázaro 嘅 Taberna Tierraranda 餐廳都非常值得一試。

    • 伴侶
    • 家庭
    • 品嚐美食

    相片由 Herry Lawford 提供 (CC BY 2.0) 經修改

    10

    喺巴努斯港碼頭為全日行程畫上完美句號

    喺馬貝拉至潮夜店化身 Rock Star,徹夜狂歡

    巴努斯港碼頭 (Puerto Banús Marina) 位於海濱長廊 (Paseo Maritimo) 對岸,距離舊城區 (Old Town) 西邊 7 公里,兩側都開滿高檔酒吧同夜店,其中嘅 PangeaSinatra’s 相當出名,不時有明星光臨;而喺 Aqwa MistKube 等充滿時尚氣派嘅 Club 入面,你點可以唔盡情狂舞?

    除咗呢啲 Party 好去處,巴努斯港碼頭仲有一啲平價酒吧同夜店,唔單止夠型夠 In,仲有悠久歷史添,例子包括 O'Grady's Irish PubJoy’s Live Pub

    地點: 位於海濱長廊西端盡頭

    地圖
    • 伴侶
    • 拍照
    Stephan Audiger | 旅遊常客

    開始計劃行程

    Maps