馬德里 5 大美食

馬德里必試美食

    同世界上每個國際都會一樣,馬德里都有為遊客送上各式各樣嘅優質餐廳,俾大家盡情享用美味佳餚。講到馬德里最出名嘅習俗,就梗係食 Tapas 小食啦;之但係,如果你想品嚐傳統嘅西班牙美食,都仲有好幾道菜式份屬必試之選!

    1

    馬德里雜燴肉菜鍋

    馬德里雜燴肉菜鍋 (Cocido madrileño) 係出名嘅蔬菜燉肉料理套餐,一般會包含 3 道菜,多數餐廳都會喺星期二提供,佢仲係冬季名物嚟添!每道菜都稱為「Vuelco」—第一道菜用湯汁配以少量米飯奉客,第二道菜係鷹嘴豆配蔬菜,而最後一道菜就係肉類。想搵試食呢款名菜嘅好去處?位於市中心嘅 La Bola 餐廳係唔錯嘅選擇,而且附近相當好住,鄰近東方廣場 (Plaza de Oriente),不妨喺呢度嘅酒店落腳吖!

    • 品嚐美食

    相片由 Javier Lastras 提供 (CC BY 2.0) 經修改

    2

    西班牙傳統煨豬肉

    去到西班牙,不妨一試西班牙傳統煨豬肉 (Callos a la madrileña) 吖!呢道燉菜由牛肚﹑牛鼻、牛蹄﹑香腸﹑血腸﹑蕃茄﹑辣椒﹑洋蔥同大蒜製成,亦都同大多數西班牙菜一樣,會配搭新鮮麵包用嚟點汁,零舍好味,冬天食暖笠笠,最啱口味!

    • 品嚐美食

    相片由 Javier Lastras 提供 (CC BY 2.0) 經修改

    3

    西班牙薯仔蛋餅

    講到馬德里嘅傳統美食,西班牙薯仔蛋餅 (Tortilla de patata) 一定榜上有名,佢簡約又好味,就咁放薯仔同雞蛋整就得,又可以加埋洋蔥﹑紅椒甚至吞拿魚,滋味無與倫比!!

    • 品嚐美食

    相片由 Boca Dorada 提供 (CC BY-SA 2.0) 經修改

    4

    大蒜湯

    大蒜湯係你遊覽馬德里嗰陣嘅必試菜式,佢雖然源自卡斯蒂利亞-萊昂 (Castilla y Leon),但係而家已經被視為馬德里嘅傳統美食之一。呢道菜之所以聲名大噪,皆因知名作家亞歷杭德羅·杜馬斯 (Alejandro Dumas) 都大讚佢好味道!

    • 品嚐美食

    相片由 Joy 提供 (CC BY 2.0) 經修改

    5

    傳統甜品

    鍾意食甜嘢嘅你,點可以唔試吓馬德里嘅甜品?如果「傳統甜品」係你嘅心頭好,咁臨走之前就一定要食返次聞名世界嘅牛軋糖喇!以前,呢款糖係「聖誕限定」,而家就一年四季都食得到,仲有五花八門嘅口味添。

    對於甜嘢麻麻哋?不妨試勻西班牙 Tapas 小食,好似辣味番茄醬拌薯仔 (patatas bravas)煎雞蛋炸薯條 (huevos rotos) 等等,喺當地任何一間酒吧飲啤酒嗰陣,佢哋都係好惹味嘅送酒菜嚟架!

    • 品嚐美食

    相片由 Jan S0L0 提供 (CC BY-SA 2.0) 經修改

    開始計劃行程

    Maps