我哋嘅巴塞隆拿旅遊懶人包羅列出你需要嘅基本資料,幫你 Plan 定西班牙行程,向各大人氣熱點進發!無論你去旅行去得幾密,都要留意以下問題:當地天氣係點?點樣由機場去酒店?需要邊種貨幣同插頭?我哋會為你提供所有答案,同場加映最佳旅遊時機、交通資訊、各類基本資料,同埋實用旅遊貼士,

    一切盡在呢份巴塞隆拿旅遊懶人包之中。睇完呢份簡短易明嘅指南之後,你嘅巴塞隆拿旅程應該就準備得七七八八架喇!

    1

    遊覽巴塞隆拿嘅最佳時機 (天氣方面)

    • 巴塞隆拿屬於地中海氣候,冬季和暖,夏季炎熱,
    • 平均溫度由冬天嘅 8ºC 到夏天嘅 29ºC 左右。
    • 全年降雨最多嘅月份係 10 月,平均有 9 日落雨。
    • 巴塞隆拿一年四季都適合遊覽,又以 5 月﹑6 月同 9 月最正,除咗可以避開 7 月至 8 月嘅旺季旅客人潮之外,酒店同機票價錢仲平啲添!
    2

    巴塞隆拿基本資訊

    • 主要語言:西班牙文
    • 插頭類型: C 同 F
    • 電壓:230 V
    • 貨幣:歐元 (EUR)
    • 國際電話代碼:+34 93
    • 緊急電話 :112
    3

    城市交通

    巴塞隆拿埃爾普拉特機場

    巴塞隆拿埃爾普拉特機場 (Barcelona-El Prat Airport) 位於巴塞隆拿市中心以南 12 公里外,係西班牙最繁忙嘅機場之一。由機場出發,去巴塞隆拿市中心嘅交通方式如下:

    • 搭的士到市中心大約需要 25 分鐘,費用係 EUR30 左右。的士站位於 1 號同 2 號客運大樓嘅到境大堂外。
    • 搭火車到市中心大約需要 25 分鐘,費用係 EUR4 左右。Rodalies de Catalunya 火車站位於 2 號客運大樓外。
    • 搭地鐵去市中心只需要 25 分鐘,費用係 EUR5。地鐵站位於 1 號客運大樓裡面、同埋 2 號客運大樓外面嘅火車站隔籬。機場站喺 L9 線上,要轉搭 L1﹑L3 或者 L5 線,先可以去到市中心。
    • 搭 Aerobús - 機場快線巴士去市中心需要 25 分鐘,車費大約 EUR6。Aerobús 喺每座客運大樓外都有車站。
    • 如果搭 TMB 巴士,由 2 號客運大樓出發去市中心需時 40 分鐘內,由 1 號客運大樓出發需時 55 分鐘,費用係 EUR3。
    • 1 號同 2 號客運大樓內都有好多間租車公司。


    巴塞隆拿桑茲火車站

    巴塞隆拿桑茲火車站 (Barcelona Sants) 係巴塞隆拿嘅主要火車站,位於市中心以西,由高速火車連接巴塞隆拿﹑馬德里同埋西班牙各個主要城市。火車站裡面有 2 條地鐵線 (L3 同 L5),仲有巴士同的士,直達你下榻嘅酒店。

    相片由 Ad Meskens 提供 (CC BY-SA 4.0) 經修改

    4

    巴塞隆拿市內交通

    旅遊貼士

    巴塞隆拿有完善嘅公共交通系統,其中包括地鐵﹑電車﹑城市鐵路同巴士網絡,車飛都有好多種選擇,俾你輕鬆遊覽市內每個角落。

    • 所有公共交通嘅單程票價係 EUR2.20 (4 歲以下小童免費)。
    • 一張 T10 飛 (可以任搭所有公共交通工具 10 次) 費用係 EUR10.20,仲有多人票俾你揀 (一對情侶可以用 T10 飛搭 5 次車)。
    • 你亦可以喺到達機場嗰陣買張 Hola Barcelona 旅遊卡,用 2-5 日,期間無限次任搭所有公共交通工具,票價係 2 日 EUR15 起。
    • 巴塞隆拿卡 (Barcelona Card) 就包含無限次乘搭公共交通工具、免費或者以優惠價買博物館同景點門票,同埋喺指定地點食飯 Shopping 嘅 Discounts,有效期係 2 至 5 日,上網買仲平啲添!巴塞隆拿卡會喺你第一次使用嘅時候自動激活,夠哂方便。
    5

    搭的士

    • 你可以喺巴塞隆拿市內截官方嘅黃色同黑色的士,如果車頂著咗綠燈嘅話,就表示佢咃可以載客喇!
    • 的士站遍佈全市各處,
    • 你亦可以打去 936-936-936 Call 巴塞隆拿無線電的士台 (Radio Taxi Barcelona)。
    • 巴塞隆拿嘅的士起標價係 EUR2.15,08:00 - 20:00 嘅基本費用係每公里 EUR1.13 (夜間收費 EUR1.34),星期六、日會酌量加價。
    • 如果你唔識西班牙文,最好準備定地址俾司機睇喇!
    • 巴塞隆拿嘅的士多數都接受信用卡付款。
    • 巴塞隆拿無 Uber,但係你都可以用好多個唔同嘅手機 App 叫的士,包括 Hailo,MyTaxi 同 Cabify。
    6

    用 Donkey Republic 共享單車

    想輕鬆探索陽光明媚又溫暖嘅巴塞隆拿?不妨試吓用共享單車啦!雖然 Bicing 公共單車共享系統只係俾當地人使用,好彩都仲有 Donkey Republic 為遊客提供服務。你只需要 Download Donkey Republic 嘅 App,就可以共享單車,收費係 30 分鐘 EUR1.5 起。Donkey Republic 嘅單車喺市內度度都搵得到;除此之外,市中心個別舖頭都有單車租嘅。

    相片由 Andreas Schwarzkopf 提供 (CC BY-SA 3.0) 經修改

    開始計劃行程

    Maps