首爾屬於溫帶氣候,春夏秋冬四季分明。3 月初到 5 月正正就係春季,市內各處嘅櫻花、杜鵑花、串串金同皇家杜鵑花都會盛開,靚到暈;各種花卉慶典象徵春臨大地,首爾正式迎嚟春天。春天嘅時候,首爾平均溫度下就大約係 16.5°C,夜晚就係 5°C。

    首爾每年嘅降雨量有 60% 集中喺 6 月到 9 月初嘅夏季,呢段時間天氣有時好熱,平均最高溫度係 29°C,平均最低溫度係 19.7°C。如果喺夏天嚟旅遊,建議帶把雨遮,出去果時記得搽太陽油。

    9 月到 11 月就係秋天,平均溫度介乎喺 8.5°C 到 19.5°C,果時天朗氣清,又金又紅嘅秋葉開遍全市,青翠山脈同市內大型公園都會披上靚靚秋色。

    首爾冬天會颳大風同乾燥,又會非常凍,凍嘅日子溫度可以降到 -15°C。不過,即使喺冬天遊覽首爾,您都可以參加好多休閒活動,樂趣無窮。

    最好旅遊季節

    首爾嘅最好旅遊季節係 9 月到 11 月嘅秋天,果時市內氣候溫和,風都只係細細哋好柔和,藍天白雲同埋壯麗山景,真係靚絕。秋天嘅文化節慶活動包括首爾鼓樂節 (9 月中旬)、安東假面舞節 (9 月到 10 月) 同晉州南江流燈節 (10 月初) 等。

    春風送暖,首爾市內市外櫻花會盡情咁開,嬌艷粉紅色、紫色同白色嘅櫻花到處都係。4 月中嚟首爾旅遊,可以參加汝矣島春花慶典,欣賞熱鬧嘅鮮花巡遊、街頭表演、攝影同藝術展覽。

    首爾冬天

    首爾冬天通常喺 12 月到 3 月中,平均溫度喺 -10°C 到 10°C 之間。雖然遊客多數會避開喺好凍嘅冬天嚟首爾,但係冬天仍然有各種活動,適合一家大細一齊玩,包括溜冰、滑雪同單板滑雪。

    冬天最凍既時間,當地人經常去首爾市內嘅購物商場、熱舞夜店、音樂酒吧同汗蒸幕避一避超凍嘅天氣。

    Penny Wong | 旅遊常客

    開始計劃行程

    透過 Hotels.com 預訂的好處

    旅遊提示

    新型肺炎提示:旅遊限制急速變化,目的地或設行前檢測及到埗檢疫等安排。

    請查閱行程的相關規定。
    返回頁首