首爾機場

首爾資料指南

    首爾機場係到訪呢個城市旅客嘅主要抵埗點。首爾市內總共有 2 個國際機場,兩個都配備寬敞嘅客運大樓、現代化嘅設施、餐飲同購物場所,同埋通往市中心嘅高速公共交通網絡。對於喺首爾停留轉機嘅旅客,由機場出嚟行幾步就到嘅酒店有好多,都可以住宿。

    旅客無論到達首爾邊個機場,都要填妥同遞交入境同清關表格。溫馨提示:嚟自傳染病高風險國家/地區嘅旅客另外要填寫檢疫問卷。

    1

    仁川國際機場 (Incheon International Airport)

    仁川國際機場 (Incheon International Airport) 係首爾最主要、最大型嘅航空交通樞紐,服務 80 多間國內以及國際航空公司,當中包括英國航空公司、阿聯酋航空公司、大韓航空公司、馬嚟西亞航空公司、國泰航空公司、韓亞航空公司、濟州航空公司、泰國航空公司以及博立貨運航空,

    更時有在 1 號和 2 號客運大樓舉辦各種文化表演和古典音樂會。身在機場,你還可以參觀韓國傳統文化體驗中心,學習如何製作韓國工藝品、試穿韓服 (hanbok;即傳統服飾),並欣賞韓國傳統音樂。機場分別有兩個瞭望台,你可以離遠望住飛機喺跑道升降;

    機場內嘅免稅購物商場屢獲殊榮,同各大餐飲據點相映成趣,當中有美食廣場、韓國菜餐廳、咖啡廳同快餐店等,美食多到令人流晒口水!為咗方便喺首爾過境嘅旅客,仁川國際機場周圍有幾間酒店,仲有免費接駁車服務添!

    相片由 hyolee2 提供 (CC BY-SA 4.0) 經修改

    2

    由仁川國際機場前往首爾

    仁川國際機場 (Incheon International Airport) 離首爾以西差唔多 48 公里,一年四季都有機場鐵路快車 (A'REX)、機場豪華巴士同埋的士往來兩地。

    A'REX 係首爾嘅機場鐵路線,連接仁川國際機場、金浦國際機場 (Gimpo International Airport) 同埋首爾市中心;由仁川國際機場坐特快列車去首爾站,45 分鐘都唔使,超級方便!成人車費大約 KRW9,000,小童只需要 KRW7,000。

    機場豪華巴士由仁川國際機場開去首爾大部分地區,高級豪華巴士車費由 KRW14,000 至 KRW15,000 不等,標準豪華巴士嘅車費就介乎於 KRW9,000 至 KRW10,000 之間。

    唔鍾意搭地鐵巴士嘅話,的士係個比較舒適方便嘅選擇,不過車費亦都會貴啲。視乎你嘅目的地喺邊,由仁川國際機場出發去首爾市中心嘅標准的士車費由 KRW60,000 到 KRW100,000 不等,乘客亦都要另外補貼仁川大橋 (Incheon Bridge) 通行費 KRW 8,000。

    相片由 안우석 提供 (CC BY-SA 3.0) 經修改

    3

    金浦國際機場 (Gimpo International Airport)

    喺 2001 年之前,金浦國際機場 (Gimpo International Airport) 一直都係首爾最主要嘅國際同內陸機場,裡面有 2 條跑道、2 座客運大樓同埋 1 個貨運站,仲有外幣兌換服務櫃台、藥房、旅遊資訊中心、免稅店、餐廳同的士櫃台等設施。

    自從仁川國際機場 (Incheon International Airport) 啟用以嚟,金浦國際機場就轉型為以內陸機為主嘅機場。如果你嚟緊諗住喺首爾搭內陸機去釜山 (Busan)、濟州島 (Jeju) 同大邱 (Daegu),你多數都會喺金浦機場出發。

    金浦國際機場亦都有唔少國際線,分別去東京 (全日空航空)、大阪 (日本航空)、名古屋 (濟州航空)、北京 (中國南方航空同中國國際航空)、上海 (中國東方航空) 同埋台北 (易斯達航空同長榮航空)。

    相片由 Ken Eckert 提供 (CC BY-SA 4.0) 經修改

    4

    由金浦國際機場前往首爾

    想由金浦國際機場 (Gimpo International Airport) 去首爾市中心,最簡單嘅方法就係搭全程列車。全程列車沿住機場鐵路快車 (A'REX) 軌道行駛,由金浦國際機場出發,20 分鐘倒就到首爾站。

    你亦可以搭機場豪華巴士 (票價由 KRW2,500 起)、城際巴士 (KRW6,500),或者豪華或普通的士 (KRW20,000 至 KRW40,000)。

    相片由 LERK 提供 (CC BY-SA 4.0) 經修改

    Penny Wong | 旅遊常客

    開始計劃行程

    Maps