明洞市場係韓國嘅主要購物區之一,雲集百貨商場、購物中心同各式小店,仲有好多時尚餐廳同咖啡店。場內嘅購物熱點包括樂天百貨、樂天青年廣場同 Noon Square 購物中心;而 M Plaza 就有首爾文化觀光中心,裡面嘅表演大廳經常會舉辦現場音樂會同文化活動。

    明洞市場搜羅超過 1,000 個韓國品牌,包括 Nature Republic、Etude House、The Face Shop、Missha 同 Skinfood,鐘意購物嘅遊客亦會到呢度朝聖,親身試用最新護膚品同美容產品;

    明洞市場 (Myeongdong Market)名列首爾 21 大玩樂活動首爾 17 大最佳購物勝地 (閱讀有關首爾的資料)

    另外,明洞市場唔單止係首爾嘅時尚潮流地帶,亦係品嚐傳統韓國美食嘅好去處,有幾十個街邊攤檔售賣魚糕、混合蔬菜同甜辣椒醬嘅辣炒年糕 (tteokbokki)、韓國辣味炸雞同韓式烤肉 (bulgogi;即烤牛里脊肉)。想試新奇口味,不妨挑戰豬血腸 (soondae)—呢款韓式血腸內塞滿豆腐、大豆芽、大蔥、粉絲同蘑菇,口味豐富!

    明洞市場仲有唔少景點,包括歌德式風格嘅明洞天主教堂,同埋擁有 600 多年歷史嘅南大門傳統市場。

    有時間嘅話,不妨參觀明洞劇場—呢度係韓國第一個公演全球出晒名嘅「亂打秀」場地,無對白搞笑表演配合埋韓國敲擊樂節拍同演奏,令觀眾樂趣無窮。

    明洞市場因為歷史背景、旅遊景點同頂尖購物體驗,成為首爾嘅著名旅遊地標,乘搭首爾地鐵就可以好輕鬆咁嚟到呢度。

    明洞市場 (Myeongdong Market)

    開始計劃行程

    新型冠狀病毒肺炎 (COVID-19) 旅遊提示

    指南中推薦的景點和體驗可能會受到影響,出發前請先查閱當地指引。

    返回頁首