濟州資料

濟州旅遊指南

    我哋嘅濟州資料包括咗點樣去呢座韓國小島,同埋一啲基本貼士,幫助你盡情咁享受假期!濟州氣候溫和,有幾十個自然景點,最適合想逃離城市生活、同埋喺韓國享受浪漫假期嘅旅客。

    因為濟州大部分收入嚟自發展蓬勃嘅旅遊業,所以大多數嘅度假村同名勝古蹟都收費唔平…但好消息係當地唔少餐館同酒店都係價格合理,尤其係旅遊淡季就特別實惠。

    1

    氣候

    濟州擁有溫和嘅亞熱帶氣候,幾乎全年都天氣怡人。呢個島位於亞熱帶和溫帶地區之間,冬季有點寒冷,北部某些地區則會降雪,

    卻因坐擁溫暖海流而不致出現極端天氣,夏季氣溫最高升至 28°C,秋季亦較韓國其他地區溫暖。

    2

    濟州交通

    濟洲島同內陸有航班同船舶往來,如果要到此遊覽,相對容易。濟州國際機場有固定班次嘅航機穿梭釜山和首爾,亦有國際航班直達東京、上海和北京等地。

    如果你想以較低預算旅遊,可以乘坐渡輪同船舶—雖然坐船遊歷嘅行程較慢,而且必須喺船上過夜,但價錢比航班平得多:

    由釜山到濟州嘅渡輪航程約 11 小時,最低等級客位嘅費用約為 KRW40,000;如果你由木浦 (Mokpo) 出發,船費約為 KRW20,000,船程約 6 小時;你亦可以由莞島 (Wando) 同仁川 (Incheon) 乘渡輪前往濟州,航程分別為 3 小時和 15 小時。

    3

    濟州島上交通

    濟州島上嘅交通方式眾多—如果你住喺海灘附近,建議使用車程較慢嘅交通工具遊覽小島,例如踩單車或電單車,同樣都唔錯;而巴士同的士亦係濟州旅遊嘅熱門交通選擇。

    巴士

    濟州島設有班次頻密嘅巴士服務,往來市中心同機場,有啲路線亦會喺沿海公路上行駛。島上多區之間均有當地巴士網絡互通,緊密連接,令巴士成為遊遍濟州島各處嘅經濟交通工具。

    租車/電單車

    濟州嘅道路情況相對不俗,旅客喺島上自駕亦好安全。想要租車並聘用會講英文嘅司機,每日大約需要 KRW70,000;更抵嘅選擇就係租電單車,費用大約為 KRW30,000。

    喺濟州踩單車

    如果你住喺市中心或者係海灘區,踩單車就係遊覽濟州嘅絕佳好方法—當地天氣溫和,交通安全,踩單車遊島定必舒適寫意!喺濟州租一輛單車嘅費用為每日 KRW10,000 到 KRW15,000 之間。

    相片由 Laurie Nevay 提供 (CC BY-SA 2.0) 經修改

    開始計劃行程

    Maps